فكرة و اقتراح: الغاء الجمارك علي العربيات الكهرباء !

[MIVEC.A92]

علي فكرة العربية الكهرباء بدون جمارك مش هتقل عن 100 الف جنية :)) يعين تويوتا بيريوس منغير جمارك هتبقي في حدود 150 الف جنية و رينو فلوانس هتبقي في حدود 170 الف جنية. الموضوع مش هيعمل زحمة عربيات و هيخلي الناس تجري تشتري عربيات, هو العربية هيبقي ليها ناسها و ممكن ناس تفضل لنا تجيب حاجة بالسعر ده تكون ك Performance اكتر و مش فارقة معاها توفير . بس العربية لما تنتشر و يكون سعرها في متناول فئة ال (100-200 الف ) و الناس تجربها و تبتدي تتعرف علي التكنولوجيا الجديدة, هتبيع جامد و هيبقي ليها سوق, و اللي هيجيب الفئة بتاعت الفلوانس اللي ب 155 الف هيزود شوية و يجيب الكهرباء و هكذا...

[sha2e]

بتوع الباركينج هيهيصو
كل واحد هيشدله سلكين من العمود ويشحنو العربيات الى راكنه وبدل ما كان بياخد الفلوس هياخدها بحق مكتسب
وهتبقى مقولتهم الابديه قبل ما تنزل من عربيتك : تمام كده ياباشا مورها بقى ومترفعش الهاند وهيضيف الجديد "سيب مدخل الشحن مفتوح وهتيجي هتلاقيها مشحونه"
المخزي ان ناس كتير هتقبل على نفسها انها تشحن بطاريات عربياتها بكهربه مسروقه

[Y a r i s]

بتوع الباركينج هيهيصو
كل واحد هيشدله سلكين من العمود ويشحنو العربيات الى راكنه وبدل ما كان بياخد الفلوس هياخدها بحق مكتسب
وهتبقى مقولتهم الابديه قبل ما تنزل من عربيتك : تمام كده ياباشا مورها بقى ومترفعش الهاند وهيضيف الجديد "سيب مدخل الشحن مفتوح وهتيجي هتلاقيها مشحونه"
المخزي ان ناس كتير هتقبل على نفسها انها تشحن بطاريات عربياتها بكهربه مسروقه

١١١١١١١١+
هههههههههههههههههههه
وضيف على ذلك صاحب العربية هيسئلوا شحنتها كويس !
التاني : متقلقش ياباشا فول وحياتك هههههههههه

[semi]

هو في صناعه وطنية ياباشا ؟؟؟
انا لسه حالاً كنت قاعدد بفكر في الموضوع ده هو فيين الصناعه الوطنيه داحنا بقينا زي الي طلعت ورقصت على السلالم لاطالت سما ولا طالت ارض ... ر انا بس عاوز اسئل دول قوية زي اسرائيل ليه مبتصنعش عربيات !!!! عمرك سمعت عن عربية صناعه اسرائيلية. عارف ليه. لانهم مبيشتغلوش فيالي مبيهموش فيه. لكن في المقابل. عندهم مصانع اسلحة مصانع دبابات مصانع طيارات مصانع غزت العالم حتى لو كان في سائل غسيل كل بيت فيكي يا مصر بيستخدموا وبيقول ياسلام. نظافه وبياض وريحه تمام هههههههه فشوفوا قد ايه المنتجات الاسرائيلية ناجحة على مستوى العالم لانها متخصصه بعكس احنا مره نصنع بسكوت ومره كيس شيبس ويصرخوا باعلى صوتهم المصررررين اختاروا طعم الجمبري يا رجالة ومش شاطرين في اي صناعه فانا راايي الشخصي انهم يرفعوا الجمارك. ويخلوا الناس تركب بقه وتعيش علشان نقدر نهتم بالحاجة الي احنا فالحين فيها وهيا الزراعه .... بدل الوهم الي عشنا فيه بقالنا خمسين سنة ان مصر هتصنع عربية زي العالم والناس وكفاية علينا اننا نقفلها وياريتنا بنعرف نقفل صح الصح .... عيشونا في وهم اسمو الجمارك لحماية الصناعه المحلية وحطولنا جمارك اثقلت على جيب كل مواطن مصري وكل المصريين زي الشطااااار دفعو جمارك وفي النهاية فلوس الجمارك واثار. مصر في بنوك سويسرا مش عارفين يجبوها ولا عارفين حتى يجمدوا ارصدتهم ويرجعولنا فلوسنا فخلاص بقه كفاية كده سرقه عيني عينك .... قال جمارك قال ههههههه.

ده انا بعتبروا نوع من انواع البلطجة الحكومية. جايب عربية من بره تيجي الحكومة تقولك تعاله هنا رايح فين. هات اتاووووووة ( جمارك ) و ( ضرايب ) فدي بلطجة عيني عينك وكلتا شفنا الفلوس بتاعت الجمارك. بتاعت تلاتين سنة. راحت فين ومتشاله في الحفظ والصون فين. ؟ اكيد مش في البنك الاهلي. لكن في بنوك سويسرا ....

ولسه بندفع جمارك انا وانتا زي البشوات. ..... وتحياتي

انا مش بتكلم على الماضي كلنا عارفين حجم الفساد اللي كان موجود وعارفين ان الجمارك
مجرد ضريبة اضافية على كاهل المواطن المصري الغلبان
انا بتكلم على المستقبل يعني مش ينفع يوم ما نقول في امل عشان نشتغل ونبدأ نصنع اي حاجه
نقوم نلغي الجمارك :)
و لاحظ اني بقول اي حاجه مش شرط عربية لان ده صعب طبعا ومش ضروري اصلا

[shaddadfalcon1]

انتو ليه ناسيين شركات البترول؟ معني نجاح العربيات الكهرباء ان الشركات دي هتخسر كتيير وعشان كده بتحارب الموضوع ده بغباء ولو تلاحظو موضوع العربيات الكهرباء بقاله كتييير قوي قيد التطوير ولسه مفيش حاجات كتيير طلعت

[MIVEC.A92]

انتو ليه ناسيين شركات البترول؟ معني نجاح العربيات الكهرباء ان الشركات دي هتخسر كتيير وعشان كده بتحارب الموضوع ده بغباء ولو تلاحظو موضوع العربيات الكهرباء بقاله كتييير قوي قيد التطوير ولسه مفيش حاجات كتيير طلعت

ازي قيد التطوير و التويوتا بيريوس مححقه اعلي مبيعات في امريكا ؟