الرداتير الالمونيوم

[abokoko]

كنت سافرت البلد ورجعت ومريت بتجربة المطبات العشوائيه بالطريق
http://www.nilemotors.net/Nile/304662-a.html


المشكلة
الرداتير المونيوم -
لو العربيه مش شغاله مفيش اى نقط مياه بتنزل منه ( مفيش تسريب)
اول ما العربيه تشتغل - تبدأنقط مياه تنزل منه ويبدأ يسرب المياه
لكن بدرجة خفيفه جدا
لو العربيه سخنه بعد مشوار مش بشوف التسريب الله اعلم البخر بيكون اكبر من النقطه اللى نازله بسسب الحراره او بيكون مش موجود

بايدى النقطة جاية من اسف الرداتير فى الجزأ الشابك بالفيبر بتاع الرداتير نفسه ( مش قفص المروحه )
لكن مش عارف المصدر لانه من ناحيه وش العربيه

هل الرداتير بيتصلح
1-- لو اللحام فك ما بينالمعدن والفيبر المغلف للرداتير
2-- لو فى خرم فى الرداتير

[esam123]

ايوة الرياديتير بتصلح عادى جدا لو خرم بيتلحم وممكن يركبلة علبة جنب لو بايظة والعربية بتنقط مع المشى لان دورة المياة بتكون انضغطت يعنى بار عالى فالتسريب بيحصل بس روح عند واحد بتاع ريداتير بيفهم انا كنت بروح عند واحد فى امبابة فى شارع الوحدة اسمة فرج بس شاطر وغالى

[Elawany13]

لو بتحط ميه ملونة هتعرف فين التسريب

[Gelgel2004]

روح لمجدى اللى فى جسر السويس
امام مستشفى منشيه البكرى العام
محترم امين حنين و هيجبلك المفيد

[abokoko]

انا فى الغردقه

وبحط مياه ملونه بس الرشح جاى من الناحية اللى مش شايفها
جاى من ناحية وش العربيه
لكن موجود على صوابعى لما بامشي بايدى على الرداتير من اسفل

يكلف كام تقريبا اللحام

[Salamonti]

بسيطة ان شاء الله وأي حد هايعملهالك مافيهاش حاجة صعبة ولا محتاجة صنايعي محترف يعني..

لو فيه تسريب من عند التقفيل بيتظبط عادي ويتقفل كويس،
أو على أسوأ الأحوال ممكن تكون العلبة اتشرخت من الخبطة وبرضه بتتغير ومش غالية..

التكلفة كام بقا دي اللي ماعرفهاش لأن دي بتختلف من إيد لإيد ومن مكان لمكان..

النصيحة المهمة بقا..
كده كده الريداتير هايتفك عشان يتصلح..
لو العربية قديمة يبقا بالمرة تنضفه وتغسله كويسة ولو فيه صدأ يتسلك وتحط مية ملونة وبلاش مية الحنفية

[semi]

كان عندي المشكلة دي وجننتني خدت مشوار لحد 6 اكتوبر وكان الطريق في زلط ومعرفش ده سبب خرم الرياديتر
ولا في سبب تاني المهم اني كنت قربت اتجنن كل ما اطلع مشوار العربية تسخن جامد
واللي يقولي ترموستات واللي بقولي ترومبة المياه كمية تأليف وكنت مرعوب الموتور يطير
لحد ما حطيت مياه خضراء وكنت في مشوار والدنيا كانت حر موت نزلت من العربية لقيت التسريب ده وبينزل بغباء
هي المشكلة ان لما العربية بتسخن المياه بتنزل اكتر ودي الكارثة طبعا لكن اول ما تركنها وتيجي تشغلها
ولا كأن في حاجه والريادتير مش بينقط نقطة المياه
المهم روحت عند بتاع رياديتر وحله خالص من العربية وكشف عليه عنده ولا انه خلصان
وركبت واحد جديد ب300 جنيه وده اللي انصحك به لان اللحام خطر وممكن جدا يتفك تاني
وتكون في مشوار بعيد ولا حاجه هتبقى مش ظريفة حاول تركب واحد جديد وانسااااااه

[abokoko]

