50 الف و عايز عربيه

[tanman]

السلام عليكم

من مده كنت عملت موضوع عشان عايز عربيه ب30 الف , و الشباب ساعدوني جدا مشكورين

المهم حسيت اني هاجيب عربيه هتكون قديمه و هتتعبني زي اللي قبلها جد

و استنيت و دلوقتي الميزانيه زادت دلوقتي بقت 50 الف , انا عايز عربيه في الحدود ده

اهم حاجه : تكييف محترم و قطع غيار متوفره جدا و سهله عند اي صنايعي

انا من طنطا لو حد عنده معلومات احسن عربيه تكون ايه هنا

وشكرا ليكم جدا

[M.Alaa92]

نوبيرا او لانوس و ممكن اوبل كورسا

[EngAhmedSakr]

لانوس او فيرنا موديل قريب يعني من 2006 وانتا طالع

وانا برجحلك فيرنا مو 2007 وما بعديها الـ 1600 سي سي الكامله علشان التكييف والسحب , بكيلو متر ما يزيدش عن 120 الف
صيانه سهله - قطع غيار متوفره واسعارها حنينه

ربنا يوفقك

[أبو ياسين]

لوجان عتلاقيها عمله كيلمترات اقل من لانوس و فيرنا و موديل اعلى بالسعر ده

[tanman]

شكرا عالردود السريعه اولا

بالنسبه للاوبل كورسا , ما عجبنيش شكلها , حاسسها ضيقه اوي من جوه وكمان هاجيب موديل قديم اوي

اللوجان بيقولوا مالهاش قطع غيار بره التوكيل , و انا من طنطا و فمش عايز اضطر عشان اي حاجه صغيره اسافرلها القاهره

انا حاليا محتار بين الفيرنا و اللانوس , و شكل الفيرنا عاجبني اكتر كمان

بس الاتنين سمعت ان فيهم نفس مشكله الثبات بعد 120 , هل المشكله دي تخوف , يعني تسبب حوادث مثلا ؟

و جنوط اكبر تحل المشكله ولا برضو لا ؟؟

يعني من الاخر , مشكله تخوف ولا لا , و انا حاليا بافكر في الفيرنا اكتر

[Kefo_Honda]

هوندا سيفك 92-94 أو لانسر كرستالة

[akmm]

الفيرنا الكل يعرفها وقطع الغبار موجوده وسعر معقول .

[A_H_M_A_D]

انا حاليا محتار بين الفيرنا و اللانوس , و شكل الفيرنا عاجبني اكتر كمان

بس الاتنين سمعت ان فيهم نفس مشكله الثبات بعد 120 , هل المشكله دي تخوف , يعني تسبب حوادث مثلا ؟

و جنوط اكبر تحل المشكله ولا برضو لا ؟؟

يعني من الاخر , مشكله تخوف ولا لا , و انا حاليا بافكر في الفيرنا اكتر

طالما حضرتك ناوي تستخدمها كعربية عادية و مش ناوي تدخل بيها سباقات يبقى هي الإختيار الافضل من وجهة نظري في الرينج ده من السعر ,

وانا كنت في نفس موقفك ده وانا بشتري عربيتي و برضه إخترت الفيرنا و فضلتها عن اللانوس عشان استشيكتها اكتر

لكن لو حضرتك بتحب تمشي بيها اكتر من 120 , مع إني مش عارف أنهي شارع في مصر يستحمل السرعات دي , حتى طرق السفر دلوقتي كلها بلاوي , واحسن طريق في مصر اللي هو طريق العين السخنة سرعته القصوى برضه 120 , بس لو عايز تمشي على أسرع من كده و تاخد غرز يبقى بلاش الفيرنا

[ahmed legend]

هى الفيرنا هتلاقيها كويسة فى التكييف والسحب بس خلى بالك هى واطية يعنى انتا لو عندك حتت مكسرة وكدة متنفعش معاك

[حماده المصري]

الفيرنا والانوس عمله وحده بس بصراحه الفينرا تتفوق في الاعتماديه مش بتبوز زي الانوس
الانوس بتحتاج صيانه كتير عن الفيرنا

والفرنا عفشه افضل وانعم واطول عمرا

والانوس اثبت بفرق بسيط والفيرنا لو جنط لذيذ وكوتش نضيف هتعجبك

ارشح فيرنا

[Hobgoblin]

Verna

[tanman]

انا استقريت عالفيرنا ان شاء الله ، ممكن اعرف مشاكلها دي تتحل ازاي ؟ يعني لو جنطت هتظبط ؟

[tanman]

طيب ايه رأيكم في العربيه الصيني byd ?