بلطجـــــــــــــــــــــ ه فوق الحد اليكم ما حدث.......

[hossam_elwani]

منقول

طبعاً انا بعمل في 6 اكتوبر و مقيم في حي الجيزه فطبيعي بركب عربيه جيزه دائري من الموقف اللي قدام مساكن الشباب في الحي السادس السوق القديم انهارده حوالي الساعه 3 ركبنا العربيه اللي المفروض الاجره بتاعتها 2 جنيه و نص كالمعتاد لكن فوجئنا انا و الركاب ان السواق بيقول ان الاجره بقت 3 جنيه سئلناه ليه قال بتاع الكارته خلى الاجره 3 جنيه و بقى بياخد 5 جنيه كارته بدل 2 جنيه ونص لكن طلبنا منه انه يا اما ياخد
اجرته او يرجع و رجع فعلا الموقف و توجه مجموعه من الناس علشان يكلموا الراجل بتاع الكارته اللي في الصوره ديه و اسم شهرته "ابو شهد" كان معانا راجل عمره حوالي 65 سنه كلمه و ازاي تغلوا الاجره وقالنا هو كده واللي مش عاجبه يشتكي طبعاً احتدينا في الكلام معاه و خصوصاً الراجل الكبير في السن راح الراجل قال ايه يا ولاد الم........ وراح ساببلنا الدين و قالنا هو خلاص بعد الثوره كل واحد هيتكلم و راح سابب الدين للثوره الراجل العجوز زعقله راح مطلع مطوه و رافعها على الراجل وقال اي حد هيتكلم و سب الدين لينا كلنا و سب الدين للبلد و جه واحد تاني و قال اللي هيتكلم هطلع وسب الدين سواء كبير او صغير و راح لكل السواقين و قالهم الاجره 3 جنيه واللي مش عاجبه يشتري عربيه و هو ده النظام و كانه المحافظ طبعاً الناس قعدت تهديه و هو قعد يقول انا علشان ساكت بعد الثوره كله هيتكلم ده انتوا شباشب الناس قالوله ده راجل عجوز معلشي قال ده لو " ابن ربنا" هطلع وراح سابب الدين و انتهى الموضوع اننا ركبنا عربيه بأجره 3 جنيه وقالوا ده شغال تبع المحافظه هل موظف المحافظه بيرفع مطوه على المواطنين؟؟
السؤال دلوقتي :-
الشخص ده قام بالتالي:
1- تغليه الاجره بدون وجه حق الخمس.
2- سب الدين للناس وللثوره.
3-سب الذات الإلاهيه.
4- ترويع المواطنين و فتح مطوه قرن غزال عليهم.

ده اللي هو عامله و هيستمر يعمله طول ممفيش حد بيحاسبه زمان في انتخابات الاعاده راجل عجوز قالي اللي استفاد من الثوره البلطجيه بس انا قولتله لأ مصر هتبقى دوله قانون و البلطجه هتنتهي . هل كنت بكذب عليه.

الأنسان ده لازم يتم إتخاذ موقف رادع و فوري معاه علشان يكون عبره للكل احنا لازم منسكتش ونبقى سلبيين انا وضحت الموضوع و كده قمت بدوري كمواطن بيطالب بدوله القانون و القبض على البلطجيه

يا ترى ايه موقف كل من:
1- السيد وزير الداخليه.
2- السيد وزير النقل.
3- السيد محافظ الجيزه.
4- السيد مدير امن اكتوبر.
5- السيد رئيس الوزراء.
6- السيد رئيس الجمهوريه.
7- الأحزاب الكبرى اللي بتعمل انشطه خدميه.

