هتسرق فى 16 الف جينة بمزاجى

[Hussein_Ramdan]

عشييييييييييييييييييييييييها بشاميل ارخص

ازاى مش فاهم

[أبو ياسين]

مع احترامى للجميع مصاريف التسجيل و الجمارك و الضرائب و الرسوم و الحلاوة و الشاى و غيرة
كلها ملهاش اى لازمة و ببساطة العربية استعمال شخصى اذا كان معلهاش زكاة فى الاسلام يبقى عليها كل ده
عشان اية مع ملاحظه ان البلد واخده حقها و زياده اوى
تخيل بتدى لابنك حاجة حلوه و راح مديها لاخوه روحت واخد نقل ملكية منة

[houras1010]

وهى الرسوم دى بتروح الخزانه ولا صناديق والموظفين ليهم نسبه منها ولا ايه - محدش يعرف

[ahmedhilmy]

ربنا يعينك هو فعلا مبلغ كبير و تحس انه كانك رميته في الهوا بس انت اكيد ساعه مشترتها كنت عارف انك هتدفع المبلغ ده

[Hussein_Ramdan]

هو دة الكلام المحترم انا اة فعلا معترض على المبلغ
بس معترض اكتر على الفلوس راحة فين ولمين وهتتصرف فين
انا هدفع بس هعتبر ان العربية عملت بيها حادثة وبصلحها وربنا يعوض عليا والاخ بتاع غزل البنات
ابئا تعالة اديك صوباع ( طبعا غزل البنات مش حاجة تانية)

[Hussein_Ramdan]

ربنا يعينك هو فعلا مبلغ كبير و تحس انه كانك رميته في الهوا بس انت اكيد ساعه مشترتها كنت عارف انك هتدفع المبلغ ده

انتا جبت الحاجة الى بتكلم فيها انا فعلا حاسيس انى رامى فلوس فى الهوة

[magic girl]

للأسف النظام فى البلد كله ماشي غلط..
مثلاً الجمارك الخزعبلية اللى بتدفع على العربيات دى !!
انا شفت فى سايت خليجى بى ام الفئة الخامسة موديل 2006 تقريباً كانت ب 38000 درهم !! يعنى حوالى 65 الف مصرى, يعنى ولا حاجة..
نفس الشيء بالنسبة للبنزين, أولاً دعم بنزين 95 ده انا شايفة انه غلط, مادام عايز تدعم يبقى أدعم البنزين اللى معظم العربيات ماشية بيه, العربيات الفارهة زى ما بيقولوا اصحابها ممكن يستحملوا فرق الدعم..

بس فى نفس الوقت, مش معنى كده انى اسرقهم !
يعنى 11000 ترخيص ده كأنه عقاب ان الواحد جاب عربية اكتر من 4 سلندر!

و بعدين حتى نقل الملكية فى العربيات العادية, مثلاً لو جينا قولنا عربية 4 سلندر عادى بس جديدة هانقل ملكية مش اقل من 2000 جنية, يعنى حد مثلاً يكون قاعد يحوش عشان يجيب عربية, يقوم متدبس فى 2000 جنية نقل ملكية, غير الترخيص؟؟

لو الفلوس دى مثلاً بتتصرف على الطرق مثلاً أو بتبان فى البلد مكانش حد هيتضايق, انما فلوس داخلة الدولة, و مش بس من نقل الملكية, مخالفات على تأمينات على دمغة على رسوم مش عارفة ايه على مصاريف إدارية.. كل الكلام اليومي اللى بندفعه فى المصالح الحكومية.. و فى الأخر فعلاً مفيش حاجة عدلة بتتعمل, يعنى لا طرق نضيفة, ولا حتى معاملة عدلة لما الواحد يروح مكان حكومى, ولا مستشفيات أدمية اساساً للناس اللى مش عندها إمكانية العلاج الخاص" انا زرت مرة مستشفى حكومى وبجد كنت هاعيط من اللى بيحصل!!" , ولا مدارس بتعلم و لا أى حاجة نافعة فى البلد دى..

استعوض الله فى المبلغ اللى هاتدفعه, للأسف اللى عايز يعمل أى حاجة نضيفة " سواء ركوب عربية, تعليم, علاج, سفر, أى حاجة " لازم يدفع و يكع عشان الناس تنبسط..

