إعـــــــلان

Collapse

.

,
See more
See less

هو فيه ايه؟!

Collapse
X
 
  • Filter
  • الوقت
  • Show
Clear All
new posts

  • هو فيه ايه؟!

    هو ايه بيحصل؟!
    ليه كل دا ؟!
    النهردة كنت في شغلي عادي جدا
    خلصت المستشفى اللي كنت فيها ورجعت لعربيتي العزيزة لقيت شراعة الازاز مكسورة !
    توضيح:-
    المستشفى هي مستشفى الخازندارة وانا راكن العربية على اول الشارع قدام بتوع العيش والفاكهة يعني مكان قمة الأمان
    سايب شنطتي في دواسة العربية مفيهاش غير شوية ورق فقط لا غير !
    المهم الشراعة مكسورة والشنطة اتسرقت !
    قلت الحمد لله مش مشكلة ومشيت وتوكلت على الله وروحت أغير بطاريتي
    قدام محل البطاريات واحدة معاها افيو واقفة بالعرض قدام المحل فسادة المدخل فمش عارف ادخل للمحل واطلع العربية على الرصيف قدامه -هو عامل مدخل ليه ومظبط الدنيا بعيدا عن الشارع -
    المهم وقفت قدامها ومدي اشارة ومستني ان الهانم تيجي تطلع عربيتها -الشارع جانبي ورايح جاي -
    اللي جاي طبعا وقف قدامي عربية لانسر عاوز يعدي وايده على الكلاكس !
    شاورتله بابتسامة لحظة بس انا داخل
    ايده على الكلاكس برده قلتله انا داخل
    لسة بدي اولاني وداخل لقيته قام دايس بنزين وداخل فيا
    بيني وبينكم وقفت ورفعت فرامل اليد وقلتله طيب انا وقفت على كدة
    لقيته نزل وقام بعزم ما فيه خابط الاكصدام عندي برجله
    ازاي توقف الشارع ومش من حقك وبتاع وانا باصصله في ذهول !
    هو ايه انا عملته لكل دا اصلا؟!
    دا انا مغلطتش فيك في حاجة اساسا !
    المهم بصيتله شوية وانا ساكت قام رازع الاكصدام تاني برجله ويقلي انت خبطتني !
    قلت مبدهاش بقا قمت نازل من العربية وهمسك فيه لقيت بتوع البطاريات جم ومسكوا فيا يحوشوني وخلاص يا دكتور ورمضان كريم ومتتخانقش وبتاع !
    قلت اللهم اخزيك يا شوشو
    لقيته لتالت مرة قام رازع الاكصدام تاني برجله وبعزم ما فيه
    مفيش قدامي غير فوانيس عربيته من الناحية التانية
    والدته في العربية وانا باصصلها ومش عاوز اتغابى عليه عشان منظره وشكله قدام والدته
    ودا معندوش ولا دم ولا عقل !
    المهم قمت راكب العربية راميها قدام المحل فوق على الرصيف ونزلتله بقا
    لقيت 4 بيحوشوا فيا وخلاص يا دكتور ومتتخانقش وبتاع يا جدعان سيبوني مش هضربه انا هعرفه غلطه بس
    ودول مرضيوش يسيبوني
    انا كل دا مبصيتش على عربيتي ايه حصلها من الغباء بتاع البيه !
    بصيت على عربيته لقيت اكصدامه مطبق لجوا !
    بصيت على رعبيتي الحمد لله تقريبا مفيش حاجة
    السؤال ليه دا؟!
    انا عملتلك ايه لكل دا؟!
    طب لو كنت قليت ادبي وقمت ضاربلك فانوس برجلي مثلا وكاسرهولك؟! وحقي !
    او لو كنت شتمتك بوالدتك او حاجة وبرده حقي !
    بلاش طب لو كنت مديت ايدي عليك وضربتك ! شكلك ايه قدام الحريم اللي معاك؟!
    انا اعرف اللي معاه حريم يحترم نفسه وميقلش ادبه على حد عشان ميتهزأش وتتقل قيمته دا لو كان ليه حق يقل ادبه!
    يا ريت لو حد فاهم اللي حصل يقلي؟!
    على فكرة البيه مسلم فمحدش يقلي الصيام عشان انا كمان كنت صايم والصيام مش معناه اننا نتعدى على ممتلكات الغير ونبوظها !
    Ashraf_Ibrahim

  • #2
    بصراحة انا لو مكانك كنت فطرت عليه اصلا الناس اللى زى دى انا مبطيقهمش حتى لو معاه حريم هو مش محترم نفسو انا اعرفو مقامو قدامهم
    koshary

