عربية BMW x1 اتسرقت بتاعة واحد قريبي

[ramoza]

اتسرقت عربية BMW x1 واحد قريبي من شارع الحجاز مصر الجديدة رقمها ق ب ص 975 لونها بني لو حد لاقاها يكلمني 01222666047

[S O P H O S]

ربنا يردهاله

[Hussein_Ramdan]

ربنا معاة ويردها لى
بس معلش سؤال عشان نستفاد
ازاى عربية حديثة زاى دى تتسرق المفرود فيها امبليزر
وسكيرتى
ممكن نعرف الطريقة ازاى

[beshomilan]

ربنا معاة ويردها لى
بس معلش سؤال عشان نستفاد
ازاى عربية حديثة زاى دى تتسرق المفرود فيها امبليزر
وسكيرتى
ممكن نعرف الطريقة ازاى

ربنا يعينه
بس فعلا زاى رغم وسائل الامان؟؟
وشارع الحجاز فمصر الجديده الناس فيه مش ميت يعنى فمعقول اتسرقت منه بسهوله؟؟

[ramoza]

هو الغلطان .سايبها دايره قدام البيت .اتسرقت قدام عينه

[Hussein_Ramdan]

سبحان الله متزعلش منى هو غلطان
بس ساعيت القدر يعمى البصر
ربنا معاة دى اكيد لسة جديدة
انا سمعت ان بى ام منزلة نظام فى عربيتها الجديدة لو العربية اتسرقت بتبلغ فى التوكيل والتوكيل يقولك مكانها
مش عارف النظام دة فعلا ولاة
زاى الجهاز ابو 1000 الى بيركب فى العربيات العادية

[SAMEH_FOUAD]

ربنا يردهالة يإذن الله , ويعوض علية

[egyptiandiver]

ربنا يردهاله

[K_E]

مادام الموضوع مش متخططله كده وواحد لاقاها دايره قام واخدها احتمال كبير يكون مش حرامي محترف يعني وميعرفش يصرفها ويومين ويخاف ويسيبها في اي حته
وان شاء الله ترجع

[MaNoLa]

حتى لو مش محترف دلوقتى تجار قطع الغيار فيه جزء كبير منهم بيتعامل فى الحاجات دى
يعنى بمعنى أصح ممكن يبيعها بـ15 ألف جنيه و تاجر الجمله ياخدها يشيل رقم الشاسية و كل عام و أنتم بخير و تبقى قطع غيار أو يتجاب واحدة عاملة حادثة و يتحطلها رقم الشاسية القديم
معلش من كلامى عشان متشائم شوية لكن بوضحلكم وجهة نظر بس

الحل الأمثل طبعا محضر + أعلان فى أى جريدة و مكافأة و أحنا شعب ممكن كله يشتغل كرومبو لما يلاقى فلوس

[Ahmed_Adham]

يا جماعه خدو بالكو فيه ناس بتراقب الاماكن اللى الناس بتقف فيها وتخرج من العربيه وتسيبها دايره (زى كشك سجاير مثلا) وأول ما تيجي الفرصه فى عربيه جديده وغاليه تلاقي واحد ناطط في العربيه وطالع بيها. لو الواحد ناوى يسيب العربيه نص دقيقه ولا دقيقه ميكسلش يقفلها أو على الاقل يبطلها ويسحب المفتاح عشان ميندمش بعد ما يفوت وقت الندم.

[ramoza]

شكرًا ليكم يا جماعة بس العربية رجعت الحمد لله بس طبعا دفع مبلغ محترم عشان ترجع (كوم السمن)
ومش هتكلم اكتر من ده ، أكيد طبعا كلو يعرف كوم السمن وكر اي حاجة مسروقة