[Mohab.Nabil]

انا مش عارف الناس اللى بتهاجم صاحب الموضوع و خلاص ديه و عايشين فى دور المثالية مش عايشين معانا على ارض الواقع ولا ايه

نشوف السرقة من الاول ( حق الدولة ) تيجى العربية تدفع نسبة توصل لـ 250 % ( رقم يهبل فعلا ) جمارك يعنى مثلا 10 اضعاف مكسب اللى بيصنع العربية عشان كده تلاقى معظم العربيات العالية بقت بتتجمع فى مصر .. لا و مش كفاية الرقم ده تلاقيه داخلك جوة العربية بيجمرك اى اوبشن فيها حتى الـ airbag & abs بيتجمركوا .. دا مشالوش الجمرك على حزام الامان الا لما نزل قانون بيلزم الناس تسوق بيه .. و تدفع بعد دا كله ضريبة المبيعات اللى هى مفروض الحاجة الوحيدة الطبيعية

حلو اوى شوف انت دفعت قد ايه كده .. تدخل جوة البلد بقى تلاقيه بيدفعك ارقام غريبة نقل ملكية .. طيب يا جماعة هو نقل الملكية ده مش مفروض فلوس ادارية و كده بس لا تدفع قد كده و تيجى ترخص تدفع قد كده برضه

و نيجى بقى للنقطة الاهم اللى ناس كتير اوى نسياها .. هى الفلوس ديه كلها مفروض تروح فين ؟ مش مفروض تبقى الطرق نضيفة و ليها صيانة .. طبعا الطرق كلها دلوقتى بقت زى الزفت و مدقات و العربيات كاوتشاتها بجنوطها بعفشتها بيبوظوا عشان الطرق اللى لا تصلح اصلا .. او تروح مرتبات للموظفين فى الدولة او ظباط الشرطة و طبعا دول مبقاش ليهم وجود خلاص او حتى تروح تصلح حال الناس الغلابة اللى ماليين البلد

لا دا كل شوية نسبة الفقر تزيد و حاجة تقرف .. طيب دلوقتى انا بدفع الجمارك و الضرايب و المصاريف الهبل ديه ليه مش عشان الاقى خدمات ليا او بلاش مش عشان احس ان اهل بلدى اللى ربنا مش كارمهم حالهم بيتحسن و لا انا بشوف ده و لا بشوف ده يبقى ديه فعلا سرقة

حق الدولة ده لما نلاقى خدمات لينا او خدمات للناس اللى حوالينا .. دا اعلانات التبرع بقت اكتر من اعلانات المنتجات فيه كده فى الدنيا !؟

[Hussein_Ramdan]

للأسف النظام فى البلد كله ماشي غلط..
مثلاً الجمارك الخزعبلية اللى بتدفع على العربيات دى !!
انا شفت فى سايت خليجى بى ام الفئة الخامسة موديل 2006 تقريباً كانت ب 38000 درهم !! يعنى حوالى 65 الف مصرى, يعنى ولا حاجة..
نفس الشيء بالنسبة للبنزين, أولاً دعم بنزين 95 ده انا شايفة انه غلط, مادام عايز تدعم يبقى أدعم البنزين اللى معظم العربيات ماشية بيه, العربيات الفارهة زى ما بيقولوا اصحابها ممكن يستحملوا فرق الدعم..

بس فى نفس الوقت, مش معنى كده انى اسرقهم !
يعنى 11000 ترخيص ده كأنه عقاب ان الواحد جاب عربية اكتر من 4 سلندر!