    Comment


    • #3
      اللي اقدر اقوله ان حضرتك محترم جدا لابعد الحدود بجد دا موقف رجولي منك
      انا لو مكانك في اختراع اسمه عكاذ خشب كدا ملفوف بالجلد عامله عموله بس الخبطه منه حلوه يعني بتظبط
      كنت كسرته هو والعربيه والي يتشددله
      نسيت اقولك ربنا يعوض عليك في الي اتسرق منك

      Comment


      • #4
        ياعم انت لحقت تستلم العربيه عشان تخبطها تاني
        قدر الله وما شاء فعل

        بص انا لو مكانك كان ممكن اعمل معاه الصح. بس انت يا اشرف انا اعرف عنك انك هادي ومن الصعب استفزازك. واضح ان الواد ده كان بارد :@

        Comment


        • #5
          نسيت تقول اللى حصل وانا وانتا فى شارع دمشق
          ههههه
          قدر الله وما شاء فعل يا صديقى
          وفى ستين داهية الشنطة
          حرامى اهبل صحيح
          انا كل اللى مزعلنى ال65 جنيه بتوع الشراعه :))

          Comment


          • #6
            المشاركة الأصلية كتبت بواسطة koshary مشاهدة المشاركة
            بصراحة انا لو مكانك كنت فطرت عليه اصلا الناس اللى زى دى انا مبطيقهمش حتى لو معاه حريم هو مش محترم نفسو انا اعرفو مقامو قدامهم
            بص يا كشري
            انا منعني عنه حاجتين
            الصيام اولا
            ووالدته ثانيا -انا عمري ما بتخانق مع حد معاه حريم ابدا !

            المشاركة الأصلية كتبت بواسطة ahmed metwaly مشاهدة المشاركة
            اللي اقدر اقوله ان حضرتك محترم جدا لابعد الحدود بجد دا موقف رجولي منك
            انا لو مكانك في اختراع اسمه عكاذ خشب كدا ملفوف بالجلد عامله عموله بس الخبطه منه حلوه يعني بتظبط
            كنت كسرته هو والعربيه والي يتشددله
            نسيت اقولك ربنا يعوض عليك في الي اتسرق منك
            يعوض علينا ربنا فعلا !
            الحمد لله
            ربنا يكرمك يا صديقي

            المشاركة الأصلية كتبت بواسطة mahmoud_afifi مشاهدة المشاركة
            ياعم انت لحقت تستلم العربيه عشان تخبطها تاني
            قدر الله وما شاء فعل

            بص انا لو مكانك كان ممكن اعمل معاه الصح. بس انت يا اشرف انا اعرف عنك انك هادي ومن الصعب استفزازك. واضح ان الواد ده كان بارد :@
            والله يا عفيفي ملحقتش !
            ومضايق جدا اساسا !
            هي المشكلة الاكبر اني مش فاهم هو ليه عمل كدة؟!
            Ashraf_Ibrahim

            Comment


            • #7
              فيه ان حضرتك غلطت لما سكت له ومارزعتلوش الكابوت واحدة حلوة وقولتلو المرة الجاية البربريز ع اللي فيه..
              أهو عشان الحيوانات اللي زي دي الواحد بيأمن نفسه ب stun gun

              Comment


              • #8
                ربنا يعوض عليك وانت اتصرفت صح
                تلاقيه بيته علي ناصية الشارع وبيعمل عنتر عشان في منطقته
                لأن في ناس مريضة بالداء دة - ولا يمكن يعمل كدة برة منطقته
                [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                [CENTER]
                [COLOR=DarkRed]صفحة القسم علي الفيس بوك[/COLOR]
                [/CENTER]
                [CENTER][URL]http://www.facebook.com/SeatNileMotors[/URL]

                [COLOR=Navy]صفحتي الشخصية
                [url]https://www.facebook.com/ITNetworksWay[/url]
                [/COLOR] [/CENTER]

                Comment


                • #9
                  المشاركة الأصلية كتبت بواسطة mahmoud_afifi مشاهدة المشاركة
                  ياعم انت لحقت تستلم العربيه عشان تخبطها تاني
                  قدر الله وما شاء فعل

                  بص انا لو مكانك كان ممكن اعمل معاه الصح. بس انت يا اشرف انا اعرف عنك انك هادي ومن الصعب استفزازك. واضح ان الواد ده كان بارد :@