الموضوع يبان بسيط بس كون ان واحد يبلطج على الناس علشان معاه مطوه و يستغل الموقف ويرفع الاجره والكارته براحته في دوله القانون مظنش ان ده هيكون شئ مبشر

انا عملت اللي عليه و صورت الراجل و حكيت القصه و مكنتش سلبي و سكت هل الموضوع هيقف عندي ولا هيكون فيه موقف مع الشخص ده و غيره اتمنى الناس كلها تعمل شير و اتمنى التصرف مع الشخص ده و جعله عبره حتى تنتهي البلطجه من مصر والموقف ده حتى لو صغير و في مكان صغير بس لو حصل قصاده رد فعل هيغير فكر ناس كثير و هيخلي اي بلطجي يفكر الف مره قبل ميروع المواطنين

اتمنى الكلام ينتشر و يكون فيه رد فعل

الراجل موجود في موقف عربيات الجيزه الي في السوق القديم قدام محل عصير القصب و السنترال اللي في دخله الشباب و اسمه ابو شهد

منقول للامانه

لازم يكون فيه فعل ايجابى للقضاء على الكائنات دى

[medoghaly]

ربنا يرحمنا من الاشكال الزبالة دي ناس معفنة مش عارفين اخرتها ايه معاهم !!!!!!!!!

[bmya]

ااشكال دي المفروض يتعكل فيها على الاقل زي ما تعمل في عماد الكبير زمان

[HeMa_LanCeR]

ههههههههههههههههههههههههههههههههههه
بأذن الله هشام بلطي قصدي قنديل يبقي يعملهم زيارة مفاجاءة يوم التلات الساعة 2 :)

[ahmed_ali9583]

متابع باهتمام

[eng.m7md.ali]

هو الجحش ده بيقول على الناس انهم شباشب؟
مبقاش غير الاشكال الضالة سواقين الميكروباز يتكلم ويصنف الناس وهو ادنى خلق الله
ومحدش يقولي ده بني ادم ومش بني ادم والظروف هيا اللي عملت فيه كدة والكلام ده

بس انا عندي سؤال بجد وعايز واحد بيفهم يرد عليا :
هو انا لو سمعته بيسب الدين وبيسب ربنا بالطريقة دي واتهورت وعملت حركة راح قتلني ياترى هبقى شهيد ولا لا؟

[Elawany13]

استغفر الله العظيم
اللهم انتقم من الأشكال القذرة ديه

[Y a r i s]

استغفر الله العظيم
توب علينا بقه يارب من اولاد الجزم الي زي كده ..... سبحان الله يعني هو الوحد لازم يبقى ماشي بمطوة علشان يربي اولاد الجزم الي زي كده عيال شمامة ومتعرفش محدوفين علينا من انهي بلوة من ارياف الارياف. وبيعملوا فردة على اهل المدينة ..... حاجة بقت قرف .... وقول ده ميكروباص. .... النهردة بقيت اقف في اي شارع برضوا الاقي واد من العينة دي بيجري ورايا ومعاه دفتر تذاكر وبيقلي خمسة جنية ياباشا. اقولوا لييييه خمسه جنيه ده انا واقف في الشراع. يقولي هو كده مش عجبك روح اوقف بعيد ..... ومحافظت ميييييييييييييين بنت ستين. تيييييييت الي طبعلهم دفاتر الوقفه بخمسة جنية. هو كان شارع ابوا المحافظ علشان يخصخصوا ولا كان عملوا على ايدوا في حاجة غلط في البلد وهيا دي اساس هيجان الناس وثورتهم على النظام السابق انهم كانوا سيبين الاشكال بنت الجزم دي في الشوارع خلى الناس تهييييج على الحكم ونظام الحكم. والدولة الي سايباهم يبلطجوا في الشوارع .

