طريقة شعبنا المصري العظيم في مواجهة سرقة كبلات الضغط العالي

[eng.m7md.ali]

النهاردة حصل موقف اثبت ان احنا شعب عظيم بجد .. احم
عظيم في السلبية يعني مش في حاجة تانية
رايح المطرية من عين شمس لقريبي عشان اخده ونروح مشوار والكلام ده ساعت اذان المغرب
وبعد مستشفى النور المحمدي في المسلة بجانب سور ارض الجيش (ممنوع الاقتراب او التصوير )

لقيت 2 مسكين البتاع اللي بيقطع الصاج عند السمكري وعمالين يقطعوا في حاجة في الارض
وفي 3 واقفين حراسة او مراقبة عشان لو حصل حاجة ينبهوهم عشان يجرو ويهربو
المهم عديت من قدامهم عادي جداً محطتش في دماغي الا بعد ماعديت خلاص بحوالي 20 متر
وقفت شوية قدام كدة وباصص في المراية لقيت انهم بيقطعو في خطوط الضغط العالي اللي بتبقى في الارض
روحت مشيت شوية لقيت محل جنوط على ايدي الشمال وقفت على جنب وعديت الشارع ابلغهم باللي حصل وطبعا لا حياة لمن تنادي والرد اللي خدته هو اني اتصل ب 122 ابلغ الشرطة
المهم رجعت للعربية وعمال اتصل بالشرطة ان حد يرد عليا مفيش خالص
لحد مالرصيد خلص روحت ماشي وبعد شوية لقيت معرض عربيات بلغتهم اللي حصل
يقولي لا ده تلاقيهم بس تبع الوزارة ولا حاجة .. مسكت نفسي بالعافية روحت ماشي تاني عند بتاع كاوتش وقولتله اللي حصل
قالي اتصل بالشرطة
قولتله مش معايا رصيد وعمال اتصل بيهم لحد مالرصيد خلص
قالي معلش بقى نصيبهم يسرقو
سمعت الكلمة دي وطيرت على بيت قريبي وقولتله اللي حصل وهو راكب معايا فضلنا نتصل بالشرطة ومفيش حد رد لحد ماوصلنا لقسم الاميرية وبلغنة العساكر والامناء اللي واقفين هناك
جيه الظابط سمع الكلام ده قاليهم يلا يارجالة وجريو على البوكس بالسلاح بتاعهم وطلعو
انا طبعا ارتحت وقولت اهو الحمد لله الواحد عمل حاجة كويسة في حياته قبل مايموت
خلصت مشواري ورجعت من نفس الطريق
لقيت في كبل مقطوع في المنطقة دي ومرمي على الرصيف
جيه في بالي حاجتين حصلو
يأما اتمسكوا
يأما هربو خصوصا ان في فتحة كبيرة جبنهم وممكن يهربو منها لارض الجيش وطبعا محدش هيجري وراهم
واتفاجأت تاني ان النور قاطع من اول المستشفى لحد سنترال المطرية ( ده للي يعرف المنطقة كويس )

[eng.m7md.ali]

على فكرة الناس كانت بتعدي من جمبهم عادي ومحدش بيتكلم
وكمان كان فيه تقريبا ميكانيكي او محل كاوتش قصادهم الناحية التانية

[shaddadfalcon1]

هو فعلا الناس هتعمل ايه في ظل الهبل اللي بيحصل من البلطجيه دوول ؟ الأول كان اخرهم مطواه لكن لدوقتي سلاح
والحمد لله ان بتاع الشرطه راح بس المشكله في المتخلفين اللي مش بيردو علي الارقام بتاعتهم

[Hussein_Ramdan]