                  والله يا بيبى على ما اشرف حكالى واد ابن تيييت مستفذ

                  Comment


                  • #10
                    المشاركة الأصلية كتبت بواسطة Kareem Fawzy مشاهدة المشاركة
                    نسيت تقول اللى حصل وانا وانتا فى شارع دمشق
                    ههههه
                    قدر الله وما شاء فعل يا صديقى
                    وفى ستين داهية الشنطة
                    حرامى اهبل صحيح
                    انا كل اللى مزعلنى ال65 جنيه بتوع الشراعه :))
                    قصدك على العامود بتاع شارع دمشق :D
                    لأا دي غلطة سواق عادي يعني
                    بس هو اليوم ما شاء الله عليه من اوله !
                    Ashraf_Ibrahim

                    Comment


                    • #11
                      المشاركة الأصلية كتبت بواسطة crayvor مشاهدة المشاركة
                      فيه ان حضرتك غلطت لما سكت له ومارزعتلوش الكابوت واحدة حلوة وقولتلو المرة الجاية البربريز ع اللي فيه..
                      أهو عشان الحيوانات اللي زي دي الواحد بيأمن نفسه ب stun gun
                      والله يا عزيزي انا اخر حاجة بفكر استعملها دراعي !
                      معرفش دا عيب واللا ميزة بس مش دا اسلوبي مش خوف او جبن او اني مبعرفش اتخانق او كدة بس انا لمابتخانق بكون غبي !
                      بسبب اضرار للي بتخانق معاه فعلا لأني عارف اوجع فين وازاي
                      بس تصدق يمكن لو كنت كسرتله حاجة في عربيته كان لم نفسه من الاول !
                      والله ماعرف اان اتصرفت صح واللا غلط !

                      المشاركة الأصلية كتبت بواسطة SYD مشاهدة المشاركة
                      ربنا يعوض عليك وانت اتصرفت صح
                      تلاقيه بيته علي ناصية الشارع وبيعمل عنتر عشان في منطقته
                      لأن في ناس مريضة بالداء دة - ولا يمكن يعمل كدة برة منطقته
                      ربنا يعوض علينا جميعا يا رب
                      انا ميهمنيش منطقته من مش منطقته
                      حظه الكويس انه جه مع واحد زيي بيقدر ايه يحصل بالظبط !

                      المشاركة الأصلية كتبت بواسطة Kareem Fawzy مشاهدة المشاركة
                      والله يا بيبى على ما اشرف حكالى واد ابن تيييت مستفذ
                      مشتمتش عشان مافطرش عليه
                      وبعدين اشتم ازاي ووالدته اللي كانت قاعده دي!
                      هو اه محترمهاش بس مش اخلاقي يا كريم !
                      Ashraf_Ibrahim

                      Comment


                      • #12
                        الله يباركلك
                        و عوضك على الله
                        بصراحه قمه القوه الى انتا عملتو ده
                        كولو بالحنيه بيفك مع تجيات جمعيه حنينها قبل متحلبها

                        Comment


                        • #13
                          المشاركة الأصلية كتبت بواسطة minicooper20 مشاهدة المشاركة
                          الله يباركلك
                          و عوضك على الله
                          بصراحه قمه القوه الى انتا عملتو ده
                          ربنا يكرمك يا ميني كوبر
                          والله انا عامل الموضوع دا مخصوص عشان اعرف انا كدة صح واللا غلط وكان لازم اكسرله عربيته !
                          اصل انا فيه حكمة مقتنع بيها جدا!
                          وقتما امتدت الأيدي تساوت الرؤوس !
                          Ashraf_Ibrahim

                          Comment


                          • #14
                            المشاركة الأصلية كتبت بواسطة ashraf_ibrahim مشاهدة المشاركة
                            قصدك على العامود بتاع شارع دمشق :d
                            لأا دي غلطة سواق عادي يعني
                            بس هو اليوم ما شاء الله عليه من اوله !

                            هو بعينه بغباوته واللى كان راكب العربية ورا ومقالش على العمود اغبى منه
                            هههههههههههههههههه
                            متقولش حاجة بقا علشان الفضايح ان الله حليم ستار :))

                            Comment


                            • #15
                              المشاركة الأصلية كتبت بواسطة Ashraf_Ibrahim مشاهدة المشاركة

                              مشتمتش عشان مافطرش عليه
                              وبعدين اشتم ازاي ووالدته اللي كانت قاعده دي!
                              هو اه محترمهاش بس مش اخلاقي يا كريم !

                              انتا هتقولى :))

                              Comment

                              Working...
                              X