تحذير .. المرة دي بجد

[eng.m7md.ali]

انا اسف جدا للادارة لان الموضوع ده ملوش علاقة بالسيارات بس قولت احاول احذر اكبر عدد من الاعضاء عن اللي حصل

الحكاية
ان النهاردة دخلت صيدلية اجيب دوا لقيت واحدة كبيرة والدكتورة بيتكلمو في موضوع حصل في البيت بتاعهم
بيت الست دي ورا العمارة اللي انا ساكن فيها علطول
اللي سمعته كالتالي:
وهما قاعدين فجأة كل الاجهزة الكهربائية اللي في البيت باظت
والكلام ده مش عندها هيا بس ده في كل العمارة اللي هيا ساكنة فيها
انا مش فاهم تفسير الموضوع ده بس من الواضح ان حصل مشكلة في الكهربة وجالهم كهربة عالية هيا اللي عملت الموضوع ده
الست دي باظ عندها تلاجة وغسالة وتليفزيون وتكييف والله اعلم باقي الناس حصل ايه عندهم
عشان كدة كان واجب التحذير من الموضوع ده لحد ماربنا يسترها ويفرجها من اللي احنا فيه
وخلو بالكو بلاش تستعملو التكييفات من الريموت وخليها احسن من الزورار بتاعه اللي بيبقى في الحيطة ونفس الكلام على التليفزيونات لما تخلص التلفزيون وتقفله تشيل الفيشة ..

[kar!m]

بس المفروض الأجهزة الكهربية بيكون فيها فيوز لما التيار بيزيد .. الفيوز بيتحرق و بيفصل الكهربا عن بقية الدايره.

لو على الفيوز تبقى بسيطة.

[ahmad--ezzat]

الاجهزه مصصمه ان لو جه تيار عالي يبقي في حمايه

الشعب المصري يموووت في الفشر

[Amr Axel]

شكرا للتحذير
ساعات يا باشا بيكون فيه تلميس في اسلاك العمارة اللي طالعة من البوكس تحت و ماشية داخل الحيطة و بتؤدي ان مثلا تلاجة تبوظ تليفزون لمبات و ممكن تلاقي الموضوع ده في دور او اتنين و ممكن الباقي لأ و ممكن كله ع حسب مدي قدم العمارة و الاسلاك اللي فيها
و المفروض ان الفيوزات الاجهزة عامة مصممة ان مهمتها تفصل في اي مشكلة تحصل من النوع ده فالموضوع مش داخل دماغي ان كل الاجهزة ضربت و العمارة كلها حتي لو الكهربا جت عالية و طالما اتنين ستات قاعدين اعرف انه اي هبل في الجبل ههههههههه
عند قرايبي بعيد عنكم العمارة ولعت بسبب الكهربا و الاسلاك و مع ذلك الاجهزة محصلهاش حاجة

[AhMeD MeTwAlY]

الحمد لله مفيش حاجه عندنا ضربت غير المبتين الي في المدخل

[eng.m7md.ali]

بصو يا جدعان
انا حصلي موقف من حوالي 4 سنين
كنت برة والنور كل شوية يقطع ويجي يقطع ويجي يقطع ويجي في البيت على حسب كلام الجيران
رجعت لقيت الديب فريزر بايظ والتليفزيون .. ده ممكن يكون حاجة شبه دي؟

[wael_power]

بس المفروض الأجهزة الكهربية بيكون فيها فيوز لما التيار بيزيد .. الفيوز بيتحرق و بيفصل الكهربا عن بقية الدايره.

لو على الفيوز تبقى بسيطة.

