موظف فى المرور الله يوقف حالة

[lada2010]

النهاردة روحت علشان رخضة السواقة روحت مرور عين الصيرة عملت شهادة المخالفات وجاءت على مرور البساتين علشان اخلص باقى الورق ربنا وقعنى فى موظف الله يوقف حالة كل شوية روح هات كذا وهات كذا وفى بعد ما جبت كل حاجة قال لى بص لى كدا لقيت بيقول لى لازم تروح قومسيون طبى علشان مكتوب فى الرخصة لائق لجنة طبية المهم سبيتوا وروحت جاءت كمان شوية روحت للمراجع علشان يخلص لى التصريح لان عندهم الكمبيوتر عطلان بصيت لقيت الموظف شافنى وبيقول لى ما تخلينش اقطع لك التصريح وهو المراجع لسة بيكتب فية هيخلص التصريح امتى وخلى المراجع وهو رجل كويس يقول لى لازم قومسيون طبى اقول لهم يا جدعان دا تجديد رخصة مش اول مرة مفيش كلام

[Y a r i s]

معليش. وحده وحده وفهمنا كده براحة. .... انتا رحت تجدد رخصة قيادة قالك لازم كومسيون طبي !!!!
بيعمل ايه الكومسيون الطبي ده !
هو معدش زي زمان شهادة. بطنه وشهادة نظر من ام ١٠ جنية
وتصريح ايه الي بتقول عليه حضرتك. ! ارجو التوضيح وشكراً

[Land_Cruiser]

طيب يا ريت يا فندم تقولنا ايه الاوراق المطلوبه علشان اللى رايح قريب

[Y a r i s]

مش عارف انا ايه حاكيت تجديد الرخصه وتجديد البطاقه وتجديد جواز السفر الي طالعين لنا فيها دي. زي رايح. البنك بعمل شوية حجات يقولي لا بطاقتك انتهت روح جددها .... اقول للموظف ياعم الحج انتهت ايه هيا علبة زبادة قدامك ماهو انا قدامك نفس الشخص يقلي لا حضرتك متصور بشنب انتا دلوقتي مربي سكسوكه الشخص مختلف ههههههه

[hossam_elwani]

معليش. وحده وحده وفهمنا كده براحة. .... انتا رحت تجدد رخصة قيادة قالك لازم كومسيون طبي !!!!
بيعمل ايه الكومسيون الطبي ده !
هو معدش زي زمان شهادة. بطنه وشهادة نظر من ام ١٠ جنية
وتصريح ايه الي بتقول عليه حضرتك. ! ارجو التوضيح وشكراً

انا لسه مجدد

المطلوب

شهادة مخالفات

ملف جديد

شهاده نظر

شهادة باطنه

وجبيتهم بــ 35 جنيه

صور عشان الشهادات الطبيه

نموذج بــ 7 جنيه من المرور شامل الطابع

بطاقه ساريه

وصور للبطاقه

وحتدفع ضريبه بــ 45 جنيه



ودمتم

[lada2010]

يارجالة ان جابت لهم كل الورق المطلوب شهادة باطنة - نظر - ودفعت الضربية ونموذج التجديد وكل شى بس لم جاءت طلعت الرخصة من 10 سنين لقيت الموظف بيقول لى لازم تتعرض كشف طبى ودا علشان لابس نظارة قالت ماشى وعملت القوميسون من 10 سنين قال اية الموظف النهاردة يوقف لى الرخصة علشان اروح قومسيون طبى بقول لة ما امامك مكتول لائق لجنة خاصة ولا كانة هنا يعنى هيخلنى اقولهم مش عايز اجدد الرخصة علشان تستريحوا

[rompo10]

كنت ادخل لرئيس الوحده وشوف الموضوع معاه