و بعدين حتى نقل الملكية فى العربيات العادية, مثلاً لو جينا قولنا عربية 4 سلندر عادى بس جديدة هانقل ملكية مش اقل من 2000 جنية, يعنى حد مثلاً يكون قاعد يحوش عشان يجيب عربية, يقوم متدبس فى 2000 جنية نقل ملكية, غير الترخيص؟؟

لو الفلوس دى مثلاً بتتصرف على الطرق مثلاً أو بتبان فى البلد مكانش حد هيتضايق, انما فلوس داخلة الدولة, و مش بس من نقل الملكية, مخالفات على تأمينات على دمغة على رسوم مش عارفة ايه على مصاريف إدارية.. كل الكلام اليومي اللى بندفعه فى المصالح الحكومية.. و فى الأخر فعلاً مفيش حاجة عدلة بتتعمل, يعنى لا طرق نضيفة, ولا حتى معاملة عدلة لما الواحد يروح مكان حكومى, ولا مستشفيات أدمية اساساً للناس اللى مش عندها إمكانية العلاج الخاص" انا زرت مرة مستشفى حكومى وبجد كنت هاعيط من اللى بيحصل!!" , ولا مدارس بتعلم و لا أى حاجة نافعة فى البلد دى..

استعوض الله فى المبلغ اللى هاتدفعه, للأسف اللى عايز يعمل أى حاجة نضيفة " سواء ركوب عربية, تعليم, علاج, سفر, أى حاجة " لازم يدفع و يكع عشان الناس تنبسط..

انا مش هقدر اضيف تانى على الكلام دة دة فعلا الكلام الصح والى انا بفكر فى
دانا النهاردة انتو لو شوفتو شكل الموظفين بيتخانقو معا بعض مش عايزين يشتغلو يقولو ليا حق البلد
لكن كل واحد دخل هنا كان عندو مشكلة نفسية وهو صغير الى يقولى انتا عندك كام عربية وواحد قولى دة حق الدولة عليك وتانى يقولى غزل البنات (طبعا فى ناس رديت باحترام وشكرا ليهم )
والله انا كنت هندم على انى كتبت الموضوع او اتكلمت معاة ناس بشكل دة لكن لما لقيت ناس محترمة رديت حتى لو ضدى قولت لازم اكمل الموضوع احتراما للناس دى

[Hussein_Ramdan]

انا مش عارف الناس اللى بتهاجم صاحب الموضوع و خلاص ديه و عايشين فى دور المثالية مش عايشين معانا على ارض الواقع ولا ايه

نشوف السرقة من الاول ( حق الدولة ) تيجى العربية تدفع نسبة توصل لـ 250 % ( رقم يهبل فعلا ) جمارك يعنى مثلا 10 اضعاف مكسب اللى بيصنع العربية عشان كده تلاقى معظم العربيات العالية بقت بتتجمع فى مصر .. لا و مش كفاية الرقم ده تلاقيه داخلك جوة العربية بيجمرك اى اوبشن فيها حتى الـ airbag & abs بيتجمركوا .. دا مشالوش الجمرك على حزام الامان الا لما نزل قانون بيلزم الناس تسوق بيه .. و تدفع بعد دا كله ضريبة المبيعات اللى هى مفروض الحاجة الوحيدة الطبيعية

حلو اوى شوف انت دفعت قد ايه كده .. تدخل جوة البلد بقى تلاقيه بيدفعك ارقام غريبة نقل ملكية .. طيب يا جماعة هو نقل الملكية ده مش مفروض فلوس ادارية و كده بس لا تدفع قد كده و تيجى ترخص تدفع قد كده برضه

و نيجى بقى للنقطة الاهم اللى ناس كتير اوى نسياها .. هى الفلوس ديه كلها مفروض تروح فين ؟ مش مفروض تبقى الطرق نضيفة و ليها صيانة .. طبعا الطرق كلها دلوقتى بقت زى الزفت و مدقات و العربيات كاوتشاتها بجنوطها بعفشتها بيبوظوا عشان الطرق اللى لا تصلح اصلا .. او تروح مرتبات للموظفين فى الدولة او ظباط الشرطة و طبعا دول مبقاش ليهم وجود خلاص او حتى تروح تصلح حال الناس الغلابة اللى ماليين البلد

لا دا كل شوية نسبة الفقر تزيد و حاجة تقرف .. طيب دلوقتى انا بدفع الجمارك و الضرايب و المصاريف الهبل ديه ليه مش عشان الاقى خدمات ليا او بلاش مش عشان احس ان اهل بلدى اللى ربنا مش كارمهم حالهم بيتحسن و لا انا بشوف ده و لا بشوف ده يبقى ديه فعلا سرقة

