إعـــــــلان

Collapse

.

,
See more
See less

نصيحة من مجرب لو خبطت حد بعربيتك إجري حتى لو إنت إللي غلطان!!!

Collapse
X
 
  • Filter
  • الوقت
  • Show
Clear All
new posts

  • نصيحة من مجرب لو خبطت حد بعربيتك إجري حتى لو إنت إللي غلطان!!!

    للإسف كنت بحاول أنسى الموضوع ده لكن أخ متركساوي طرحه إضغط هنا ولقيت إن الطبقة الفقيرة في مصر مجتمع واحد في النصب وإنعدام الضمير وقلت أنبهكوا
    ححكيلكو قصتي باختصار على قد ماأقدر:
    في شهر فبراير 2008 كنت رايح أنا وصحابي الرحاب نقعد على القهوة ونشوف مبارة مصر والسودان وأنا رايح طريق السويس عند دار الإشارة بالتحديد خبطت إتنين ستات واحدة منهم كانت شايله إبنها وكان على سرعة لاتتجاوز ال 30 أو 40 وطبعا طاروا المهم واحدة قامت سليمة والعيل قام سليم وواحدة هي إللي إتشحورت بس كانت فايقة
    طبعا أنا وقفت ونزلت من العربية فورا والناس إتلموا وكان الحمد لله معظمهم محترمين كان كل ماواحد بيئة يرفع صوته كان هما إللي بيردوا المهم قلتلهم ماحدش يحرك البنت لحد ما أجليبها الإسعاف (عشان لو في كسور) وهما زي الأغبية شالوها وحطوها في عربيتي رحت واخدها على أقرب مستشفى كانت مصر للطيران عملوا أشعات مبدئية لقوها سليمة وكده بس قالوا لازم تتحط تحت المراقبة ونصحني موظف الإستقبال إني أخدها مستشفى رخيصة رحت واخدها على مسشتفى تاني قريب وهناك كلمت أهلي قلتلهم هاتوا 2000 جنيه وتعالوا وأمين الشرطة خد رخصي وقعدت معاه في الحجز ومكانش راضي إني أقف بره لحد أما ظبتوا قرشين وفي المستشفى عملنا أشعات للبنت *** وإبنها وكله سليم بس قال عندها شبه إرتجاج في المخ (وده شيء طبيعي جدا) وجت الساعة 2 بليل وقعدنا مع أهل البنت *** للإتفاق راح أخوها قال أنا أضمن منين إنها بعد أما نتنازل راح أبويا قاللوا حعملك وصل أمانة ب 10000 طبعا الراجل طمع قالك لأ أنا عايز وصل على بياض وحقطعه اما البنت تخف قولناله لأ طبعا وقعدنا نتناقش لحد أما المحضر إتبعت للقسم وقمت بالبيات في حجز المستشفى إستعدادا للترحيل للقسم ومن ثم للنيابة
    وجينا تاني يوم الساعة 1 عشان المحضر يتكتب فيه الأقوال قعدوا ساعة مع البنت وبعدين طلعوا بالآتي (ولأن أمين الشرطي ينتمي لنفس الطبقة إتفق معاهم) :
    إن أنا كنت ماشي بسرعة وطافي النور وبتسابق مع عربية تانية وكنت عايز أهرب وغيره قوتلهم حرام ده إفترى قالولنا خلاص إدفعوا 10000 عشان التنازل (طبعا قبلها كانوا عايزين وصل على بياض لكن أما تاني يوم طلعت سليمة قالوا أهو يللا نطلع بال 10000) قلتلهم طبعا لأ وبعد المحايلات وصلنا إنه يتقيد المحضر ضد مجهول (عشان بعد كده يغيروا أقوالهم طبعا لعبة حقيرة من أمين الشرطة معاهم) وأسيبلهم ورقة في إديهم إن أنا إللي خابطها ومتكفل بعلاجها وواقفنا
    وبعدين رحت القسم بعربيتي وسجلنا المحضر والمأمور قال يتحول للنيابة ورحنا بلييل القسم خدنا المحضر وطلع معايا 2 عساكر للمجمع محاكم مصر الجديدة والحمد لله إن وكيل النيابة كان محترم وإبن ناس
    و قاللي إحكي إللي حصل قلتلوا زي ما مكتوب في المحضر أنا لقيتها مخبوطة جاهزة وأنا وصلتها المستشفى وهي برضه قالت نفس الكلام في المحضر راح رد وكيل النيابة وقاللي المحضر ده متزبط إنته خبطها وإتصالحتوا قوللي وأنا روحك وطبعا أنا صممت على أقوالي لحد أما لقى مفيش فايدة مني راح قالي خلاص حجزك تحري قلتولوا ليه ياباشا قاللي منتا مش عايز تقوللي الحقيقة فقلتلوا أيوا أنا إللي خبطها وإتصالحنا قاللي أنا المهم عندي إنك عالجتها ومهربتش وقاللي حبعت معاك أمين شرطة عشان يتأكد إنها سليمة قلوتلوا إجيبها منين هما خلاص مشيوا من المستشفى ووريته الوصولات إللي دافعها للمستشى وفعلا كان عند وعده وقاللي روح وكان وكيل النيابة فعلا راجل في قمة الذوق وبيعرف يقدر الناس المحترمة
    وطبعا أنا غلطت إني رضيت بأنصاف الحلول ولسه من إسبوعين أهل البت المخبوطة حنقدم الورقة إللي عندنا وبتاع رحت راميلهم 200 جنيه أسكتهم بيها مؤقتا لكن لو فتحوا بؤهم تاني حجيب محامي وأواجه الموقف وربنا ينتقم منهم ناس فعلا ***
    ولحد دلوئتي وأن بكلمكوا لسه الموضوع منتهاش وممكن في أي وقت آلاقي نفسي مطلوب وطبعا حطلع برائة لكت الفكرة في البهدلة

