الكاوتش بقى زي الصابونة بعد اقل من 15 الاف كيلو !!! ؟

[Ahmod]

السلام عليكم ورحمة الله وبركاته

من فترة - اعتقد اقل من سنة تقريبا - مش فاكر تحديدا

غيرت كاوتش الياريس وجبتلها جنوط مقاس 16

كنت محتار اجيب انهي نوع كاوتش خصوصا ان البيرجيسدون في المقاسات الكبيرة غالي وكان داخل في 950 جنيه للفرده

لقيت نوع اكسيليرا اندونيسي سعره معقول كان ب 450 جنيه للفردة مقاس 195/50/16

بعد فترة حسيت اداء الفرامل مش زي المعتاد كمان تماسك العربية في الملفات بحسها ضايعة بس قلت مش مشكلة وبعد سنتين ولا حاجة ابقى اغيره واجيب حاجة احسن

المشكلة اني دلوقتي بقالي مدة حوالي اسبوعين حاسس بحجات غريبة بتحصل !!

اول حاجة حستها ان لما ابقى واقف في اشارة او واقف عموما واطلع بدوسة بنزين جامدة بسمع صوت الكاوتش !! ودي حاجة المفروض انها مش بتحصل لان عربيتي اتوماتيك

في الاول قلت حاجة كويسة والعربية اداءها اتحسن وبقت بتطلع بفركة

لكن بعد كدة بدات الاحظ ان العربية بتزحف او الكاوتش بيعمل صوت مع اي فرملة !! وخدو بالكو من كلمة اي فرملة !!

بقيت حاسس اني راكب فيرنا - مع احترامي لملاكها - !! اللى هو بمجرد ادوس فرامل الشارع كله يتفرج ودي حاجة ماكنتش بتحصل قبل كدة نهائي !! انا العربية عندي فيها ABS+EBD وعشان تطلع صوت مع الفرملة كانت نادرا لما بتعمل كدة !!

كمان بقيت بحس ال ABS بيشتغل كتير !! بعكس الاول كان قليل لما بيشتغل

حاجة كمان اداء الفرامل قل جامد ومابقتش بتمسك زي الاول !!

ومؤخرا بقيت مع اي u-turn بسمع صوت الكاوتش برضوا وانا بلفه !! ؟

فمعقول الكاوتش خلاص انتهى وادمر لدرجة انه فقد كل خواصه في التماسك وبقى بيزحف واكني ماشي على صابون ؟؟؟

ولا في حاجة مثلا مسكت في الكاوتش وخليته بيعمل الاصوات دي ؟؟ مع اني شيكت على العجل ومالقتش في اي حاجة فيه !! والنقشة موجودة مافيش فيها مسح ولا اي حاجة

الكاوتش انا عامله بيه حاليا من ساعت ماجبته لحد النهارده حوالي من 15 / 17 الاف كيلو مش عارف بالظبط

انا حاسس ان نوع الكاوتش ده كان مقلب كبيييير خصوصا اني استرخصت واهتميت اني اجيب جنط غالي على حساب نوع الكاوتش !! وفعلا ندمت واكتشفت ان نوع الكاوتش اهم بكتير من نوع الجنط !!

بس ماتخيلتش بصراحة انه ممكن يكون ضايع للدرجة دي !! ؟

ولا تفتكرو المشكلة من حاجة تانية وانا مش واخد بالي ؟؟

[lanos2004]

الحق وغيرة -على الاقل الاتنين الى قدام والباقى بعدين-وفيه انواع كاوتش رخيصه وكويسه كورى طبعا

[Mahmoud Nagieb]

الحق وغيرة -على الاقل الاتنين الى قدام والباقى بعدين-وفيه انواع كاوتش رخيصه وكويسه كورى طبعا

الابحاث المثبتة بتقول ان الاهم انه يغير اللى ورا الاول .... لانه هو ليه العامل الاهم فى التماسك ... وكان فيه فيديو متصور فيه عربيتين مرة بكاوتش جديد امامى ... ومرة بخلفى .... وطلع انه الخلفى الاهم لانه اللى بيمسك العربية من انها تلف وليه عامل كبير فى التماسك

تحياتى

[Mohamed_Nafie]

أنا مش عايز اضيقك بس ال Apollo Accelera فعلا مش قد كده .. كان متركب مع واحد صاحبي في عربية فيرنا ومركب جنوط ونفس اللي بيحصل معاك .. لدرجة إنه مبقاش بيقدر ياخد ال u turns بسرعة زي ماكان بيعمل في الاول وإن العربية ثبتها ضايع مع إن الجنوط الجديدة اعرض...

[حماده المصري]

يا معلم اعمل مقص للكاوتشات زي ما مكتوب ف الكتلوج مقص او ترجع الي قدام ورا والعربيه هتتزبط بضمانتي

وعموما ده حال الكاوتش الماركات دي بس برضو المقص بيفرق

[Mohamed_Nafie]

انا برده حابب اضيف حاجة ... الجنوط الجديدة مركبلاها رينجات ولا لأ ؟

[Yasser.Essam]

استعوض ربنا فى الحالى وغير الكاوتش ده بماركه نضيفه ومضمونه وناس كتير بتستخدمها زى

البريدجستون

بريللى

كومهو

جوديير

ميشلان

دانلوب

[lanos2004]

الابحاث المثبتة بتقول ان الاهم انه يغير اللى ورا الاول .... لانه هو ليه العامل الاهم فى التماسك ... وكان فيه فيديو متصور فيه عربيتين مرة بكاوتش جديد امامى ... ومرة بخلفى .... وطلع انه الخلفى الاهم لانه اللى بيمسك العربية من انها تلف وليه عامل كبير فى التماسك

تحياتى

الفرامل والزحف دة الكاوتش الامامى من غير اى ابحاث ولا تجارب-بالركه كدة
المنحنيات والملفات الخلفى بيكون له دور كبير فعلا بالبركه برضه من غير ابحاث

[reallistic]

يا معلم اعمل مقص للكاوتشات زي ما مكتوب ف الكتلوج مقص او ترجع الي قدام ورا والعربيه هتتزبط بضمانتي

وعموما ده حال الكاوتش الماركات دي بس برضو المقص بيفرق

يا ريت توضيح بالتفصيل !

