إعـــــــلان

Collapse

.

,
See more
See less

رحلت عذانى وتوبتى (ارجو ان تكون عظة للناس)

Collapse
X
 
  • Filter
  • الوقت
  • Show
Clear All
new posts

  • رحلت عذانى وتوبتى (ارجو ان تكون عظة للناس)

    رحلة العذاب فى الترخيص
    المهم روحت الصبح بدرى كلى نشاط وفرحان عشان هنقل ملكية العربية باسمى وكمان هجدد رخصة العربية
    المهم روحت الصبح انا عارف ان مرور الجزيرة فى عين الصيرة
    المهم روحت هناك قالو ليا لا يا حبيبى دة كان زمان دلوقتى موجود فى الزمالك
    روحت الزمالك بسرعة عشان الحق اخلص بئا وانجز اليوم
    المهم روحت هناك قالى لا دة راح السبناية ولاة برج التجارة
    روحت على هناك
    دخلت على الموظف بعد ما وقفت طابو طاويل لقيتو بيقولى هاتلى من فوق شهادة البيانات ونزلى قولتلو ياعم اكتبو الحاجات دى على اليافطة عشان الناس تعرف بدل ما اعد الصف كلو وبعد كدة ارجع تانى
    روحت جبت البيانات
    قالى طيب بئا انزل هاتلى الملف بتاعك من تحت قولتلو تانى قالى معلش
    قولت اشطة معلش معلش مش مشكلة
    جبت الملف
    وهو بيملى البيانات قالى معاك 5 الف جينة هههههههههههههه ضحكت قولتلو فى حد بيمشى بالمبلغ دة
    قولتلو لية قالى عشان هتدفع الضريبة هنا قولتلو لية انا هدفع فى السلام قالى لا الرخصة خلصت لازم تدفع هنا
    طبعا اليوم خلص ومشيت عشان ماكنش معايا فلوس
    قولت الحمد لله اليوم اضرب
    ومشيت ودة كان يوم من ضمن الايام
    ولسة هكمل ليكو باقيت المغامرة معا تجديد الرخصة ونقل الملكية
    يوم اخر فى رحلة التوبة
    المهم روحت اول واحد الصبح قولت اروح بدرى عشان شوية
    بس الصراحة شهادة لله هى الدنيا حلوة شوية فى مرور الجزيرة غير السلام خالص بغض النظر عن الزحمة
    لكن الماكن محترم وجديد واجهزة تكيف وكمان تلفزيون ومياة ساقعة وكدة
    المهم روحت اليوم دة وخلت بقول للموظف عايز اتنين شهادة بيانات واحدة للشهر العقارى وكمان واحدة للمرور
    المهم قالى لاء هديك واحد للشهر العقارى الاول ولما تسجل تعالة خد بتاعيت المرور انا الصراحة مفهمتش لية لكن مردتش ارخم علية عشان الدنيا
    كانت زحمة
    المهم جبت البيانات ودفعت الضريبة فى المرور الجزيزة معا العلم انى هحول مرور السلام
    قالى لاء انتا لازم تدفع هنا عشان الرخصة خلصت وحنا من حقنا الضريبة دى قولت ليهم ياعم انتو هوما مش هتفرق كلكو اخوات دفعت 4900 جينة ضريبة
    المفاجاءة بئا ونا بجيب المخالفات لقيت عليها 1500 جينة قولتلو ياعم انا شوفت المخالفات على النت ان العربية مفهاش حاجة
    عشان كدة انا خلصت للراجل صاحب العربية حقو
    اجيبو ازاى دلوقتى ....
    رد قالى دى مش على العربية دى على صاحب العربية
    قولتلو ونا مالى
    رد هاتلى عقد مسجل ونا اشلها لك
    قوتلتلو ماشى
    انا كدة كدة رايح اسجل
    اليوم الثالث
    روحت الشهر العقارى والله انا شوفت الدنيا رايقة فرحت اووووى
    بقولها عايز اعمل عقد مسجل سيارات
    الصراحة مردتش من اول مرة
    كررت الكلمة تانى قالتلى روح سوق السيارت العاشر
    قولتلة انا مش عايز اشترى عربية انا عايز اسجل العربية بتاعتى هههههههههه
    ضحكت قالتلى ونا قولتلك روح الشهر العقارى الى فى العاشر
    الصراحة انا زهقت ودخل كام واحد الشهر العقارى بردو سيارات كان نفس الرد ااننا نروح العاشر
    طبعا رفضنا وعالينا صوتنا على الاخر
    ودخلنا للمديرة قالت انا معنديش موظفين قولتلها دى مش مشكلتنا قولى كدة للوزير يجبلوكو موظفين
    المهم بعد نص ساعة من الضغط عليهم عملو العقد
    سمعت صوت خناقة فى المكتب روحت اشوف فى اية لقيت اتنين موظفين ماسكين فى بعض عشان
    دة مش عايز يشتغل والتانى ويحط الشغل عندو
    المهم سبت الموضوع دة ومشيت فى مراحل العقد وعملت العقد
    وفى اخر مرحلة كانت الدنيا زحمة
    وحصلت خناقة كبيرة فى مكتب المديرة والمكتب شبة التكسر المديرة خدت الاختام وجريت بس الحمد لله انا كنت خلصت بس وقفت اتفرج
    هههههههههههههههههههههههههههههههه
    ونا كنت حاضر المشكلة من اولها المشكة ان واحد واقف فى اخرررررررررر الصف بيقول يجماعة نظام الله يخربات الثورة الى عملت فينا كدة
    انا الصراحة مش عارف اية دخل الثورة فى الصف
    المهم لقيت واحد فى اول الصف قالو يخربيتك انتا واهلك انا ابنى شهيد دول اسيادك
    قالو شهيد اية هو كان طيار المهم شتمو بعض
    بس طبعا فى شتيمة خالتنى فطست على نفسى من الضحك الراجل الى فى اول الصف بيقولو انتا فلول
    وحنا هنجيبك وهنعدمك هههههههههههههههههههههههههههههههههه
    طبعا حوال التسجيل دة خد منى تقريبا 3 ساعات او اكتر
    الى اللقاء فى يوم اخر
    وطبعا هكمل ليكو عملت اية فى المرور تانى
    المهم روحت المرور هناك بتاع السلام طلب منى انى اروح مرو ر الجزيرة اجيب مطابقة بصمة من الملف الاصلى
    طبعا روحت
    وبعد كدة رجعت على السلام تانى فى يوما اخر
    وفى الاخر خد تصريح ست شهور للعربية لخاية ما الملف يجى وبعد كدة ابئا اروح اخد الرخصة

