Tweet
لازم حـــل ... كنت هدوس المتوفى على طريق الموت
امبارح نازل من البيت على الساعه 8.5 رايح لاصحابى فى ميدان لبنان ورايحين مشوار لواحد صديقنا مريض فى مصر الجديدة المهم انا طلعت الدائرى من الرماية فى اتجاة ميدان لبنان وانا على المطلع لقيت راجل وزوجتة واطفالة راكبين كيا كارينز بيقولى دخلة المعادى منين قولتلو تعالى ورايا فضلت ماشى على اليمين وهو ورايا ماشى 60 كيلو واديتو انتظار وقولتلو لما اديك اشارة يمين تدخل الدخلة دى المهم جيت عند الدخلة اديتو اشارة ودخلها وانا سقط التانى لحد 70 علشان ادى العربية سرعه واطلع على الحارة الشمال لانى بكرة المشى فى الحارة اليمين والنقل وكل شوية ميكروباص يقف المهم مشيت يادوب اديت الغيار التالت وبشغل الكاسيت وببص قدامى لقيت ناس كتير واقفة عاليمين مستنية ميكروباصات تقف وعريبة نقل عدتهم ووقفت بكل عزمها والعربية زحفت كتيير والظاهر نسى يقف ينزل اللى معاه وكان فيه موتوسيكل عليه اتنين ماشيين عاليمين وكانو على سرعة المهم بتاع الموتوسيكل بيتفادى بتاع النقل من عالشمال بكل سرعتو وملحقش يهدى يقوم خابط فى شاهين من الضهر ويكمل زحف لحد السور اللى فى نص الطريق والاتنين اللى على الموتوسيكل دول واحد منهم اترمى فى نص الطريق والتانى قدامى مفيش 20 متر المهم انا لحقت نفسى وسقط الاول على 70 العجل اللى ورا كلبش فى الارض واديت انتظار وبدوس فرامل متقطعه علشان العربية تقف بسرعه من حسن حظى ان اللى ورايا لحق نفسه ووقف ورايا مفيش 2 متر وانا والله وقفت والراجل اللى مرمى على الطريق بينى وبينه مفيش 3 متر نزلت لقيتو قدام العربيه سايح فى دمه وبطنو منتفخه جدا ودم طالع من دماغو ده اللى جيه قدامى على اليمين بقى ودى الكارثة عربية بيجو 504 كانت عاليمين خبطت فى النقل من الضهر ولفت مرتين حوالين نفسها وخبطت فى السور اللى عاليمين وكان فيها السواق وواحد جنبة وواحد قاعد على الكنبة اللى ورا وده وقع على الطريق والطفلين اللى كانو راكبين على العربية النقل طارو من العربيه على الطريق وواحد منهم اتوفى لما وقع لان البيجو كان ماشى على سرعه وخبط النقل على اليمين تقريبا اتلهى وهو بيشوف الموتسيكل والناس بتقع من عليه ولبس فى النقل والبيجو ادمرت والاتنين اللى قدام الناس حاولو يطلعهوم وكلهم دم واللى وقع قدام عربيتى اتوفى فى ساعتها الناس اللى كانو واقفين على الطريق جم جرى على الحادثه وغطوة بجرايد وانا وقف مزهول وطلعت جركن مية من عربيتى واديتو للناس واديتهم علبتين مناديل وبقيت واقف مزهول من اللى حصل وبعدين رجعت بالعربيه ومشيت والناس مرمية فوسط الطريق والطفلين واقعين على الاسفلت وواحد من اللى كان راكب البيجو واقع بردو والاتنين اللى على الموتوسيكل واحد منهم اللى كان قدامى مات والتانى معرفش حصلو ايه .... انا مشيت ومفيش كيلو وركنت عالطريق وكلمت صحابى قولتلهم مش جاى وقولتلهم عندى ظرف وفضلت واقف رجعت الكرسى فردتو وشغلت الانتظار وريحت ضهرى وبقيت اترعش وقعدت ادعى للناس اللى ماتت دى والمنظر كان صعب جدا جدا والاطفال كان منظرهم يحزن بصراحه بعدين نزلت منزل لبنان ولفيت ومشيت محور ورجعت الهضبة تانى ...
المهم روحت البيت صليت ركعتين شكر لله انى محصليش حاجه وانى كنت ماشى بالراحه وان ربنا رزقنى بالراجل بتاع الكارينز علشان اوصلة وافضل بعد كدا ماشى بالراحه لحد ما اخد سرعتى وكانت اعصابى تعبانى جدا اخدت دش ونمت ويادوب لسه صاحى دلوقتى وقولت اعمل الموضوع ياريت ندعى للناس اللى ماتت دى ان ربنا يرحمهم ويغفر لهم ويصبر اهلهم .....
انا بقى مش عارف اقول ايه على الحكومة انا دعيت عليهم فى صلاتى وعلى كل مسؤل عن اللى عمل الطريق ده واللى ماسكين صيانتو وقررت لما همشى على الطريق ده مش همشى اكتر من 70 كيلو لان كدا بجد حرااام ولازم حل .........
المهم روحت البيت صليت ركعتين شكر لله انى محصليش حاجه وانى كنت ماشى بالراحه وان ربنا رزقنى بالراجل بتاع الكارينز علشان اوصلة وافضل بعد كدا ماشى بالراحه لحد ما اخد سرعتى وكانت اعصابى تعبانى جدا اخدت دش ونمت ويادوب لسه صاحى دلوقتى وقولت اعمل الموضوع ياريت ندعى للناس اللى ماتت دى ان ربنا يرحمهم ويغفر لهم ويصبر اهلهم .....
انا بقى مش عارف اقول ايه على الحكومة انا دعيت عليهم فى صلاتى وعلى كل مسؤل عن اللى عمل الطريق ده واللى ماسكين صيانتو وقررت لما همشى على الطريق ده مش همشى اكتر من 70 كيلو لان كدا بجد حرااام ولازم حل .........
Comment