هي المساعدين بتقفش

[AhMeD MeTwAlY]

انا اول مره اسمع عن مساعدين بتقفش
هو فعلا في مساعدين بتقفش انا اعرف مساعد يضرب ماشي انما يبقش جديده دي
قولتله عايزك تشيك علي العافشه قالي خلاص هنرفع العربيه بكره الصبح وننزل العافشه علي الارض ونشوف السليم نركبه والبايظ نغيره
احساسي انه عايز يفتح شغل

[koshary]

المفروض يطلع معاك الاول يجرب العربية ويشوف التخبيط منين ويبص عالشغل انما ايه ينزل العفشة كلها دى عالم دماغها تعبانة وعاوز يفتح شغل ويعملك حوارات انما حوار المساعد ده انا اعرف انه لما بيقفش مبيطلعش ولا ينزل وتقريبا هما الاتنين نفس المعنى

[dr.hazem]

المساعد ممكن يقفش فعلا يطلع مينزلش تاني

[amrelsaqqa]

اه
بيسموها
"يحجر"

[AhMeD MeTwAlY]

طيب ما انا لما بضغط علي العربيه بتنزل وبتطلع معايا بس حاجه بسيطه ودي طبيعة الشاهين مساعدين نشفه شوية

[Salamonti]

فكك منه وشوف حد تاني..
الصنايعي اللي فاهم هايعرف العفشة فيها ايه من أول ما يمشي بالعربية مش هايقوللك نفك الأول بعدين نشوف !!

[semi]

بتوع العفشة بيحبوا الاشتغالات زي عينيهم
روح عند حد تاني وقالوا عايز اكشف على العفشة فقط
عشان مش تطمعه بس

[saadelden]

مساعد قفش او حجر بيبقى لكذا سبب
ممكن لو لبست مطب جامد المساعد يتعوج و يقفش

لكن طالما العربيه بتاخد و تدي معاك و مفيش جنب نازل عن جنب يبقى مفيهاش مشاكل
و احتمال تحتاج تغير جلب بس او البطاحات

[AhMeD MeTwAlY]

اديني بدور علي واحد بس الرجاله عندنا وخدين الاسبوع اجازه شغلين في بنك ولاد التيت