استعوض ربنا فى الحالى وغير الكاوتش ده بماركه نضيفه ومضمونه وناس كتير بتستخدمها زى

البريدجستون

بريللى

كومهو

جوديير

ميشلان

دانلوب

ضيف ليهم فولدا "fulda"
الماركة دي أنا اشتريت من واحد هنا عالمنتدى الله يباركله فردتين مقاس 14 - 165\60
و رغم أن المقاس زي ما هو واضح أنه رفيع بس بسم الله ما شاء الله
الكاوتش ده أدائه رائع بجميع المقاييس (ثبات ، صوته واطي ، نقشته شكلها حلو ... الخ)
أما بالنسبة للبيرللي "pirelli" أنا ليا معاه تجربة سيئة
و عرفت بعدها من أكتر من واحد أنه فعلاً مش قد كده و ناشف و صوته عالي

[MohammedAladel]

كان عندى فردتين قدام alpha accelra إندونيسى كان صاحب السيارة القديم مركبهم هو مشى بالظبط حوالى 40 ألف كيلو

بعد ما غيرته وشفته برا لقيته ناشف كدا غير الكونتنتال خالص وتقيل حبة وبصراحة النقشة بتاعته ماسكة نفسها ومتمسحتش

لكن أداء على الطريق لاحظت فيه إنه بيكسح مع الفرامل الجامدة مع إن عربيتى إيه بى إس بس إيه يعنى

لما الواحد يدفعله فرق مية جنيه أو 150 ويجيب كاوتش نضيف مضمون

[kotimg2]

جرب اعمل ترصيص وظبط زوايا لو منفعش ترجعه.

[حماده المصري]

[QUOTE=reallistic;3874515026]يا ريت توضيح بالتفصيل !

اانت لما بتركب 4 فرد جداد

المفروض كل 10 الف كيلو تغير مكانهم بترجع الي قدام ورا والي ورا يطلعوا قدام لانه الكاوتش بيبقى اتنحل باسلوب معيين ولما بتغير مكانه بيرجع يستوى تاني من حيث العالي والواطي

كل عربيه في الكتالوج بتاعها مكتوب تغير الكاوتشات امت والطريقه ازاي

يعني في النيو اكسنت كانت الكاوتشات الي قدام ترجع ورا زي ما هي والي ورا يتعكسوا ويطلعوا قدام في النيسان الي معايا الكتالوج بيقول بس الي ورا يبقوا قدام والعكس بدون ما تعكس

ده حركه لازم تتعمل في كل الكاوتشات لانها فعلا بعد فتره بتلاقي اصوات صفير وضعف ثبات عموما وزحف مستمر تزبط الموضوع ده العربيه تمسك نفسها تاني(طبعا الموضوع ده نسبي الي حد كبير يعني العربيات الثابته الموضوع ده مش بيفرق اوي معاها عموما او الكاوتشات النضيفه برضو مش بتحس بفرق جامد لان كاوتش زي البردجستون ده في اضعف حالاته بيبقى ممتاز فما بالك انه يبقى جديد مثلا)


وممكن تبقى في الحاله بتاعه الاخ صاحب الياريس ممكن يكون عنده مشاكل في العفشه هي الي مسببه الموضوع ده مساعدين ناعمين وبرا بينصحوا عموما بتغيير المساعدين كل 50 الف بس مش فاكر كيلو ولا ميل لانه ممكن لو المساعد مبازشي بينعم والنعوميه دي بتتسبب في تطويل فتره التوقف وضعف ملحوظ في الثبات

هو المفروض كل واحد ادري بعربيه وبيحس بيها

بس انا متهيالي في الحاله بتاعه عربيه صاحب الموضوع الكاوتشات بنسبه كبيره محتاجه تغير مكانها

وعموما الماركات الي موجوده في السوق دي كلها فستك وميقولش كده غير الي عرف يعني ايه بردجستون وميشلان وكونتننتال ودانلوب وجود يير وانواع من البريللي فرد مالهاش حل فعلا

انما كومهو هانكوك ماكسس نيكسن اكستيرا ولا مش عارف ايه والارورا كل الماركات الاسيويه الرخيصه دي اداءها اكيد هيبقى متواضع

وكلهم بيبقوا حلوين اول 10 الف كيلو بعد كده تحس فرهضوا

[Thebutcherr]

ممكن بس حضرتك تكشف على الزوايا لان غالبا العجل مقلوب و اكيد هتلاقى تآكل فى الاطراف + انك لازم تغير الكاوتش كروسات x زى ما مصرى قال

[MohammedAladel]

بالنسبة لتركيب الكاوتش بيبقى ليه عدل يبقى زى سهم كدا أو كلمة inside و outside

[reallistic]

بالنسبة لتركيب الكاوتش بيبقى ليه عدل يبقى زى سهم كدا أو كلمة inside و outside

الدوران (Rotation)