انا ساكن فى نهاية شارع التروللى ورة مستشفى النور المحمدى
وفعلا النور قطع عندنا على المغرب كدة
ياجدع كنت اتصلت بيا كنت هقولك اتصل بالشرطة ههههههههه
بهزر طبعا
بس تعتقد الناس هتعمل اية يقولك انا ممكن اعور نفسى لية ولاة العيال دول ممكن يكون معاهم سلاح ممكن يعورو حد او يضربو نار او حاجة
الحكاية دى مسؤلية الدولة الى عاملة تلم فلوس مننا وبتشحت من برة وكمان مفيش امان
عشان العساكر والظباط انهاردة ماكنوش فاضين كانو بيحمو مقارات الاخوان

[Hussein_Ramdan]

‫اشتباكات بالأسلحة النارية أمام المنطقة الشمالية‬‎ - YouTube
اتفرج وقولى
فين الشرطة او الجيش لما يحصل كدة اودام منشاءة عسكرية

[eng.m7md.ali]

بيقلولك في الفيديو (ثوار احرار هنكمل المشوار )
الناس دي عبيطة ولا ايه؟
بس اللي مستغربله ازاي محدش خرج يفض الاعتصام ده زي ماحصل عند العباسية هههههههههههههه

[Hussein_Ramdan]

عشان الناس زعلت لما الجيش خد الظبضية القضائية
دلوقتى الجيش مالوش حق يدخل
الاول كان فى ظل قانو الطوارق يقدر يدخل
لكن دلوقتى لاء
خالى الشعب يلبس عشان خارجين

[eng.m7md.ali]

والنبي ياباشا هاتلي ميزة حلوة في الشعب ده
كان طيب كان حنين :)
شعب همجي
متخلف
جاهل
سلبي
...
كفايا كدة بدل مااخد وقف

[semi]

اهنئك على ايجابيتك اللي هتفيدك دايما وعمرها ما هضرك
وانا برضه من دعاة الايجابية وبحاول في اي موقف اتحرك وابقى ايجابي
ومش بلوم الناس اللي رفضت تتدخل لان فعلا لو حد فيهم اتعور الدولة مش هتصرف على عياله
ولان ده مش دوره ده دور الشرطة وكل واحد لازم يقوم بدوره
وحضرتك بمنتهى الايجابية مش اكتفيت بالتبليغ وروحت بلغت بالقسم
والحمد لله ان الظابط طلع عنده امانة وضمير واتحرك بنفسه لان للاسف بقنا نسمع كتير انهم بينفضوا
وشرطة النجدة على فكرة للاسف مش بترد ولا احد يعلم السبب
وشئ اخر لو انت بتتصل على 122 المكالمة مجانية المفروض رصيدك مش يتأثر

عشان الناس زعلت لما الجيش خد الظبضية القضائية
دلوقتى الجيش مالوش حق يدخل
الاول كان فى ظل قانو الطوارق يقدر يدخل
لكن دلوقتى لاء
خالى الشعب يلبس عشان خارجين

هو اي كلام وخلاص ومقرات اخوان ايه اللي بيحميها
حضرتك بتألف من عندك
اولا لو الضبطية العسكرية هتحمينا مش عايزنها ممكن حضرتك
تقدم طلب يبقى لهم حق الضبطية العسكرية عليك
احنا مش عايزين حماية الا بطريقة صح وهي الشرطة المدنية
مفيش حاجه اسمها جيش ينزل يحمي مدنيين الجيش معروف وظيفته
لكن الشرطة المدنية مخصصة لحماية المدنيين ومنتظرين لما تتصلح باذن الله
وترجع زي الاول واحسن وبدون فساد

[Hussein_Ramdan]

انا مش هنزل لمستواك ورد عليك عشان لو رديت عليك هبقا
زايك
.................................................. ......................................*


إنذار مع وقف أسبوع لمخالفة القاعدة رقم 13
م ع 3

[mahmoudselim]

انا مش هنزل لمستواك ورد عليك عشان لو رديت عليك هبقا
زايك
............................................