    بس ودي قصتي والموضوع أصعب بكتيير من إللي متخيلينوا خصوصا وأنا قاعد في حجز المستشفى ومستني ترحيلي في أي بحظة *** حاجة أما إتذليت لواحدة زبالة وناس واطية وإتحايلت عليهم عشان يغيروا أقوالهم الزور إللي في المحضر
    ونصيحتي لو لا قدر الله حصلك إنك خبطت حد كالآتي ( تقريبا نفس كلام أخ متركساوي):


    - سواء غلطان ولا لأ لو في فرصة للهرب لاتتردد
    - في حال هربت سمكر العربية وإتأكد من الردياتير عشان حيكون إتخرم

    - لو وقفت وحد من الناس فتح بؤه معاك إديله بالجزمة

    - عامل المخبوط معاملة جافية وإتنك عليهم جدا ووريهم إنك مش خايف إطلاقا
    - أول ماتروح حجز المستشقى إدي لأمين الشرطة 100 جنيه (على الأقل)
    ووإوعد بقدهم عند إنتهاء المحضر على خير
    - فورا تبعت تجيب محامي وتشوف كل وسايطك

    -تاني التناكة ثم التناكة ثم التناكة أهم حاجة في الموضوع كله وإوعى تبين إنك خايف

    - حاول قدر الإمكان إنك تخلص الموضوع في المستشفى قبل مايوصل القسم

    - إوعك تتفق مع أمين شرطة وأما النبتشية تتغير تتفق مع غيره لإن
    هما بيكرهوا بعض ولو إتفقت مع الإتنين حتخسرهم هما الإتينين

    وفي النهاية لايسعني إلا أن أوحش إحساس في الدنيا أما تلاقي نفسك على وشك دخول الحجز والسجن والذي منه وكانت تجربة قاسية بالنسبة لي

    وربنا يبعد عنكم كل شر



    __________________
    تم حذف التجاوزات بواسطة
    مشرف القســــــم العــــــــــام

    الأراء و النصائح أعلاه تعبر عن وجه نظر صاحبها فقط

    و شكرا ...

