رايكم ف الكاوتش النانكج

[M.belal]

السلام عليكم ورحمه الله وبركاته وكل عام وانتم بخير
كنت عايز اغير فردتين كوتش واشوف اتنين كويسين ارجعهم ورا
لما سالت ع المقاس بتاعى 185/65r14
قالى ع تلات انواع
ننكانج وده الفرده ب 340
نكسن الفرده ب 370
ونوع كورى كده اسمه ارو تقريباب 360
المهم شكرلى ف النانكج وانا شاء الله ناوى اجيب منه فردتين
ايه رايكم ف السعر والكوتش مع المطبات والفرامل عامل ايه
وجزاكم الله كل خير

[omarkhaled55]

متابع

[khalid_adel]

هو صيني ؟؟؟
اول مره اسمع عنه

[samasuper]

السلام عليكم ورحمه الله وبركاته
اللى اعرفه عن النانكنج انه تايوانى بس الكلام ده سنه 2006 معرفش دلوقتى صناعته ايه
بس فى فرده عندى هابص عليها وارد عليك
اللى اعرفه انها فرده طريه تمتص المطبات

[Eng.Geo]

كاوتش معفن أوعي تجيبه

[Land_Cruiser]

كاوتش سيء خساره فيه الفلوس عن تجربه . دور على ماركه معروفه و مضمونه احسن و أأمن و عندك ال بريدجستون و الميشلان و الكونتنتال و الدانلوب و البيرللى. ممكن يبقوا اغلى شويه بس مضمونين و هيعيشوا معاك ان شاء الله بدل ما تجيب حاجه رخيصه و تبوظ على طول و الضمان هيبقى زى قلته لانه فى الاغلب هيقولك ده سوء استخدام فحضرتك اعمل جوله فى السوق و دور على الانواع المضمونه

[kaza]

فعلا كاوتش سيئ جدا انا كنت جربت فردتين 14*185/70ومع انهم كانو انتاج 2008 سنتها وكنت جايبهم hللسرعات العالية ضربوا لوحدهم والعربية واقفة ومكملوش 27000كم ومدة 10 اشهر بالتمام والكمال وتشوف الفردة وهي ضاربة تحس ان الكاوتش دة اتحرق مفرفت حتت حتي السلك مصدي لا والاكادة الاثنين يضربوا بفاصل يوم
نصيحة لوجة الله ابعد عن الماركات الغريبة وخليك في حاجة مضمونة اوفرلك واضمنلك

[M.belal]

هو صيني ؟؟؟
اول مره اسمع عنه

لا تايوانى

السلام عليكم ورحمه الله وبركاته
اللى اعرفه عن النانكنج انه تايوانى بس الكلام ده سنه 2006 معرفش دلوقتى صناعته ايه
بس فى فرده عندى هابص عليها وارد عليك
اللى اعرفه انها فرده طريه تمتص المطبات

بقالها اد ايه معاك ؟

كاوتش معفن أوعي تجيبه

انا عايز فردتين ف حدود السعر ده لان المراكات التانيه اللى الفرده ب 500 دى صعب جدا
لو تعرف نوع كويس بالسعر ده يا ريت تقلى عليه

[Eng.Geo]

أغلي حاجة بسيطة
كومهو أكستا

[M.belal]

كاوتش سيء خساره فيه الفلوس عن تجربه . دور على ماركه معروفه و مضمونه احسن و أأمن و عندك ال بريدجستون و الميشلان و الكونتنتال و الدانلوب و البيرللى. ممكن يبقوا اغلى شويه بس مضمونين و هيعيشوا معاك ان شاء الله بدل ما تجيب حاجه رخيصه و تبوظ على طول و الضمان هيبقى زى قلته لانه فى الاغلب هيقولك ده سوء استخدام فحضرتك اعمل جوله فى السوق و دور على الانواع المضمونه

الانواع دى الفرده هتخش ف ال500بالنسبه لى كتير ف الوقت الحالى
لو حضرتك تعرف انواع كويسه ف حدود السعر ده يا ريت تزكر اسمائها

فعلا كاوتش سيئ جدا انا كنت جربت فردتين 14*185/70ومع انهم كانو انتاج 2008 سنتها وكنت جايبهم hللسرعات العالية ضربوا لوحدهم والعربية واقفة ومكملوش 27000كم ومدة 10 اشهر بالتمام والكمال وتشوف الفردة وهي ضاربة تحس ان الكاوتش دة اتحرق مفرفت حتت حتي السلك مصدي لا والاكادة الاثنين يضربوا بفاصل يوم
نصيحة لوجة الله ابعد عن الماركات الغريبة وخليك في حاجة مضمونة اوفرلك واضمنلك

اشكرك ع النصيحه
هل حضرتك ترشح نوع معين ف حدود ال 330 ل 350؟

[khalid_adel]

انا مش فاكر سعره اوي بس اسأل على كومهو اكسستا
لو غالي عليك
اسأل عند اشرفكو على اكسيليرا بجد فرده كويسه اوي اندونيسي ودي تاني مره اجيبها ماشاء الله وسعرها حنين

[khalid_adel]

بالمناسبة اشرفكو ده هو المستورد والموزع لاكسيليرا في مصر عشان كده رخيصه عنده

[M.belal]

بالمناسبة اشرفكو ده هو المستورد والموزع لاكسيليرا في مصر عشان كده رخيصه عنده

استازنك ف عنوانه

[M.Elgergawy]

استازنك ف عنوانه

الحي السادس م نصر
بعد قسم تاني م نصر على اليمين

[khalid_adel]

ده عنوان وفي عنوان تاني وهو الاصلي في المطريه جنب محطه المترو بس يكون المترو علي يمينك وهو علي شمالك
اصل دي ناحية ودي ناحيه زي ماتقول شرفيه وغربيه
بص انا بروحله من عند حدايق القبه لما بلاقي كبري الطاهره مش بطلعه وفي من تحته زي صينيه صغيره طوالي بتاعها حتلاقي مكتوب شارع ترعة الجبل امشي لحد اخره لحد ماتلاقي سور المترو على يمينك امشي مع سور المترو حتلاقي محل كبير كذا دور وماسك ناصيه مكتوب عليه اشرفكو
معلش انا في الطرق في الباي باي ودي اول مره في حياتي تقريبا اوصف لحد طريق :):):) على طول انا اللي بسأل :):)