ساعدوني ارجوكم هههههههه مش عارف اخد قرار

[mohammed emam]

انا بقيت في حيره شديده بجد معلش استحملوني موضوع اول عربيه داه بيبقي صعب اوي هههههههههههههههه
المهم انا محتار جدا بين العربيات دول و المبلغ الحمد لله وصل 50 الف وده الاخر
1- دايو لانوس 2006 او 2007
2- كيا بيكانتو
3- لانسر كريستاله 98 او 99
4- جين 2 2006 وديه قليله جدا
5- هيونداي فيرنا 2004 او 2005 فول اوبشن
ياريت تساعدوني ضروري

[akmm]

فيرنا . وموفق فى الشراء

[mohammed emam]

فيرنا . وموفق فى الشراء

شكرا جدا يا فندم لرد حضرتك بس لو ممكن تديني تقرير بسيط عن الفيرنا لاني سمعت انها خفيفه و بتعوم جامد و مش ثابته علي الطريق

[احمد المصرى]

ممكن دايو 2007


انصحك بعربيه حديثه تكون 2006 وانت طالع بلاش موديل 2000 مثلا هتكون اتبهدلت من الشغل وفى المبلغ ال انت بتتكلم فيه دا اعتقد ان دايو لانوس هتكون انسب اختيار بس هيا مانيوال مش اتوماتيك ولازم طبعا تكشف على العربيه كويس جداااااااااااااا علشان متتخمش وربنا معاك ان شاء الله

[sanhory]

http://www.nilemotors.net/Nile/306747-2-2007-a.html

http://www.nilemotors.net/Nile/306710-2004.html

[mohammed emam]

ممكن دايو 2007


انصحك بعربيه حديثه تكون 2006 وانت طالع بلاش موديل 2000 مثلا هتكون اتبهدلت من الشغل وفى المبلغ ال انت بتتكلم فيه دا اعتقد ان دايو لانوس هتكون انسب اختيار بس هيا مانيوال مش اتوماتيك ولازم طبعا تكشف على العربيه كويس جداااااااااااااا علشان متتخمش وربنا معاك ان شاء الله

استاذ احمد شكرا جدا لردك و حضرتك كده لخصتلي كتير بصراحه يعني المقارنه ناو تقريبا بين لانوس و فيرنا انا محتاج عربيه ميكس يعني اسوقها انا كشاب و برده الوالد و الوالده هيركبوا معايا ساعات فمحتاج عربيه تحل معادلة عربيه شبابي و عربيه عائليه ولو ممكن تقولي خبرتك في اللانوس من خلال تيست درايف لاني سوقت قبل كده لانوس 1999 و بصراحه هي كانت اعتماديه جدا بس فراملها كانت بتخلي العربيه تزحف شويه مش عارف ده عيب فرامل ولا عيب عربيه و شكرا :)

[mohammed emam]

http://www.nilemotors.net/nile/306747-2-2007-a.html


http://www.nilemotors.net/nile/306710-2004.html

شكرا لمساعدتك استاذ سنهوري لكن انا هشوف الاول لانوس او فيرنا بعد كده هبص للجين :)

[benmatar]

كريستالة ( بشرط الحالة الجيدة) أحسن من أي كوري زيرو
ولو كورولا 95-96 مثلا يكون زي الفل وبرضه بشرط الحالة

[S O P H O S]

لانوس ..

[HAITHAM1985]

لانسر كريستاله 98 او 99 ......... ومش هاقول مميزاتها وأعيد وأزيد .......... فلتة من فلتات الزمن ....... مش معنى كده إنها أستون مارتن ..... لأ

متانة - شبابية - بتقبل التظبيط وبيبان فيها - قطع غيارها عند البقالين - إعادة بيعها متيسرة - سعرها مبيقلش بنت الذين أمنوا - تكييف قوى جدا - عفشة حديد .... ووووووووووووووو

مع إنى من المتعصبين للألمانى بس فكر فى الموضوع وإسأل الناس فى قسم الميتسوبيشى

موفــــــــــــــــــــــق

[semi]

