سؤال للأعضاء...أية خريطة العربيات فى مصر بعد رفع الدعم عن البنزين ؟؟

[Seifmando]

السلام عليكم

العربيات القليلة فى الــسي سي سعرها هيعلى انما العربيات الـ 1800 فما فوق سعرها هينزل يعنى الدنيا هتمشي بالمقلوب

اسعار الاكل والشرب واجرة المواصلات العامة وكمان المترو (مع انه كهربا) والميكروباص والتاكسي اللي ماشي بالغاز (مع انه ماشي بالغاز) اسعرها هتبقى 3 اضعاف

في رأيي الشخصي ان رفع الدعم عن المستهلكين من الشعب (الافراد مش المصانع والهيئات) هتؤتي ثماره على الاجل الطويل يعني مدة مش اقل من 3 سنين ولكن فى خلال الـ3 سنين دي الموظف اللي بيقبض 1000 او 1500 جنيه اللي هو مخصص حوالى 300 جنيه مواصلات (10 جنيه * 30 يوم) سواء مواصلات شغل او مشاوير عائلية هيضطر انه يزود المخصص دا من 300 الي حوالي 600 مثلاً وبكدا بعد ما كان بيتبقى له من 700 الي 1200 جنيه فى افضل الاحوال هيتبقى لـــه فقط من 400 الي 900 جنيه

دا غير المشكلة الاكبر واللي مش كلنا حاسين بيها وهي ان الدولار عمال يزيد يوم ورا التاني صحيح بيزيد قروش بس دا الزيادة 5 قرش مثلاً فى الدولار تساوي زيادة 5% فى اسعار السلع
يعنى هنلاقيها من ارتفاع الدولار ولا زيادة الطاقة

ربنا يسترها علينا ويقدر لنا الخير حيث كان

[Astra200]

.
يا ترى أية خريطة بيع وشراء العربيات فى مصر بعد رفع الدعم عن البنزين ؟؟

يعنى اللتر لو زاد جنية مصرى ... يا ترى أية العربية اللى هتفكر تشتريها.

ياترى هتفرق وانت بتفكر فى نوع العربية قبل ما تشترى ولا مش هتفرق؟؟

أنا بسال السؤال دة عشان دة شرط البنك الدولى لما يوافق دى القرض لمصر.

مصدر حكومى: رفع دعم السولار والبنزين بات "حتمياً" بداية العام القادم

http://www1.youm7.com/news.asp?newsi...24&issueid=168

في حلول أحسن :

تحسين السيولة المرورية وشوف دي حتوفر بنزين أد ايه وده ممكن يتم علي مراحل -- أسرع حاجة :
1- عمل محطات للسرفيس -- مع تعظيم مخالفات الوقوف العشوائي ( ممكن تتحط في صندوق الدعم)
2- ازالة الأشغالات من الطريق
3- تعظيم مخالفات الوقوف الخاطيء وبالذات في الأماكن التي تسبب تعطيل الحركة و برضه توضع في صندوق دعم الدعم)
4- تحسين النقل العام و زيادة المترو
5- الالغاء التدريجي للسرفيس بوضعه الحالي و ضمه لشركات متخصصه في النقل الجماعي لضمان جودة الخدمة والألتزام بالقوانين
6- الاسراع باستخدام السكة الحديد والنقل النهري بديلا عن النقل البري

[Ahmed_Adham]

ألناس اللي معندهاش دعم بنزين عندها العربيات بنص سعر اللي عندنا عشان مفيش جمارك انما احنا اغنى من امريكا واوروبا والخليج عشان كده هندفع ضريبه وجمارك وكمان بنزين حر وغير كده نركب عربيات مهجنه معموله بمواتير مش متناسقه مع العربيه عشان تبقى تحت 1600 سي سي - أم عقده ال 1600 اللي ركبت البلد دي عايزين نخلص منها.

[shaddadfalcon1]

يا راجل !!!!!
دى فرنسا معظم العربيات ١٠٠٠ سى سى و ديزل كمان لان اللتر ب ١٠ جنية مصري

دي فرنسا ياباشا اللي عندهم حماية مستهلك وشعب واعي لو حد ذود سعر حاجه الناس بتبطل تشتريها مش زينا لو حد حب يبيع حاجه يعلي سعرها عشان الناس تروح تشتريها قبل ماتخلص او تغلي تاني

[Hussein_Ramdan]

انا عندى استعداد يشيلو الدعم لكن نشترى العربيات بسعرها الطبيعى زاى ما هى برة لو هنتكلم على فرنسا وامريكا كتنا ستين نيلة فى حظنا الهباب