سيارة فى حدود 20 الف جنية

[heroman10000]

السلام عليكم ورحمة الله وبركاتة
انا لسة مشترك جديد فى المتندي وانا بجد سعيد اني فى منتدي محترم زي كدة بيقدم خدمات ومعلومات وحلول وبيدي خبرة كويسة
انا مش هطول عليكم انا لسة مطلع رخصة وناوي اشتري عربية فى حدود 20 الف وروحت السوق النهاردة لاقيت معظم العربيات معفنة وسعرها غالى وصحابها قاعدين كانهم مش عايزين يبيعو ومعجبتنيش غير عربية رينو 9 موديل 1988 خليجي به تكييف فقط فابريكة دواخل 1300سيسي والراجل واقف على 22 الف مع العلم كلو قالى ابعد عن 128 و127 ولو عايز تشتري فيات يبقى بلونيز موديل حديث ارجوووووووووووووكم افيدوني يا اهل العلم

[dr.hazem]

الماروتي احسنلك

في رأيي ب 20 هتجيب موديل 2000-2002 انت وشطارتك

تحياتتي

[S O P H O S]

اذا ميهمكش التكيف
يبقي الماروتي توفي الغرض ..

[MohammedAladel]

الماروتى اللى بينزل منها كام سى سى وإيه رأيكم فى قطع غيارها وصيانتها وكدا ؟

[semi]

دول تجار على فكرة اللي بتقول عليهم مش عايزين يبيعوا
وهما كده وهتروح كل يوم هتلاقيهم ماسكين السوق ورافعين الاسعار
في راي سوق السيارات ده مات خلاص بسببهم
اما عن الماروتي اللي اعرفه تقريبا انها 800 سي سي وهما على اد حجمها اصلا
يعني مش هتحس ان الموتور ضعيف خالص
بس مفيش تكييف ولكن مجهزة لتركيب تكييف وفي ناس بتقول ان سحب العربية بيموت مع التكييف
قطع الغيار طبعا حدث ولا حرج متوافرة نظرا للانتشار الكبير للعربية

[john55]

ممكن128 موديل تسعينات

[mazagngi2010]

استنضف 323 وسيبك من القيات والهم ده

[Ahmed_Ramadan]

بالنسبة للسوق معظمهم تجار و عالم حرامية و عربيات ملعوب فيها و حاجة تقرف فسيبك منه

تانى حاجة لازم تحدد أنت عاوز إيه من العربية ...شبابى-عائلى-موديل حديث و لا مش فارق-ممكن هاتشباك ولا لأ

[Ahmed_selmy]

متابع باهتمام

[mado83]

مازدا 323 افضل من 27و28 والماروتى مع احترامى لكل ملاك العربيات دى

[ACC.Eslam Arif]

الاحسن من الماروتى من وجهة نظرى نفس الحجم واقوى هى بيجو 205 وبسعر ده هتلقى حاجة نضيفة بس قطع الغيار مش منتشرة زى الماروتى

[ahmed legend]

هاتلك مازدا 323 ناعمة ويابانى وقطع غيارها مش غالية ومتوفرة وابعد عن الفيات

[ma7med]

طيب ماتشوف ريجاتا اهي فيها تكيف بس مش عارف هي تقريبا رينج سعرها من 22 وانت طالع
او ممكن بيجو 504 بس اهم حاجة الحالة التمام عشان متتعبكش

[heroman10000]

والله الواحد مش عارف يشكركم ازاي على سرعة الرد بجد افضل مشاركات
وبالنسبة للعربية انا استبعدت الماروتي وللاسف كدة مفيش قدامي غير 128 او المازدا 323 بس مشكلة المازدا
الحالة نادرا لما تلاقيها حلوة

[ali_333]

بص ياباشا انا في مرة ركبت بولونيز مع واحد كبير في السن كان مظبطها زي ماتقول لسة طالعة من المعرض وقتها
حاجة بسم الله ماشاء الله فظيعةةةةةةةةةةة واسعة وفرش متنجد وحاجة فخمة ومريحة

بس ده في حالة انك تعرف حد حبيبك خبرة في العربيات وتصليحها وتظبيطها

ياسلام لو بيجو 504 ركبتها مرة مع واحد تاكسي مش عاوز أحلفلك مقارنة بينها وبين كورولا2005
حختار البيجو