الفيوز بيحمي من زيادة التيار "الامبير" فقط ,لكن اللي بيحرق الاجهزة في الحالة ديه زيادة فرق الجهد "الفولت"
وديه مشاكل فنيه بتحدث بانقطاع وصلة التعادل للمحول اللي بيغذي المنطقة او العمارة, وبذلك يتقسم الجهد ال3 فاز 380فولت بدون تساوي علي الاحمال فيسبب حرق بعض الاجهزة حسب فرق الجهد الموصل اليه
الحل ان يتعمل نظام ارضي للعمارة ويتربط بكابل التعادل علشان لو فصل طرف التعادل القادم من الشبكة يقوم بتعويضة شبكة الارضي للعمارة
او تركيب فولت ريجولتور لعمومي الشقة وده هيكون مكلف شويه لو في احمال عالية تكيفات وسخانات وخلافه وده هيقوم بتثبيت الجهد في حاله الزيادة او النقصان خاصة ان نقص الجهد ايضا يحرق المحركات وليس الزيادة فقط

[exelence]

يا اخواننا الفيوز بتحمى الأجهزة فى حالة وجود قفلة يعنى التيار بيكون كبير جداااا" فى الوقت ده و الا ما كانش الناس يجيبو استابليزر علشان يثبتو قيمة الكهرباء بحيث لا تزيد ولا تقل
لكن لما الكهرباء بتزيد شويه ممكن حاجات تانيه تتحرق عادة" بتبقى المحولات فى حالة الكاسيت و التليفزيون مثلا" او بتلاقى مكثف الشحن بيضرب و هكذا

[Astra200]

ما فيش حاجة بتحمي من زيادة الفولت -- يعني من 220 ل 380 --- علشان مش معمول حساب حاجة زي كده

الستابيلايزر بينظم الفولت بحيث يثبته علي +/- 20 % مثلا من الداخل -- لكن المنظم نفسه ممك يتحرق لو دخل عليه فولت عالي

الفيوز جوه الجهاز ممكن يتحرق بس بعد ما يكون اللي جوه الجهاز اتحرق هو كمان

الحماية انك تفصل الأجهزة بعد انقطاع التيار --

[AhmedBahgat]

إيه ده إنتو عندكوا كهربا ؟؟؟ :))))

[AoA]

شكرا على التحذير


على فكره انا من سنتين بالزبط الصبح الكهرباء عليت لمده 10 دقائق

بوظتلى التالى

شاحن موبايل
شاحن لابتوب
صب كمبيوتر
كارت ستلايت
تلاجه
ريسيفر
تليفون ارضى شغال كهرباء علشان الاظهار
موبايل
مروحه
طابعه كمبيوتر
راوتر

دة اللى انا فاكره
يومها انا صحيت بصوت حاجة بتفرقع كان الصب

دة اللى انا فاكره

مش كل الأجهزة تقدر تتحمل ضغط الكهرباء

[eng.m7md.ali]

AhmedBahgat غير معجب

ممكن افهم انا قولت ايه عشان تبقى غير معجب؟ xD

[linkin2008]

الكلام ده حصل عند اختى فى اكتوبر من 3 شهور حرامية سرقوا قطعة من البوكس الكبير بتاع الكهربة بتاع اكتر من عمارة كل حاجة كانت واصلة بالكهرباء حتى لو مش شغالة حتى لو ليها زرار باور وانت طفيه مجرد ان الفيشة فى الحيطة كل ما يمكن تخيلة باظ الكهرباء علية لدرجة رهيبة تخيلوا ان كل لمض الشقة والسلم المحروقين من شدة التيار نورت تانى والله العظيم الاجهزة كانت بتفرقع الحمد لله ما حصلش حرايق وده من ستر ربنا الكلام ده حصل فى حوالى 4 عمارات .... الحمد لله على كل شىء

[medooali80]

شكرا ليييييك

[SASA3]

فى جهاز اسمه stabilizer


الجهاز ده المفروض الواحد يجيبه علشان الكهرباء الى بقت بتيجى ضعيفة اوى متقومش اى حاجه حتى المراوح فما بالك بالتكييفات

و برضه بيمنع الكهرباء العالبة دى من انها تعلى فجاة يعىن بيضبط الدنيا على ال220 بالضط