العربية بهدلتني بسبب البنزين

[mrghost]

السلاه عليكم ورحمة الله وبركاته
كل عام وانتم بخير
يوم الاربعاء كنت مسافر جمصه والعربيه قبل مااوصل ب 60 كيلو فجاءة بقت تقطع وتنتش وبالذات في مطالع الكباري بس الغريبة مكانتش بتبطل
المهم قولت ممكن يكون مشط الاسبراتير مشيت بيها لحد ماوصلت كان معايا مشط قديم ركبته وفكيت فلتر البنزين وغسلته وطلعت اجرب نفس العيب موجود
فكيت وش الاسبراتير لقيت الصوابع متاكلة
اشتريت وش صيني وركبته واجرب برضهونفس العيب بس اللي زاد بقي ان العربيه كانت بتقطع ع السرعات العاليه من 90 وانت طالع دلوقتي بقت تقطع وتبظل لو حتي ع التاني
المهم ببص بالصدفة ع فلتر البنزين لقيت ربعه بس اللي مليان فكيته لقيت مفيش حاجه جاية من التانك نفخت ف الماسورة اللي جاية من التانك
اتضح انها كانت مسدودة
المهم اشتغلت تمام والتقطيعة راحت
وانا راجع النهارة بقي جت عند ميت غمر والتقطيعة رجعت تاني لقيت بتاع كاوتش ابن حلال
قولتله عاوز انفخ ف ماسورة البنزين بالكمبريسور فكيت غطا التانك وهو نفخ ف الماسورة شوية ونضف الفلتر بالهوا ومرضيش ياخد فلوس خالص الله يكرمه
والحمد لله العربية اتظبطت
بس خايف تعملها معايا تاني مفيش حل تاني انضف بيه الماسوره زي ماده مثلا?

[wael61]

المهم انك وصلت بالسلامة وانا مبسوط انك قدرت تميز العطل وحليتة والف سلامة مرة تانية

[Elawany13]

اعتقد ان النفخ بكمبوريسور هواء من احسن الحلول
وياسلام لو فكيت الخرطوم من جهة التانك كمان وتنظفه بالهواء يبقى ميه ميه
وابقى حط منظف دورة الوقود من سبيد بـ 10 جنيه على التفويلة

[mrghost]

الحمد لله المشكلة اتحلت وغيرت كمان فلتر البنزين بالمرة واللي عايز يعرف الماسورة تمام ولا لا يفك الفلتر وهيلاقي البنزين نازل زي الحنفية لوحده لو الماسورة تمام

[Elawany13]

فعلا انا من كام شهر حاولت افك فتر البنزين علشان اغيره
لاقيت البنزين نازل متدفق من الخرطوم ومش عاوز يبطل !!!!
بصراحة خوفت وحسيت ان فيه حاجه غلط
وركبته تانى بسرعه

[egyptiandiver]

الف سلامة

[mem]

الف حمدالله على السلامة