ارشحلك الخيار 2 او 3 وسيبك خالص من الباقي
معايا الكريستاله ومريحاني والحمد لله اعطال الميكانيكا قليلة
قطع غيار متوفرة جديد او مستعمل
بس المشكلة انها موديل 98 يعني برضه اسمها عربية قديمة
بس يكفي انك راكب عربية ياباني واللي معروف بان اعطاله قليلة
لكن ذلك لا ينفي ان بعض الاجزاء بيبقى لها عمر افتراضي وبضطر تغيرها
اما الفيرنا معروفة طبعا بمميزاتها قطع غيار متوفرة ورخيصة وعربية جراية
واسمها في النهاية موديل جديد ومش قديم
والمبلغ 50 الف يجيبلك فيرنا محترمة بحالة ممتازة
بس لو هتقارن بينها وبين الكريستاله فهي ياباني والصالون اوسع ولكن موديل قديم
الفيرنا موديل حديث وموتور عفي وقطع غيار متوفرة
والحيرة اللي انت فيها دي طبيعية جدا وانا حسمتها قبلك بسبب اني شوفت العربية عجبتني
لان بيبقى في كيميا كده بينك وبين العربية :)

[fineart607]

جين تو او بيكانتو

[احمد المصرى]

استاذ احمد شكرا جدا لردك و حضرتك كده لخصتلي كتير بصراحه يعني المقارنه ناو تقريبا بين لانوس و فيرنا انا محتاج عربيه ميكس يعني اسوقها انا كشاب و برده الوالد و الوالده هيركبوا معايا ساعات فمحتاج عربيه تحل معادلة عربيه شبابي و عربيه عائليه ولو ممكن تقولي خبرتك في اللانوس من خلال تيست درايف لاني سوقت قبل كده لانوس 1999 و بصراحه هي كانت اعتماديه جدا بس فراملها كانت بتخلي العربيه تزحف شويه مش عارف ده عيب فرامل ولا عيب عربيه و شكرا :)

من واقع خبرتى فى الانوس كمالك ليها عربيه فوق الممتازه بس اهم حاجه الصيانه فى المواعيد وبس وهتكون معاك ذى الفل ان شاء الله


بالنسبه للفرامل فى اسباب كتير ممكن التيل وحش والتيل الاصلى ب 140 جنيه بس محترم التيل ال غالبا كان راكب وانت بتسوقها كان ب 45 جنيه انا ركبت دا وركبت الاصلى وطبعا فرق كبير لصالح الاصلى وممكن يكون العيب فى الكاوتش


الخلاصه فرمل الانوس مش وحشه لو انت بتسوق سواقه طبيعيه وهاديه لو سواقه رياضيه فى تعديل فرامل للانوس وبتكون ممتازه واعتقد انك مش هتحتاج التعديل

[mohammed emam]

كريستالة ( بشرط الحالة الجيدة) أحسن من أي كوري زيرو
ولو كورولا 95-96 مثلا يكون زي الفل وبرضه بشرط الحالة

شكرا جدا يا باشا لرد حضرتك و انا كده بدخول الكورولا احترت اكثر ههههههههههه

[mohammed emam]

لانسر كريستاله 98 او 99 ......... ومش هاقول مميزاتها وأعيد وأزيد .......... فلتة من فلتات الزمن ....... مش معنى كده إنها أستون مارتن ..... لأ

متانة - شبابية - بتقبل التظبيط وبيبان فيها - قطع غيارها عند البقالين - إعادة بيعها متيسرة - سعرها مبيقلش بنت الذين أمنوا - تكييف قوى جدا - عفشة حديد .... ووووووووووووووو

مع إنى من المتعصبين للألمانى بس فكر فى الموضوع وإسأل الناس فى قسم الميتسوبيشى

موفــــــــــــــــــــــق

استاذ هيثم انت جيت علي الجرح ههههههههههه انا فعلا بموت في الكريستاله و هتجنن عليها لكن قولت افكر بعقلي شويه بلاش قلبي بس المشكله يا استاذ هيثم ان الكريستاله 95% من ملاكها شباب و طبعا عادمينها العافيه يعني لو جبتها محتاجه تتشد بكام كده تقريبا ؟