    انا ندماااااااااااااااااااااااااااان

  • #2
    الحوار دة خد منى بظبط اسبوعين

    Comment


    • #3
      الحمد لله انها جت على كده يوم المرور ده كله بيعمل حسابه من قبله هههههه انا اول لما جبت العربيه خلونى روحت سفاجا علشان اجيب شهاده بيانات تانيه علشان البهوات كتبين كلمه 2010 يدوى علشان مكنتش نزلت عندهم على الكمبيوتر قولتله ازاى ومش ازاى قالى مقدمكش حل غير كده واتطريت انى اروح انا والى جايبلى العربيه علشان نجيب واحده تانيه وبعد لما جينا قالولنا عايزين واحده تانيه للشهر العقارى ههههههههههههههههعلشان اسجلها باسمى عملتلهم مجنون والله قولتله ياعم مش هسجل الزفته ديه طلع الرخصه باسم الراجل وانا بعد كده هبقى اطلع واحده من المرور هنا وقعدت فوق الشهر كل يومين اروح المرور لحد لما الافراج بتاعها جه المرور لدرجه ان الموظفين قالولى انت المفروض تبقى موظف معانا فااحمد ربنا انها جت معاك على كده
      [rmade]http://nileup.com/up/uploads/nilemotors_13672356391.jpg[/rmade]
      Eldell only 1

      Comment


      • #4
        قصة كفاح
        [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

        Comment


        • #5
          المصالح الحكومية في مصر للآسف هي قصة من المرار و تضييع الوقت و حرقة الدم ............. على الفاضي.

          يا سلام ........ أنا فاكر لما كنت بأشتري عربيات و أبيع .......... بورقة ترسلها للمرور و في خلال أسبوع .......... العربية تصبح ملكك
          و من غير ما تروح أي مكان و تضيع وقت و توظف ناس ملهاش لازمة .


          هنا دوخيني يا ليمونة ........... و تحيا مصر يا رجالة .
          [img2]http://i59.tinypic.com/2vxpukz.jpg[/img2]

          Comment


          • #6
            إيه ده .......... دفعت 4900 جنيه علشان تجدد الرخصة وتبقى بإسمك ........... لأ تعالى هنا وأقف ؟؟؟

            يعنى أنا إشتريت عربية من دكتورة والرخصة بإسمها وسارية لحد مايو 2013 وكنت سابقا نقلت ملكية العربية فى الشهر العقارى ودفعت 1000 جنيه ......... معنى كده إن أنا لما أجدد الرخصة بعد ما تنتهى فى 2013 هادفع 5000 !!!!!!!!!!!!!!!!!!!!!!!!!!!!!!!!!!!!
            [CENTER]
            [/CENTER]

            Comment


            • #7
              مقولتليش ... اثناء المعمعه انت كنت مع الفلول واللا مع الثورة ؟؟؟ اصل واضح انهم عاملوك على انك مع الثورة !!