لاحول ولا قوة الا بالله.
ردك بيدل علي مستواك وطريقة تفكيرك.
عيب اوي الكلام ال انت كاتبة دا

[MohammedAladel]

الله ينور عليك

أنا بقى هقولك على موقف إنسانى أكتر من دا أنا ساكن فى عزبة على بعد شوية من البيوت فيه أراضى زراعية زمان وأنا صغير كنت بروح مع ولاد عمى عندهم جنينة عنب وكدا
بقالى فترة جامدة مرحتش الأراضى ومشفتش الزرع وقابلت زميل من العزبة عندهم أرض بيزعوها سلمت عليه وأخدنا الكلام وقال لى ما تيجى نتمشى كدا ناحية الزرع قلتله هاااااااااااااايل يلا بينا رحنا وقعدنا على طرف مجرى فاضية وناشفة من المياه وفيها نجيلة والجو كان رائع جدا وقعدنا نحكى شوية جمب الحتة دى فيه كام بيت لناس مزارعين غلابة جدا ببص كدا لقيت ثعبان لونه أسود طولة تقريبا متر أو 90 سم أقل تقدير التعبان
رحت قمت وشاورت لصاحبى بص يابنى شوف التعبان دا قال يانهار أبيض طيب هنعمل إيه قلت له نعم ؟ هو أنت اللى شغال فى الأراضى وبتواجهك الحاجات دى تقول لى هنعمل إيه المهم قلتله عايزين جريدة أو حاجة نضربه بيها دورنا هنا وهنا وهو لسة واقف مكانه ع الحيط ملقناش المهم قلتله روح هات إنت جريدة وأنا هفضل واقف مراقبه أنا لاحظت التعبان بيتحرك قلت لصاحبى بسرعة راح التعبان مشى بسرعة و دخل شق رحت قلت له بسرعة خلص راح التعبان طلع من الشق الظاهر كان ضيق عليه وراح لشق جمبه ودخل جواه زميلى اللكع بعد دا كله ما جابش جريدة

الحوار دا كله وفيه ناس مزارعين بتزرع المهم أنا قلت له يا هيثم شوف أى حد من الجيران دول يساعدنا عشان دا خطر على الناس اللى فى البيت وأنا خايف عليهم
أول واحد راجل فلاح وابن بلد بجد قال أنا محوى (محوى دى اعتقاد من الناس عندنا إن هو ما ينفعش يضرب التعبان ومينفعش التعبان يقرصه !!!! )
التانى قال أنا بخاف منهم من وأنا صغير
التالت قال ياعم سيبك هو عملك حاجة ؟ قلت له الصراحة لأ وابتسمت ؟ قال خلاص سيببه
قلتله ياعم طيب خلى واحد معدى من الحتة دى طيب خليه دخل على الناس بيتهم وقرص طفل أو بنت أو أى حد
المهم كله سابنى ومشى وأنا واقف زى المسمار شايفه فى الشق ومش راضى أمشى
لحد ما مشوا كلهم وسابونى لوحدى حتى هيثم هههههههههههههههههه

رحت أنا مشيت أروح أجيب واحد يساعدنى ملقتش ولا راجل فيكى يا عزبة يدينى يجى معايا أو يدينى حتة عصاية أموته بيها ؟؟

تخيلوا لو بيت واحد من الناس دى كان عمل إيه ؟ كان حط الجلبية فى أسنانه ومكنش نام وارتاح باله إلا لما قتله

[Hussein_Ramdan]

لاحول ولا قوة الا بالله.
ردك بيدل علي مستواك وطريقة تفكيرك.
عيب اوي الكلام ال انت كاتبة دا

شكرا

[shaddadfalcon1]

