تحت بيتنا !!!

[mohamed hatem]

حصلت مع عمي و ابنه....جه الحرامي سرق عربية عمي قبل الفجر....وابن عمي كان راجع ساعتها بعربيته ...وراح واخد ابوه وجري وراهم ...بس العيال طلعت على الطريق السريع ...وابتدى فلم اجنبي ....
ابن عمي ظابط شرطه اصلا وعمي لواء شرطة برضه ...حاجه تتضحك ....المهم فضل وراهم وحاولو يزنقو عليهم ....المشكلة بقى ان العيال دي راحت مطلعة مسدس وابتدت تضرب على عمي وابنه ...فراح ابن عمي شادد طبنجته واستلمهم ...وحظهم انه ناشنجي ....وكان هو ده اخرتهم ...معرفش ينشن عشان يوقفهم بس ...الرصاص مع السرعه ..ادى الى وفاتهم ..


اللذيذ ان العيال طلعت مسجلين خطر وسارقين 100 عربية قبل كده ..واهلم متباريين منهم ..وابن عمي اتحجز للتحقيق ..بس الحمدلله طلع على خير

[tutankhamoun]

حصلت مع عمي و ابنه....جه الحرامي سرق عربية عمي قبل الفجر....وابن عمي كان راجع ساعتها بعربيته ...وراح واخد ابوه وجري وراهم ...بس العيال طلعت على الطريق السريع ...وابتدى فلم اجنبي ....
ابن عمي ظابط شرطه اصلا وعمي لواء شرطة برضه ...حاجه تتضحك ....المهم فضل وراهم وحاولو يزنقو عليهم ....المشكلة بقى ان العيال دي راحت مطلعة مسدس وابتدت تضرب على عمي وابنه ...فراح ابن عمي شادد طبنجته واستلمهم ...وحظهم انه ناشنجي ....وكان هو ده اخرتهم ...معرفش ينشن عشان يوقفهم بس ...الرصاص مع السرعه ..ادى الى وفاتهم ..


اللذيذ ان العيال طلعت مسجلين خطر وسارقين 100 عربية قبل كده ..واهلم متباريين منهم ..وابن عمي اتحجز للتحقيق ..بس الحمدلله طلع على خير

يستاهلوا ....................... في ستين داهية
حرامية و كمان معاهم مسدسات .................. شُغل شيكاغو

[د.أحمد سمير]

أنا شاكر ردودكم أولاً
وثانياً : العربية شفتها راكنة النهاردة الصبح بدون خدوش أو خسائر لكن معرفتش السيناريو اللي تم تحديداً على العموم الحمد لله ..
ثالثاً : مسألة الوقوف المحتم ده ماكنش وارد لأننا على بعد 2 كم من الدائري يعني طريق مفتوح ..

تقبلوا جميعاً خالص مودتي

[hesham_tawfiq]

انا ليا بس تعليق صغير جدا
امان ايه اللى بتتكلمو عليه فى مصرنا العزيزه
فى اهرام الجمعه اللى قبل اللى فاتت خبر يبين اد ايه مستوى الامن فى مصر دلوقتى والخبر بيقول :
"سرقه رئيس محكمه تحت تهديد السلاح على كزبرى المنيب - وجارى البحث عن الجناه وتحديد شخصيتهم"
يعتى الحراميه طلعو ووقفو الكوبرى وسرقو رئيس المحكمه وهربو والحمد لله محدش عرف يمسكهم

[m_aash]

نفس الموقف ده حصل مع والد واحد زميلى بعد صلاة الجمعه فى مساكن الشيراتونوهو خارج من الجامع لقى عربيته ماشية قدامه و بالصدفة زميلى كان راجع بعربيته , المهم جرى ورا الحرامى لحد ما زنقه فى شوارع جانبية , راح الحرامى خبطله 3 عربيات و العربية المسروقة إتقلبت و خرج الحرامى منها و طلع يجرى , بس شهامة المصريين جريوا وراه و مسكوه و أخد علقة محترمة , ماكانش قادر يقف على رجله لحد لما وصلت النجدة فى النهاية و خدوه على القسم و طلع مسجل خطر سرقة سيارات

[Mzeid]

جزاك الله خيراَ يا دكنور على حكاية الموقف دة ..
بس برضه أنا مظنش أن فيه كل الشهامة اللي أنتم بتقولوا عليها دي أنا واحد قريبي ماشي في عز الظهر على الكورنيش في إسكندرية و بيتكلم في الموبايل و البشر زي الرز في الشارع و على الكورنيش طلعلوا واحد بمطواة و قاله هات الموبايل .. و لا واحد فكر يعبروا حتى بكلمة ..
:):)

[Defender]

انت قولت شباب

انا شايف لو ناس كبار شويه كانوا نفضوا
لان الشباب في دمهم موضوع المطاردات وشغل الافلام

عن نفسي كنت ممكن اساعد بس امشي ورا العربيه الغايت ما اشوف وداها فين اتصل بالشرطه وانا ورها (مخالفه 150 جنيه)

اقولهم مكانها وربنا يسهل

[Dr Ahmed]

أنا لو مكان الشباب المتحمس الجميل ده
هاجري وراه العربية لغاية ما يتزنق في أي اشارة مرور و ننزل نطحن فيه لغاية ما يبانله صاحب

كنت هقول كده لأنه أكيد مش هيعدى 200 متر إلا ويضطر يقف (لو دخل البلد) وكام كيلو على الدايرى وبرضه هيقف
أما بخصوص الشرطة فلا أعقد عليهم الأمل أبدا أبدا
ممكن ييجوا بعد إختفاء السيارة تماما بمحاضر على الورق أو ييجوا بعد ما يطمنوا إنها رجعت ، غير كده: لا أمل

[Kamal-1]

فكرتني بايام زمان كنا ماشيين في شارع أحمد عرابي اللي في المهندسين عند عمر أفندي وفي ست كانت خارجة من ويسترن يونيون المهم الحرامي المعلم سرق الشنطة بتاعت الست وكان راكب فسبا وساعتها كان معانا العربية الشيروكي عملنا Kick Down و جرينا وراة في الزحمة المهم جينا عند ال Return ومشي عكس الاتجاة وللاسف ما عرفناش نجيبه

بس الحمد لله ان العربية رجعت لجارتك تاني بالجهود الذاتية ومحدش يعتمد على الشرطة هههه بتيجي بعد فوات الاوان