              Comment


              • #8
                المشاركة الأصلية كتبت بواسطة haitham1985 مشاهدة المشاركة
                إيه ده .......... دفعت 4900 جنيه علشان تجدد الرخصة وتبقى بإسمك ........... لأ تعالى هنا وأقف ؟؟؟

                يعنى أنا إشتريت عربية من دكتورة والرخصة بإسمها وسارية لحد مايو 2013 وكنت سابقا نقلت ملكية العربية فى الشهر العقارى ودفعت 1000 جنيه ......... معنى كده إن أنا لما أجدد الرخصة بعد ما تنتهى فى 2013 هادفع 5000 !!!!!!!!!!!!!!!!!!!!!!!!!!!!!!!!!!!!
                لا عشان انا معايا عربية جيب
                دى كانت الضريبة بتاعته غير نقل الملكية

                Comment


                • #9
                  المشاركة الأصلية كتبت بواسطة ميرو اسامه مشاهدة المشاركة
                  مقولتليش ... اثناء المعمعه انت كنت مع الفلول واللا مع الثورة ؟؟؟ اصل واضح انهم عاملوك على انك مع الثورة !!
                  هههههههههههههههه والله انا كنت واقف بضحك الصراحة
                  الناس بتتعامل بطريقة غريبة
                  من البداية اية الى جاب الثورة للصف الى احنا وقفين فى
                  تانى حاجة الراجل الى شتم فى الاول ميصحش يشتم عشان مش من حقو يحكم على الثورة
                  والراجل التانى انا كنت حاسيس انو بيمثل وابنو ولاة شهيد ولاة حاجة

                  Comment


                  • #10
                    المشاركة الأصلية كتبت بواسطة tutankhamoun مشاهدة المشاركة
                    المصالح الحكومية في مصر للآسف هي قصة من المرار و تضييع الوقت و حرقة الدم ............. على الفاضي.

                    يا سلام ........ أنا فاكر لما كنت بأشتري عربيات و أبيع .......... بورقة ترسلها للمرور و في خلال أسبوع .......... العربية تصبح ملكك
                    و من غير ما تروح أي مكان و تضيع وقت و توظف ناس ملهاش لازمة .


                    هنا دوخيني يا ليمونة ........... و تحيا مصر يا رجالة .
                    فين الكلام دة الى بورقة للمرور يتم نقل الملكية ونا اروح انقل هناك

                    Comment


                    • #11
                      المشاركة الأصلية كتبت بواسطة mohammedaladel مشاهدة المشاركة
                      قصة كفاح
                      والله ياباشا انا لما خد الرخصة كنت عايز اعيط ههههههههههههههههههههههه
                      انا راشش والله فلوس لا تقل عن 250 جينة فى المرور
                      عشان طبعا ماكنش ينفع ارخص بالاكصدام الحديد الى انا مركبو كمان الفامية والنواكل
                      بس كلو هناك تفتح مخك كلو بيمشى

                      Comment


                      • #12
                        لا طبعا اللى بيتدفع بيبقى حسب نوع العربية وموديلها وكدا

                        لصاحب الموضوع: الله يعينك دا ايه دا..... انا لو مكانك كنت همشى بيها منتهية

                        Comment


                        • #13
                          المشاركة الأصلية كتبت بواسطة ahmed.fahmy مشاهدة المشاركة
                          لا طبعا اللى بيتدفع بيبقى حسب نوع العربية وموديلها وكدا

                          لصاحب الموضوع: الله يعينك دا ايه دا..... انا لو مكانك كنت همشى بيها منتهية
                          المشكلة ان المهلة شهر واحد ولو اتاخرت كونت هدفع ضريبة وتلت

                          Comment


                          • #14
                            المشاركة الأصلية كتبت بواسطة hussein_ramdan مشاهدة المشاركة
                            فين الكلام دة الى بورقة للمرور يتم نقل الملكية ونا اروح انقل هناك
                            ده فى اى دوله فى العالم غبر مصر
                            كولو بالحنيه بيفك مع تجيات جمعيه حنينها قبل متحلبها

                            Comment


                            • #15
                              زحام اداراة المرور بيبقى مفتعل من الموظفين اللى هناك بعطلك ويشتغل براحته وروح وتعالى لان كل مايكون زحام تبقى عايز تدفع وتخلص وكله مصالح يعن ى مثلا لو عربيتى مفهاش نقل ملكية ولا فحص ولا حاجة ليه متخلص من النت ادفع الضريبة ولو عليها مخلفات ادفعها والرخصة توصلى انما مافيا المرور عطلوا المشروع لانه كان هيقضى على السبوبة وكلة كوم ومرور فيصل المقرف كوم تانى مفيش كرسى تقعد علية ولا دورة مياه ولا مكان تشرب منه كانك رايح تتادب هناك

                              Comment

                              Working...
                              X