الله ينور عليك

أنا بقى هقولك على موقف إنسانى أكتر من دا أنا ساكن فى عزبة على بعد شوية من البيوت فيه أراضى زراعية زمان وأنا صغير كنت بروح مع ولاد عمى عندهم جنينة عنب وكدا
بقالى فترة جامدة مرحتش الأراضى ومشفتش الزرع وقابلت زميل من العزبة عندهم أرض بيزعوها سلمت عليه وأخدنا الكلام وقال لى ما تيجى نتمشى كدا ناحية الزرع قلتله هاااااااااااااايل يلا بينا رحنا وقعدنا على طرف مجرى فاضية وناشفة من المياه وفيها نجيلة والجو كان رائع جدا وقعدنا نحكى شوية جمب الحتة دى فيه كام بيت لناس مزارعين غلابة جدا ببص كدا لقيت ثعبان لونه أسود طولة تقريبا متر أو 90 سم أقل تقدير التعبان
رحت قمت وشاورت لصاحبى بص يابنى شوف التعبان دا قال يانهار أبيض طيب هنعمل إيه قلت له نعم ؟ هو أنت اللى شغال فى الأراضى وبتواجهك الحاجات دى تقول لى هنعمل إيه المهم قلتله عايزين جريدة أو حاجة نضربه بيها دورنا هنا وهنا وهو لسة واقف مكانه ع الحيط ملقناش المهم قلتله روح هات إنت جريدة وأنا هفضل واقف مراقبه أنا لاحظت التعبان بيتحرك قلت لصاحبى بسرعة راح التعبان مشى بسرعة و دخل شق رحت قلت له بسرعة خلص راح التعبان طلع من الشق الظاهر كان ضيق عليه وراح لشق جمبه ودخل جواه زميلى اللكع بعد دا كله ما جابش جريدة

الحوار دا كله وفيه ناس مزارعين بتزرع المهم أنا قلت له يا هيثم شوف أى حد من الجيران دول يساعدنا عشان دا خطر على الناس اللى فى البيت وأنا خايف عليهم
أول واحد راجل فلاح وابن بلد بجد قال أنا محوى (محوى دى اعتقاد من الناس عندنا إن هو ما ينفعش يضرب التعبان ومينفعش التعبان يقرصه !!!! )
التانى قال أنا بخاف منهم من وأنا صغير
التالت قال ياعم سيبك هو عملك حاجة ؟ قلت له الصراحة لأ وابتسمت ؟ قال خلاص سيببه
قلتله ياعم طيب خلى واحد معدى من الحتة دى طيب خليه دخل على الناس بيتهم وقرص طفل أو بنت أو أى حد
المهم كله سابنى ومشى وأنا واقف زى المسمار شايفه فى الشق ومش راضى أمشى
لحد ما مشوا كلهم وسابونى لوحدى حتى هيثم هههههههههههههههههه

رحت أنا مشيت أروح أجيب واحد يساعدنى ملقتش ولا راجل فيكى يا عزبة يدينى يجى معايا أو يدينى حتة عصاية أموته بيها ؟؟

تخيلوا لو بيت واحد من الناس دى كان عمل إيه ؟ كان حط الجلبية فى أسنانه ومكنش نام وارتاح باله إلا لما قتله

في الفلاحين متعودين علي الحاجات دي ومؤمنين بمبدأ ان التعبان مش هياذيك طالما ماذتهوش

[eng.m7md.ali]

اهنئك على ايجابيتك اللي هتفيدك دايما وعمرها ما هضرك
وانا برضه من دعاة الايجابية وبحاول في اي موقف اتحرك وابقى ايجابي
ومش بلوم الناس اللي رفضت تتدخل لان فعلا لو حد فيهم اتعور الدولة مش هتصرف على عياله
ولان ده مش دوره ده دور الشرطة وكل واحد لازم يقوم بدوره
وحضرتك بمنتهى الايجابية مش اكتفيت بالتبليغ وروحت بلغت بالقسم
والحمد لله ان الظابط طلع عنده امانة وضمير واتحرك بنفسه لان للاسف بقنا نسمع كتير انهم بينفضوا
وشرطة النجدة على فكرة للاسف مش بترد ولا احد يعلم السبب
وشئ اخر لو انت بتتصل على 122 المكالمة مجانية المفروض رصيدك مش يتأثر

كان معايا حوالي 7 جنيه رصيد والله وطارو
وكل شوية فالحين يقولو ان المكالمة مسجلة ومعرفش ايه وهو اصلا مفيش حد بيرد ودايماً مشغول
بس اللي انا كنت عايزه من الناس انهم على الاقل يحاولو يتصلو بالنجدة جايز حد يرد عليهم مثلا بس للاسف اعتمدو عليا انا

انا مش هنزل لمستواك ورد عليك عشان لو رديت عليك هبقا
زايك
.................................................. ..........................