انا بقي لى يومين مش بطلع بالعربيه
علشان المارش مش شغال - ومش كل شويه هدور على حد يزقنى -
والنهارده بالليل او بكره يمكن يجيي لى مارش استيراد اركبه
وبعدها هعرف اتحرك واروح اشوف موضوع الرداتير
وان شاء الله خير - وشكرا للافادة -

[Mohamd_Saad]

الحل السريع للمشكلة
الأسبوع الماضى وجدت أمبير الحرارة على الأخر ولحسن الحظ المشوار كان بسيط - ووجدت مية الردياتير مش موجودة والردياتير فاضى والقربة يعنى المية الخضرة فرغت تماما - اتصلت بالميكانيكى وهو صديق محترم قالى تعالى نفك الردياتير ولو الخرم فى السربنتينة ممكن يتلحم التمونيا ولكن لو فى الفبره ملوش حل - اتصلت بالبرجسى موزع تويوتا قالى الردياتير ب 4100 جنية ومش موجود ( عربيتى كرولا 2003 ) - وانا فى طريقى تانى يوم وبعربية الشغل حودت على هايبر 1 وفى قسم مبيعات كماليات السيارات وجدت علبة بودرة أمريكى مكتوب عليها ( لمنع التسريب من الردياتير ) وسعرها ب 17.5 جنية نعم سبعة عشر ونصف فقط - وطريقة استخدامها بسيطة جدا - يكون الردياتير فاضى وتحط البودرة فيه وتملاه ماء أى ماء وتدور الموتور لمدة ربع ساعة - المهم عملت الخطوات وكشفت كذا مره على الماء وجدت الخرم اتسد ومستوى الماء فى القربة لم ينقص واتصلت بالميكانيكى وعرفته انى حليت المشكلة - لما اروح البيت هارفق صورة للعبوة يمكن تحب تشترى منها- وشكرا

[abokoko]

الحل السريع للمشكلة
الأسبوع الماضى وجدت أمبير الحرارة على الأخر ولحسن الحظ المشوار كان بسيط - ووجدت مية الردياتير مش موجودة والردياتير فاضى والقربة يعنى المية الخضرة فرغت تماما - اتصلت بالميكانيكى وهو صديق محترم قالى تعالى نفك الردياتير ولو الخرم فى السربنتينة ممكن يتلحم التمونيا ولكن لو فى الفبره ملوش حل - اتصلت بالبرجسى موزع تويوتا قالى الردياتير ب 4100 جنية ومش موجود ( عربيتى كرولا 2003 ) - وانا فى طريقى تانى يوم وبعربية الشغل حودت على هايبر 1 وفى قسم مبيعات كماليات السيارات وجدت علبة بودرة أمريكى مكتوب عليها ( لمنع التسريب من الردياتير ) وسعرها ب 17.5 جنية نعم سبعة عشر ونصف فقط - وطريقة استخدامها بسيطة جدا - يكون الردياتير فاضى وتحط البودرة فيه وتملاه ماء أى ماء وتدور الموتور لمدة ربع ساعة - المهم عملت الخطوات وكشفت كذا مره على الماء وجدت الخرم اتسد ومستوى الماء فى القربة لم ينقص واتصلت بالميكانيكى وعرفته انى حليت المشكلة - لما اروح البيت هارفق صورة للعبوة يمكن تحب تشترى منها- وشكرا

الحمد لله انها اتحلت مع حضرتك
ومتابع فى انتظار الصورة

[abokoko]

الحمد لله خلصت من مشكلة المارش

رحت لبتاع الرداتير - من غير ما يفك الرداتير- قال الخرم فى الرداتير
وغالبا فى ماسورة الرداتير وحسب كلامة انه عيب شائع فى رداتير ال لادا
؟؟
والحل الاحسن نشترى واحد جديد
ماركة الشيخ - نحاس - 3 ماسوره - سعره ب500 جنيه
انا استغليت المبلغ وفى نفس الوقت هو لم يحل الرداتير
وعليه
قلت له هفكر ومشيت
لفيت على العلبة اللى بتمنع التسريب لكن لم اجدها وخصوصا ان اليوم الاحد
وكثير من المحلات مغلق

[abokoko]

غالبا بكرة
هدور على بتاع رداتير تانى وهخليه يفك الرداتير