استفسار عن التاكسي الابيض؟؟؟؟؟؟؟؟؟؟؟

[المنسي]

السادة الزملاء اعضاء نايل موتورز
كنت بفكر اعمل مشروع جنب شغلى ومعايا مبلغ كده ففكرت اشترى تاكسي اشغل حد عليه بالنهار ولما ارجع من شغلى ابقى انزل اشتغل انا عليه ايه رايكم فالتفكير اللى انا بفكر فيه ده وثانيا كنت عايز اعرف لو حد عنده اى تفاصيل عن مشروع التاكسي الابيض ياريت يفيدنى من حيث المعارض اللى بتشتغل فيه وكمان المقدم والقسط والحاجات اللى زى دى ياريت ماتبخلوش عليا بالنصيحة

[المنسي]

39 مشاهدة مين يزود؟؟؟؟؟؟؟؟؟؟؟؟

[eldell]

السادة الزملاء اعضاء نايل موتورز
كنت بفكر اعمل مشروع جنب شغلى ومعايا مبلغ كده ففكرت اشترى تاكسي اشغل حد عليه بالنهار ولما ارجع من شغلى ابقى انزل اشتغل انا عليه ايه رايكم فالتفكير اللى انا بفكر فيه ده وثانيا كنت عايز اعرف لو حد عنده اى تفاصيل عن مشروع التاكسي الابيض ياريت يفيدنى من حيث المعارض اللى بتشتغل فيه وكمان المقدم والقسط والحاجات اللى زى دى ياريت ماتبخلوش عليا بالنصيحة

بص ياكبيييير لو حضرتك ناوى على كده فعلا اوعى تخلى حد يسوقه غيرك اما يكون واحد حضرتك ضمنه او تعرفه كويس ويكون محترم علشان الى الواحد بيشوفه دلوقتى ان 3 اربع الناس الى معاهم تاكسيات تلاقيهم شباب وبيفرمو العربيات فحضرتك الى هتبقى خسران فى الاخر فالافضل ان حضرتك تفضل راكنه لحد لما انت ترجع او تشوف حد تضمنه وتحياتى لسعادتك

[المنسي]

بص ياكبيييير لو حضرتك ناوى على كده فعلا اوعى تخلى حد يسوقه غيرك اما يكون واحد حضرتك ضمنه او تعرفه كويس ويكون محترم علشان الى الواحد بيشوفه دلوقتى ان 3 اربع الناس الى معاهم تاكسيات تلاقيهم شباب وبيفرمو العربيات فحضرتك الى هتبقى خسران فى الاخر فالافضل ان حضرتك تفضل راكنه لحد لما انت ترجع او تشوف حد تضمنه وتحياتى لسعادتك

شكرا لرأى حضرتك وان شاء الله اخد بيه

[semi]

هتشتري العربية عادي بس المشكلة في ترخيصها تاكسي لان التراخيص بتاعته واقفة
فبضطر تقريبا تشتري نمرة عربية تانية ب50 الف تقريبا حد يبيعهالك
او لاما تشتري عربية مستعملة تاكسي وتريح نفسك
مسالة انك تشغل حد على عربيتك بلاش احسن لازم تكون ضمنه مليون في المية
لانهم بيكسروا العربيات لو مش عنده ضمير هيجري بها ويبهدلها
ومشروع التاكسي عامة ناجح بس لازم تقلبها غاز

[aboomar22]

ابحث عن المعارض اللى بتبيع التاكسى الابيض وهتلاقى كاش وتقسيط وان شاء الله فاتحة خير بس حضرتك ترجع من شغلك بالسلامة تاكل لقمة وتريح شوية وتنزل بعد الظهر ربنا هيبعتلك رزقك ورزق العربية غير كده العربية هتتبدهل وهتصرف عليها اللى بيجى منها انا سالت واحد زميلى فى الشغل دى شغلتهم التاكسيات قالى لو حيجيب يبقى نمرة 1 البى واى دى ثم اللانوس ثم الفيرنا غير كده لا --(دا رايه هو ودى شغلتهم من سنين ) وربنا يكرمك ويوفقك يارب

[المنسي]

ابحث عن المعارض اللى بتبيع التاكسى الابيض وهتلاقى كاش وتقسيط وان شاء الله فاتحة خير بس حضرتك ترجع من شغلك بالسلامة تاكل لقمة وتريح شوية وتنزل بعد الظهر ربنا هيبعتلك رزقك ورزق العربية غير كده العربية هتتبدهل وهتصرف عليها اللى بيجى منها انا سالت واحد زميلى فى الشغل دى شغلتهم التاكسيات قالى لو حيجيب يبقى نمرة 1 البى واى دى ثم اللانوس ثم الفيرنا غير كده لا --(دا رايه هو ودى شغلتهم من سنين ) وربنا يكرمك ويوفقك يارب

شكرا لرد حضرتك جدا وادعيلي ربنا يكرمنى

[mabdelmageid]

أنا عارف إن الموضوع قديم - بس ممكن تقولنا تجربتك إيه ف الموضوع دا عشان نستفيد ؟

ولا صرفت نظر

[أبو_يوسف]

مفيش جديد في الموضوع؟
يا ريت حد يفيدنا بسعر التاكسي فرنا كاش..
ورأيكم ايه في تأجيره للي يشتغل عليه بمبلغ ثابت؟ وكام مبلغ التأجير في اليوم؟