بتحط بنزين ايه ؟؟

[os.a.ma]

انا معايا لانسر 1600 بحطلها 92 لكن بعاني من سعر البنزين بحطلها مثلا نص التانك بـ 30 جنيه مبيكملش يومين ..
والجديد اني سمعت انه الحكومة هتلغي الدعم عن البنزين ولتر الـ 92 هيوصل لـ 3 جنيه ونص كدة بقى هيبقى خراب بيوت ساعتها هرفع عربيتي في الجراج او ابيعها ..
مش عارف بقى الانسر ينفع يتحطلها اقل من 92 والا لا؟

[egyptiandiver]

92 octane

[Hussein_Ramdan]

اومال انا اعمل اية بحط 92
انا بحط تقريبا كل ست ايام ب 135 جينة
الصفيحة بتعمل معايا 100 كيلو
انا بفكر جديا فى بيع العربية لكن لسة مخدش قرار

[os.a.ma]

اومال انا اعمل اية بحط 92
انا بحط تقريبا كل ست ايام ب 135 جينة
الصفيحة بتعمل معايا 100 كيلو
انا بفكر جديا فى بيع العربية لكن لسة مخدش قرار

يااااااااااااااه ده انت كدة بتدخلك حوالي 400 جنيه بنزين ! ! ! بصراحة استهلاك عالي اوي

[Hussein_Ramdan]

ياريت تيجى على ال400 جينة
دى شغلانة منيلة
انا بفكر اقلبها واجيب متسكل

[RMHB]

انا عربيتى اكسنت انجكشن اوتو 99

جايبها لسه قريب فكنت بحط 80 حسيت ان الانجكشن اتسد خالص وكانت مبتجريش خالص

فجربت مرة 92 حسيت انها بتطير وبنافس اى عربية لو الطريق مفتوح حتى لو 2012 وبتجيب وبتسد عادى ولما اكون مشغل التكيف مبتاثرشى اوى عليه بحس ان سحبها حلو برده فقررت اكمل ب 92 علطول بعد فترة لقيت البنزين سحب منى اوى والعربية فيها مشاكل كتير اتحلت لوحدها او قلت كتير فعرفت انه كان من البنزين


اخى العضو اللى نعاه اللانسر بتحط نص التانك ب 30 هو التانك بياخد كام لتر ؟

اخوكم د محمدمن المنصورة

[mradelcom]

92 طبعا لانه البنزين الوحيد المتوافر حاليا في البنزينات

غصب عنك هتمون 92

[Mo.Kareem]

92 تويوتا كورولا 2004 ومجربتش احط حاجة تانى لا 95 ولا 90 علشان فرق السعر بين ال90 وال92 ميستهلش لكن الفرق بين الـ95 يستاهل طبعا بس لو زى ما بتقولوا الـ 92 بقى بـ 3.50 هجيب انا كمان موتسكل وهحط 80 هى ناقصه فقر 0

[amr_8800]

92 للاسف
اصل احنا في دوله بتعتبر الي راكب عربيه موديل 2000 ولا 2003 من الاغنياء
وطبعا في وجهة نظرهم ده مش محتاج دعم (من غير مستحقي الدعم)
الي هما شتيفين انو بيروح لغير مستحقيه

[AhMeD MeTwAlY]

موقوف لاعمال السمكره والدهان

[semi]

92 وممكن افول العربية 90 برضه ومفيش مشكلة
وعربيتي لانسر وحاسس انها بتاكل بنزين فعلا مفيش مشوارين او 3 والاقيها شطبت 15 لتر
وساعات بحس ان في بنزين بيطير بسرعة وبنزين لا
والزحمة برضه دي كارثة العربية لما تقف وتتحرك مية مره ده بيستهلك بنزين اكتر بكتير
الخلاصة ان الشغلانة مبقتش محصلة بعضها ونفسي كلنا نعمل زي الصين كده
نعمل وسيلة المواصلة العامة هي الموتوسيكل والله هنستريح اوي
الوقت هيقل للربع والبنزين هيبقى 80 :)

[Ahmed_Adham]

95 فى كارينز 2012

أنا مشاويري معظمها قصيره داخل أكتوبر فمش متعور قوي من فرق السعر بين 92 و 95.

[S O P H O S]

هما هيغلوا ال 90 كمان ولا ده خارج الحسبة ..

[os.a.ma]

92 وممكن افول العربية 90 برضه ومفيش مشكلة
وعربيتي لانسر وحاسس انها بتاكل بنزين فعلا مفيش مشوارين او 3 والاقيها شطبت 15 لتر
وساعات بحس ان في بنزين بيطير بسرعة وبنزين لا
والزحمة برضه دي كارثة العربية لما تقف وتتحرك مية مره ده بيستهلك بنزين اكتر بكتير
الخلاصة ان الشغلانة مبقتش محصلة بعضها ونفسي كلنا نعمل زي الصين كده
نعمل وسيلة المواصلة العامة هي الموتوسيكل والله هنستريح اوي
الوقت هيقل للربع والبنزين هيبقى 80 :)

أنا بردو بحس ان العربية بتاخد بنزين كتير وخصوصا ان ليا قرايبي معاهم عربيات تانية 1600 بردو بس مبيستهلكوش بنزين زيي مع ان مشاويري اقل منهم
انا هغير فلتر الهوا واشوف الكهربا يمكن عايزة تتزبط

[Ashraf_Ibrahim]

فيرنا 2010 بستعمل بنزين 92