معايا 25000 الف اشتري بونتو ولا فيليشيا..

[i_Am_Legend]

دة المبلغ اللي معايا حاليا..والمبلغ دة يجيب فيليشيا او بونتو بحالة ممتازة.. وسيبكم من الاسعار اللي علي النت دي...لأن دة سعرهم الحقيقي التلاتينات والكلام دة ماحدش بيدفع فيهم اكتر من كدة..وفي ب23 الف كمان بونتو وفيلشيا..ايه رأيكم اشتري انهي فيهم..

[elgaafary]

انا زيك بدور على سيارة فى الحدود دية

مشاركتى فى المنتدى بين اشيا كوبية وال دايو ماتيز

http://www.nilemotors.net/Nile/305211-a.html

ممكن تقارن مع بعض

[abdo7000]

الفليشا اقوي وقطع غيارها متوفرة وبالتوفيق ان شاء الله

[windofchange]

انت طالع من سمارا لو مش هيفرق معاك حجم الكابينة والشنطة البونتو والفيليشيا اصغر...الايبيزا اكبر منهم هما الاتنين وتتجاب ب25 حاليا

[Eng.Geo]

مش كنت ناوي علي فولفو ؟
عامة انا بفضل الفليشيا ... بشرط حالة ممتازة

[egyseadragon]

لو عايز تكييف خليك في البونتو

[i_Am_Legend]

والله مش لاقي فولفو نضيفة خاااالص...وبعد كدة فكرت في اي حاجة هاتشباك اوروبي بعيدا عن البرايد طبعا والاكسيل..لاني مش بركب كوري ...وفكرت في ابيزا أة بونتو او فيليشيا..ولقيت ان الابيزا اسعارها عالية شوية..والناس بتبالغ في اسعارها..فقولت خليني بقي في البونتو والفيليشيا..بس انا ليا سؤال غرييييييييييييييييب...ليه الناس علي النت يكتب في الفيليشيا والبونتو والابيزا..3000 و35000 وفي الاخر بتتباع ب25000 الف..ليه بقي الاسعار الغريبة دى..

[benmatar]

أي حد عاوز يبيع بأعلى سعر
وفعلا زي ما تفضل السادة ونصحو حضرتك بالفيليشيا أضم صوتي ليهم، وأنصحك بيها بشرط التأني والكشف الجيد والفحص الدقيق واختيار حالة جيدة وده بيحصل لما تشتري أي مستعمل بس لو جبت فيليشا استخدام راقي هتعجبك بإذن الله وأنصحك أكتر بموديلات وش الأوكتافيا يعني 99-2000-2001، وبالتوفيق

[i_Am_Legend]

الفيليشيا وش اوكتافيا سعرها عااالي...انا هاكمل ال25000 الف بالعافية .