رادارات اسكندرية الصحراوي

[M.FOUAD]

هي الرادارات شغالة و لا لا
اصل شايف الميكروباصات كلها طايرة محدش نزل عن 120 خالص قدامي
و مفيش ولا كمين قابلني
و السرعة على اية كام دلوقتي مفيش ولا يافطة محددة السرعة

[beshomilan]

لا انا قابلنى كمين وانا راجع من 5 ايام كان الطريق مقفول
والسرعة 100 كم / ساعة
هما فحدود 4 رادارات او 3 رايح و2 راجع

[M.FOUAD]

ربنا يبشرك بالخير
طيب و المخالفات بتيجي عالرخصة و لا لو مفيش كمين خلاص

[shaddadfalcon1]

بص هي كانت شغاله وانا كده كده بهدي وفي عربيات كتيير بتهدي وفي عربيات تانيه بتطير بس انا مش بشوف اي فلاش خالص زي الأول

[dr_abooody]

انا لسة مجدد الرخص و كنت في ال 3 سنين اللي فاتوا رحت اسكندرية حوال 6 مرات و كل مرة ماششي 140 و ملقيتش اي مخالفات في الصحراوي

يبقى مفيش رادار

بس الشرطة شدت حيلها تاني خلي باللك

[semi]

اللي اعرفه ان طريف اسكندرية الصحراوي بقى طريق دولي
يعني المفترض مفيش ردارات ؟!!

[Yasser.Essam]

لا الطريق مبقاش دولى ولا حاجه

هيبقى طريق حر مش دولى وهيترفع السرعه الاساسيه من 100 لـ 120 بعد الانتهاء من التحويلات واشغالات الطريق :)

بس فى الفتره الحاليه مفيش ردارات واما بيبقى فيه ردار بتوع التويوتا بيبقوا عارفين وتلاقيه اول واحد بيهدى ^^

طالما الناس دى بتنفخ انفخ وانت متطمن :d

[Karim_Monir]

الرادرات الثابتة موجودة وحوالي 4 وانت رايح و 3 وانت راجع وبتكون قدام نقطة الشرطة اللي بيكون لونها اصفر عالطريق وشوفتها بتنور وتصور ناس بتجري
والكماين اشتغلت تاني وخصوصا قبل البوابات اصدقاء كتير بيشتكو معايا في المكتب اتعملهم مخالفات سرعة ب 150 جنيه على سرعات بين 110 و 120
الفيمية بيوقفوك وتشيلة الا لو رخم بيسحب ويدخل فحص وده في حالة انك مزودها ودارك بلاك وكدة

[معتز الدهشورى]

الرادارات شغالة

انا وقفت الاسبوع اللى فات وانا جاي من الاسكندرية لكن طبعا قبل الرادار كانت التنبيهات شغالة والناس كلها هدت السرعة فدايما خلى بالك من العربيات اللى جنبك

[Elawany13]

اللي اعرفه ان طريف اسكندرية الصحراوي بقى طريق دولي
يعني المفترض مفيش ردارات ؟!!

هما عملوا الاتوبان فى مصر وانا مش واخد بالى ولا ايه

[Yasser.Essam]

هما عملوا الاتوبان فى مصر وانا مش واخد بالى ولا ايه

ههههههههههههههههههههه

[Kareem Fawzy]

فى 4 رادارات ثابته وانتا رايح و3 وانتا جاى بس لما كنت هناك فى نص 8 مكنش فيه رادارات متحركه خالص

[aly_moh]

هوا لو الاحد غطى النمر بكيس بلاستيك و طار و لما يلاقى كمين يقف قبل الكمين يشيل الكيس هيبقى فيها حاجة .؟

[shaddadfalcon1]

فى 4 رادارات ثابته وانتا رايح و3 وانتا جاى بس لما كنت هناك فى نص 8 مكنش فيه رادارات متحركه خالص

وانت رايح دي اللي هي رايح الأسكندريه ولا القاهره ؟

انا اللي بشوفه من القاهره للأسكندريه 1 بعد الطلوع من القاهره علي طول
وواحد بعده بفتره حوالي 30 كيلو مثلا او اكتر تحت كوبري وده جديد
وواحد عند الرست بالظبط
وواحد بعد الرست بحوالي 20 كيلو او قبل الكيلو 70 ب 12 كيلو


وانت رايح بقي القاهره في واحد بعد الأسكندريه بشويه وواحد عند الرست برده واتنين بعد كده