  • #2
    تم الحذف للمخالفة
    مشرف القســــــــــــــــم العــــــــــــــــــام
    [shr71=http://pic.phyrefile.com/2007/10/20/jtte2o.gif]TG[/shr71]

    Comment


    • #3
      للآسف يا أخي شاهين بنز معاك حق في كل اللي قلته )

      هي دي بقيت أحوال البلاد و العباد من أنعدام الأخلاق و الضمير الحي

      و للآسف هي دي أحوال الدرك المصري
      و أنا مش باطيق أمناء الشرطة دول .............. حسبي الله و نعم الوكيل فيهم

      و فعلا ............... الناس دي*****
      مش علشان كلمة فقير و غني
      لاءة .......... علشان مفيش أخلاق نهائيا

      و لا عزاء للمحترمين ............. و لا عزاء للماضي الجميل



      ____________________
      تم التعديل بواسطة
      مشرف القـــســــــــــــم العــــــــــــــام
      [img2]http://i59.tinypic.com/2vxpukz.jpg[/img2]

      Comment


      • #4
        تم الحذف للمخالفة
        مشرف القســــــــــــــــم العــــــــــــــــــام
        [img2]http://i59.tinypic.com/2vxpukz.jpg[/img2]

        Comment


        • #5
          يا أخي الواحد بيتضايق من الناس من النوع ده..

          بس سوء الأخلاق ملوش دعوة خالص بالفقر.. يعني بلاش التعميم إن كل الفقراء ماعندهمش ضمير
          [SIZE="4"][COLOR="Blue"]Goodle[/COLOR][/SIZE]

          [SIZE="4"][COLOR="Blue"]محمد عبد الجواد[/COLOR][/SIZE]

          [COLOR="SeaGreen"][SIZE="5"]موضوع الساعة: الفن المسماري- حقائق تاريخية - متجدد[/SIZE]
          [url]http://www.nilemotors.com/Nile/showthread.php?t=29892[/url][/COLOR]


          [CENTER][SIZE="4"]مصر يامّة يا سفينة :)
          شكلك كده.. هاتغرقينا :)[/SIZE][/CENTER]

          Comment


          • #6
            طبعا كلام مش مضبوط انا عايز حضرتك تحط اختك او بنتك مكان الست اللى اتكسرت دى
            وبعدين كل كلامك عن انهم ناس واطية وزبالة ... ليه الكبر ده
            انا مش بدافع عنهم ... بس برضه انت ماحطتش فى زهنك ان انت الغلطان ليه

            Comment


            • #7
              قدر الله و ما شاء فعل
              بس اللي يغلط يبقي قد غلطه مش يهرب
              لو هربت منهم حتهرب من ربنا فين؟؟؟
              و بعدين خبطه ايه دي اللي علي 30 ولا 40 اللي حتطير تلاته من العربيه
              لو ماشي كده فعلا اكيد كنت حتلحق تفرمل.
              معلش اعذرني انت غلطان غلطان غلطان
              ولازم تستحمل نتيجه غلطك
              و بعدين انت لو كنت سيبت كل حاجه تمشي طبيعي مكنش حد حيعرف يبتزك بالمنظر دا

              Comment


              • #8
                أهم ما فى الموضوع
                ان تكون واثق فى نفسك وما تخافش وخش شمال فى اى حد يحاول يغلطك واوعى تبدى اى تنازلات ماديه لأهل المخبوط
                عالج وبس
                أخوكم فى الله محمد مبروك

                Comment


                • #9
                  اتق الله يا استاذ شاهين بنز
                  خبطت الناس وبهدلتهم .... البهدله مش ضروري تبقي جروح وكسور يكفي انك روعتهم ... يعني اخافتهم ....
                  وحاول تستغفر ربنا علي الشتائم اللي مليت بيها رسالتك انت وكل اللي استخدم نفس الالفاظ في تعلقيه عليك
                  يا جماعة تعاونوا علي البر والتقوي ولا تعانوا علي الاثم والعدوان , كان اولي بدل ما نشجعه علي الغلط في الناس نحاول ننصحه ... هي ده حقوق الاصحاب
                  ولي سؤال هل كل الفقراء كما وصفتهم في كلامك ؟ ايه العلاقه بين الفقر وسوء الخلق؟
                  ويا تري حد ليه دخل انه يبقي فقير او غني؟ وانت كان موقفك ها يبقي كده لو كنت انت من هذه الطبقه التي وصفتها بما وصفت ؟ كن صادق مع نفسك وجاوب .... بس بينك وبين نفسك لو سمحت ..... وكفاية عليك كده احسن ينوبنى انا كمان سيل من ..... كفايه
                  السلام عليكم

                  Comment


                  • #10
                    من غير زعل
                    أنت اللي غلطان
                    بقي يا راجل تخبط ثلاث بني أدميين و تطيرهم
                    أنت مش ممكن تكون علي 30-40
                    وبعديين تقول عليهم زباله
                    يا أخي بجد حرام عليك - ده في حديث عن رسول الله عن اللي بيروع أخوه المسلم مش اللي بيخبطهم و عاوز يجري