[SAMEH_FOUAD]

استغفر الله العظيم والله فعلا الناس دية بقت بتفسد فى الارض الا ما رحم ربى لان بردة مش كلهم كدة

وفعلا ناس معندهومش ضمير ولا اخلاق , وطريقة كلام بذيئة بيحسسك انك شغال عندة ,

مع ان الناس لو بطلت تتعامل معاهم هيموتوا من الجوع

انا بكرة الانسان اللى بيسب الدين لانة فعلا لا يستحق الاسلام , لانة لو مات على كدة هيكون كافر وللاسف اللفظ دة فى بقهم زى اللبانة

مرة بردة كنت ماشى بالعربية بس القديمة مش الهوندا , وواحد بميكروباص لوحدة وزنق عليا كان هيلبسنى فى العربية اللى جنبى عشان بسلامتة يعدى ولما اديتة كلاكس بيشوح بأيدة من الشباك , كنت عارف انى لو طولت معاة فى الكلام هنزل نفسى لمستوى انا فى غنى عنة , والحمد لله كنت مستبيع االعربية وقولت يانا ياهو , وظبطة على الطريق كنت هلبسة فى عمود وخليت العربية عومت منة وكان هيتقلب
ومشيت وسيبتة ولا عبرتة

هما عايزين كدة معاملة غبية

[Ahmed_selmy]

حسبى الله ونعم الوكيل
اللهم اهللك الظالمين بالظالمين واخرجنا من بينهم سالمين
ربنا ينتقم منهم كلهم, ناس لا عندهم اخلاق ولا دين

[eldell]

حسبى الله ونعم الوكيل الناس ديه واخدنها بالدراع واعتقد الموقف ده بيبقى ليه علاقه بالمحافظه علشان ازاى يعنى الحكومه مش هتستفاد من الكلام ده ؟ بس الناس الى زى ديه بتغلى الحاجه بمزاجها وطول مهما شايفين ان احنا تحت رحمتهم هيعملو كده وربنا يااااااخد الاشكال ديه ويتعدل حال البلد ديه

[احمد المصرى]

يعنى انتم كتير كدا ومش عارفين تخدوه علقه محترمه ويتسحب على اى قسم يتعلم الادب

[حماده المصري]

عشان كده الداخليه كان عندها حق في اللي بتعمله

وقبل الثوره كانت الداخليه بتتعامل مع نفس الاشكال دي بس احنا مكناش في الصوره

والله ربنا يكون في عونهم

[حماده المصري]

هو الحوار ده حصل معاك شخيصيا

ولا منقول عشان انا شوفته متشير على الفيس في ناس كتير مشيراه

[benmatar]

استنتاج طبيعي جدا لتطورات الوضع في مصر اجتماعيا واقتصاديا وخلقيا، والانهيار المهول للمجتمع برضه مش حدث غريب أو خبر جديد، زي مابيقولو اللي ميشوفش من الغربال يبقى أعمى.. الحل ببساطة لمعالجة أو كبح الصدوع دي هو الرد والتعامل بالمثل وللأسف اضطرارا، إزاااااااااااااااااااااي؟؟ زي ما كلنا سمعنا وقرينا عن أهل قرية في دمياط قتلو بلطجي أعاث في الأرض فسادا، ونفس الحدث كان حصل في حلوان من شهور وتخلص المواطنين من 2 من الخارجين عن القانون، ومن يومين في الشرقية نفس القصة، الصعيد معدلات الإجرام فيه والبلطجة مش زي القاهرة عشان الحرامي عارف إنه ممكن ينط في بيت يلاقي آلي بيسلم عليه أو كلاش بيزغزغه، والناس عارفة بعض والشوارع عوائل وبيت واحد، ولو بلطجي غريب دخل قرية أو شارع هيخرج منها على المشرحة دوغري، يعني الناس تتحد وتجابه الخطر بنفسها وتحكم الأمن في محيطها وتتعاون، ومحدش يسكت عن غلط بس مش لوحده وإلا الهلاك للكل، واللي بيقول ماليش دعوة أو أنا في حالي هيهرس في النص، وإلا هندفع إتاوات كل ما نطلع بيوتنا وكل ماننزل منها، وسلم لي على الوزارة والسفارة والخارجية والداخلية والدوريات الباتنجانية وإنسى 122 وحطه في قائمة rejected numbers في تليفونك المحمول، وإنا لله وإنا إليه راجعون