حق الدولة ده لما نلاقى خدمات لينا او خدمات للناس اللى حوالينا .. دا اعلانات التبرع بقت اكتر من اعلانات المنتجات فيه كده فى الدنيا !؟

الله ينور عليك

[minicooper20]

كلنا هذا الرجل
ادفع دفعنا قبلك
و اعتبرهم زكاه

[Hussein_Ramdan]

ههههههههههه انا كنت مستنى ردك بس انتا دفعت كام
بس انا الى ضربت رقم قاسى

[maruti]

انتا عارف يا باشا المرور لما تيجي تقف في طابور وتلاقي ظليلة تحميك من الشمس ومروحا على الاقل تهوي على النااس في عز الحر
ولما تيجي تتكلم مع موظف الشباك وميتنكش ويحسسك انك بتشحت منو
والمهندس اللي بيكشف على العربية مش عايز الشااي
واللي بيركب النمر عايز حلاوة العربية الجديدة
ولما تروح الشهر العقاري تلاقي مكاان ادمي تعمل في مصلحتك ولما الموضف يخدمك ومش عااايز شااااي
ولما الطرق تنضف وتلاقي خدماااات بحق الفلوس اللي انتا دفعتها
ساعتها بس هتحس ان الالوفات اللي حضرتك دفعتها مراحتش هضر ومش هتكون متدايق
وعلى العموم ربنا يعوض عليك في الفلوس اللي هتروح على الفاضي دي
وربنا يباركلك في العربية ويحميهالك من عيون النااااس

[flymido]

هما بيتعملوا فى الترخيص ونقل الملكيه على اساس شرائح ومستوى اجتماعى بمعنى ان اللى هيقدر يحط بنزيين للجيب هيقدر يرخصها وده تفكير غبى من ايام المخلوع ربنا ينتقم منه
بالنسبه للبلد الان فاعتثقد ان المسؤليين اللى حضرتك زعلان منهم بيدفعوا تراخيصهم زيك بالظبط هما وولادهم مبقتش هيصه زكى زمان

انت شوف لو هتقدر على مصاريفها اولا وبعها وهات حاجه تقدر عليها ومتكلفكش التكاليف دى كلها

[Y a r i s]

عجبني الموضوع بجد
المواطن المصري مش اغنى من المواطن السعودي .... علشان يدفعونا بلاوي زرقه والمواطن الخليجي يدفع ملالييم .... وياريت الي بندفعوا بنلاقيه الا كلوا بيتشفط على بنوك بررره .... طيب بتدفعونا ليه علشان تحولوه على بنوك سويسرا .... وبلاقي الناس ياعيني الغلابة داخليين. بيقرنوا بين عربية مستعملة ولا دايو ولا لوجن ولا فيرنا ولا حتى عربية صيني دافعين فيهم دم قلبهم .... وكلهم ازبل من بعض .... ليه الجمارك وليه الضرايب وليه احرم عيالي انهم يركبوا ويعيشوا ويقبوا على وش الدنيا .... الحرامان ده هو الي بيخلي ولادي. عندهم حقد طبقي. وبدل مايفكروا يحسنوا من ظروفهم قاعدين بينقوا على بعض ويحسدوا بعض

الحرمان ده هو الي بيخلي ولادي يتخانقوا مع بعض وينزلوا يموتوا في بعض علشان مراية اتكسرت ولا فنوس اشارة اتكسر ولا رفرف اتعوج مع ان تمنوا كل الحكايه بكام !!!

وتعالوا نشوف مكتب الشهر العقاري. الزبالة على مستوى الجمهورية .... والزحمة والحر والقرف جوا المكتب طيب بتقبضوا بلاوي متلتله مش قادريين تقدمو خدمة للمواطن فايف استار او حتى ادمية

موضوعك ده ياباشا بيمس شريحة كبيرة من المصريين مش بس في عربية جيب قد تكون محتاجها في شغلك جداً ... لكن تصور ان تلات تربع المصريين عايشيين في بيوتهم بدون عقود تملك للشقه لانهم يا عيني خايفين يروحوا يدفعوا مصاريف التسجيل. الي بشيء وشويات وبيكتفوا بتوكيل من صاحب الشقه وانوا يخلي عداد النور باسموا