بنزينة كالتكس عباس العقاد

[amrelsaqqa]

السلام عليكم ورحمة الله وبركاته

كل سنة وكلكم طيبين جميعا

الموضوع انى معايا عربية بشتريها وعايز اكشف عليها هى كورولا 2001 1300 اوتوماتيك


هل بنزينة كالتكس اللى في عباس العقاد هتكون شغالة بكرة ( التلات تالت يوم العيد ) ولا لا ؟

وايه افضل مكان اكشف فيه على العربية ؟

اصلى هاجي مخصوص من المنوفية فمش عايز اخبط المشوار على الفاضى

وشكرا مقدما :)

[amrelsaqqa]

ايه يا جماعة محدش عارف ولا ايه ، انا مستعجل جدا وعايز اعرف بسرعة عشان اشوف هسافر الصبح ولا لا

[Kareem.ElAraby]

رأي شخصي
اكشف في التوكيل و لو غالي
هيطلع القطط الفطسانه و يبقي كله علي نور
موضوع المحطه فاتحه ولا لا , ما أقدرشي أفيدك الصراحه

[amrelsaqqa]

سمعت ان توكيل تويوتا بيبقى زحمة ولازم حجز قبلها بفترة

وشكرا لردك :)

[samyyousef]

ذهبت لبنزينة كالتكس قبل رمضان كان الكمبيوتر عندهم عطلان و لا يوجد كشف الا على البودي.....فتأكد قبل أن تأتي
و سمعت عن بنزينة اخرى مشهورة في الكشف عن السيارات و هي شيل اللي في الهرم و انصحك بالتوكيل مهما كلفك

[mk3]

شل الهرم طبعا
بس مش عارف المهندس (راجل محترم جدا جدا وامين) موجود بكره ولا لأ

[amrelsaqqa]

االف شكر يا جماعة ، انا لقيت رقم تليفون لمحطة كالتكس على جوجل مابس بس طبعا محدش بيرد دلوقتى

طيب وبالنسبة لمحطة شل الهرم ، انا طبعا هاجى من طريق الكورنيش وادخل على شارع الهرم، هل متوقع الطريق هيبقى تمام ولا هيبقى واقف ؟ الكلام ده هيكون قبل الظهر كدة ان شاء الله ، ده لو رحت يعنى ..

[semi]

محطة البنزين اخرها تبص على الشاسيه واعطال الكهربا
والعربية مش كده خالص
نصيحة حاول تاخد حد معاك من عندك يكون ميكانيكي او حد شاطر في شراء المستعمل
وتتفق معاه على 300 جنيه مثلا وتنزل تشوف كذا عربية
او لاما تروح لتوكيل العربية
بس المشكلة ان لو العربية طلع فيها حاجه هتدفع تمن الكشف بدون اي فايدة