                    متزعلش مني بس لو حد كان خبط أختك أو والدتك كنت تحب أنه يجري و لا يأخدهم المستشفي.
                    وعلي فكره أنت لو كنت عملت المحضر سليم كان الموضوع أنتهي بغرامه بالكثير علشان مفيش أصابات
                    [SIZE=5][B][COLOR=SeaGreen][/COLOR][/B][/SIZE]
                    مهندس أحمد سمير

                    Comment


                    • #11
                      السلام عليكم و رحمة الله و بركاته

                      يا جماعة الخير
                      أنا شايف هجوم جامد على الراجل
                      هو صحيح غلط لما جمع كل الفقراء و قال عليهم اللي قاله
                      بس للآسف أغلب كلامه صح
                      و الموضوع ملوش دعوة بغني و فقير ........... الموضوع مرتبط بالأخلاق و الضمير

                      أنتوا عايزينه يقول أيه
                      أمين شرطة .......... كدب في المحضر و ظلم الراجل
                      أهل البنات عايزين يبتزوه

                      و عايزينه ييجي هنا يكتب شعر فيهم

                      يا جماعة الخير و الإيمان

                      الأخلاق بتنعدم و الضمير بيقل ............. و مش دي أول حالة
                      في حالات كتيرة زيها على المنتدى
                      ظلم واضح وبين من الطرفين
                      حامي حمى البلاد
                      و الضحية
                      [img2]http://i59.tinypic.com/2vxpukz.jpg[/img2]

                      Comment


                      • #12
                        موضوع سيئ
                        اسلوب سيئ
                        الفاظ سيئة
                        يعني اللي يخبط الناس ويبهدلهم ... المفروض انه يهرب .... هو ده المنطق والحق والعدل ....لا حول ولا قوة الا بالله
                        برجاء من الادارة التكرم باغلاق الموضوع
                        [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
                        [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
                        [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

                        Comment


                        • #13
                          واحد بيقول الفقرا معندهومش ضمير ونصابين وزبالة والتاني يرد يقول نص الشعب بهايم ونصه حمير والكينج توت بيقول ان الباقي بقر
                          طب مفيش حد فيكو خايف ان ييجي 80 مليون يوم القيامة يقتصوا منه

                          - يا رسول الله أخبرني بعمل يدخلني الجنة ويباعدني من النار ، قال لقد سألت عن عظيم ، وإنه ليسير على من يسره الله عليه ، تعبد الله ولا تشرك به شيئا ، وتقيم الصلاة ، وتؤتي الزكاة ، وتصوم رمضان ، وتحج البيت ثم قال ألا أدلك على أبواب الخير قلت بلى يا رسول الله ، قال الصوم جنة ، والصدقة تطفيء الخطيئة كما يطفيء الماء النار ، وصلاة الرجل في جوف الليل ثم قال ألا أخبرك برأس الأمر وعموده وذروة سنامه ، رأس الأمر الإسلام ، وعموده الصلاة ، وذروة سنامه الجهاد في سبيل الله ثم قال ألا أخبرك بملاك ذلك كله قلت بلىيا رسول الله ، قال كف عليك هذا وأشار إلى لسانه ، قلت يا نبي الله وإنا لمؤاخذون بما نتكلم به ؟ فقال ثكلتك أمك يا معاذ ، وهل يكب الناس في النار على وجوههم إلا حصائد ألسنتهم
                          الراوي: معاذ بن جبل - خلاصة الدرجة: صحيح
                          [COLOR="DarkRed"]ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس[/COLOR]

                          Comment


                          • #14
                            احد بيقول الفقرا معندهومش ضمير ونصابين وزبالة والتاني يرد يقول نص الشعب بهايم ونصه حمير والكينج توت بيقول ان الباقي بقر
                            طب مفيش حد فيكو خايف ان ييجي 80 مليون يوم القيامة يقتصوا منه
                            [shr71=http://pic.phyrefile.com/2007/10/20/jtte2o.gif]TG[/shr71]

                            Comment


                            • #15
                              توضيح أنا مقلتش إني أما خبطهم إني أنا كنت غلطان أنا بتلكلم عموما لو الموقف حصلك حتى وكنت غلطان