ميصحش على فكرة كدة احنا بنتكلم في موضوع تاني خالص

الله ينور عليك

أنا بقى هقولك على موقف إنسانى أكتر من دا أنا ساكن فى عزبة على بعد شوية من البيوت فيه أراضى زراعية زمان وأنا صغير كنت بروح مع ولاد عمى عندهم جنينة عنب وكدا
بقالى فترة جامدة مرحتش الأراضى ومشفتش الزرع وقابلت زميل من العزبة عندهم أرض بيزعوها سلمت عليه وأخدنا الكلام وقال لى ما تيجى نتمشى كدا ناحية الزرع قلتله هاااااااااااااايل يلا بينا رحنا وقعدنا على طرف مجرى فاضية وناشفة من المياه وفيها نجيلة والجو كان رائع جدا وقعدنا نحكى شوية جمب الحتة دى فيه كام بيت لناس مزارعين غلابة جدا ببص كدا لقيت ثعبان لونه أسود طولة تقريبا متر أو 90 سم أقل تقدير التعبان
رحت قمت وشاورت لصاحبى بص يابنى شوف التعبان دا قال يانهار أبيض طيب هنعمل إيه قلت له نعم ؟ هو أنت اللى شغال فى الأراضى وبتواجهك الحاجات دى تقول لى هنعمل إيه المهم قلتله عايزين جريدة أو حاجة نضربه بيها دورنا هنا وهنا وهو لسة واقف مكانه ع الحيط ملقناش المهم قلتله روح هات إنت جريدة وأنا هفضل واقف مراقبه أنا لاحظت التعبان بيتحرك قلت لصاحبى بسرعة راح التعبان مشى بسرعة و دخل شق رحت قلت له بسرعة خلص راح التعبان طلع من الشق الظاهر كان ضيق عليه وراح لشق جمبه ودخل جواه زميلى اللكع بعد دا كله ما جابش جريدة

الحوار دا كله وفيه ناس مزارعين بتزرع المهم أنا قلت له يا هيثم شوف أى حد من الجيران دول يساعدنا عشان دا خطر على الناس اللى فى البيت وأنا خايف عليهم
أول واحد راجل فلاح وابن بلد بجد قال أنا محوى (محوى دى اعتقاد من الناس عندنا إن هو ما ينفعش يضرب التعبان ومينفعش التعبان يقرصه !!!! )
التانى قال أنا بخاف منهم من وأنا صغير
التالت قال ياعم سيبك هو عملك حاجة ؟ قلت له الصراحة لأ وابتسمت ؟ قال خلاص سيببه
قلتله ياعم طيب خلى واحد معدى من الحتة دى طيب خليه دخل على الناس بيتهم وقرص طفل أو بنت أو أى حد
المهم كله سابنى ومشى وأنا واقف زى المسمار شايفه فى الشق ومش راضى أمشى
لحد ما مشوا كلهم وسابونى لوحدى حتى هيثم هههههههههههههههههه

رحت أنا مشيت أروح أجيب واحد يساعدنى ملقتش ولا راجل فيكى يا عزبة يدينى يجى معايا أو يدينى حتة عصاية أموته بيها ؟؟

تخيلوا لو بيت واحد من الناس دى كان عمل إيه ؟ كان حط الجلبية فى أسنانه ومكنش نام وارتاح باله إلا لما قتله

يالهوي
بس دول شكلهم متعايشين مع الموضوع ده كتير في الاراضي
تعابين وابراص وسحالي وضفاضع اعتقد الوضع عادي هناك