                              ياجماعة أنا خدت البنت وودتها مسشتفى وحجزتلها درجة أولى هي وإبنها وعملتلهم كل الإشاعات وفي الآخر بدل مايقدموا لي كلمة شكر لأ ذلوني وقعدو يبتزوا فيا
                              وبعد كل ده كانوا عايزين يكتبوا زور في المحضر إن أنا حاولت أهرب وكنت طافي النور وبشد مع عربية تانية وطبعا الكلام ده كله محصلش
                              وإتحجزت في المستشفى ورحت أقسام ونيابة ولسه مبتزني قريب (بعد مرور 4 شهور على الحادثة) من إسبوعين كده بالورقة إللي معاهم ورحت بيتهم وسمعت بؤيين مش لطاف وإديتهم 200 جنيه
                              هل ده جزاء إحساني إني مهربتش وطلعت راجل معاهم
                              أنا بقول كده عشان تعذروني إن أنا بغلط فيهم لإن محدش جرب إحساس دخول الحجز ولا وأنا قاعد على أعصابي قبل دخول النيابة ومعرفش حروح البيت ولا حروح مع العساكر

                              متزعلش مني بس لو حد كان خبط أختك أو والدتك كنت تحب أنه يجري و لا يأخدهم المستشفي
                              لو لاقدر الله حصل كده مايهمنيش إن إللي خبطها بالتحديد هو إللي يوصلها يهمني فقط أي حد يوصلهم وبأقصى سرعة وأنا أعالجهم ومش حبص لأي حاجة غير صحتهم

                              لكن البنت إللي خبطها سابوها في الأوضه فوق ولا معبرينها وقاعدين معانا يشوفوا حيقدروا يطلعوا مننا كام

                              و بعدين خبطه ايه دي اللي علي 30 ولا 40 اللي حتطير تلاته من العربيه
                              هما مطاروش مسافة كبيرة وللأسف أنا فوجئت بيهم أمامي وملحقتش أعمل حاجة


                              أهم ما فى الموضوع ان تكون واثق فى نفسك وما تخافش وخش شمال فى اى حد يحاول يغلطك واوعى تبدى اى تنازلات ماديه لأهل المخبوط
                              عالج وبس
                              مضبوط 100%


                              يا جماعة الخير
                              أنا شايف هجوم جامد على الراجل
                              هو صحيح غلط لما جمع كل الفقراء و قال عليهم اللي قاله
                              بس للآسف أغلب كلامه صح
                              و الموضوع ملوش دعوة بغني و فقير ........... الموضوع مرتبط بالأخلاق و الضمير

                              أنتوا عايزينه يقول أيه
                              أمين شرطة .......... كدب في المحضر و ظلم الراجل
                              أهل البنات عايزين يبتزوه

                              و عايزينه ييجي هنا يكتب شعر فيهم

                              يا جماعة الخير و الإيمان

                              الأخلاق بتنعدم و الضمير بيقل ............. و مش دي أول حالة
                              في حالات كتيرة زيها على المنتدى
                              ظلم واضح وبين من الطرفين
                              حامي حمى البلاد
                              تلسم إيدك يا أستاذ tutankhamoun ده إللي كنت عايز أوضحه وشكرا جدا


                              موضوع سيئ
                              اسلوب سيئ
                              الفاظ سيئة
                              يعني اللي يخبط الناس ويبهدلهم ... المفروض انه يهرب .... هو ده المنطق والحق والعدل ....لا حول ولا قوة الا بالله
                              برجاء من الادارة التكرم باغلاق الموضوع
                              يا aif للأسف هي دي مصر لازم تختار يا إما تبقى ظالم أو مظلوم ومفيش حل وسط ياإما تجري ولا كأن حصل حاجة أو تعالج وتتسجن وتروح النيابة وتتذل وتشوف أيام سوداء
                              وإنت بتقول كده عشان ماجربتش الموقف لو كنت مريت بالتجربة القاسية إللي أنا مريت بيها مكنتش حتقول كده
                              والإدارة هي إللي تقرر تقفل الموضوع ولا لأ ومش مستنية إملاء أوامر من الأعضاء إقفلوا الموضوع ده وإفتحوا التاني

                              Comment

                              Working...
                              X