ركبت سوست سبور وعندي استفسار :)

[almoez]

السلام عليكم

دلوقتي انا معايا كورولا وركبت جنط 17 قلت بعدها لازم اسقط العربيه شويه

المهم من هنا لهنا قلت بلاش القص علشان بيقولو مشاكلو كتير

دورت علي طقم سوست كوني في الاول ملقتش جبت سوست Apex

المهم الراجل قالي دي بتقلل 3.5 سم قلت قشطه روحت البيت واطلع السوست البيت ودخلت علي السايت بتاع Apex ودورت بالكود بتاع السوسته لقيته فعلا بتاع موديل العربيه وبيقلل 35 مم عني 3.5 سم .. قلبي كدا ارتاح


النهارده الحمد لله ركبت السوست بس اللي لاحظته انها وطيت سنه صغير جدا من قدام ومن ورا تحس انها نزلت برضه

قلت اقيس احسن من تحت العربيه لقيت العربيه نزلت 1.5 سم بس !! فين ال 2.5 التانيين

المهم الراجل بتاع العفشه اللي ركب السوست قالي اصبر شويه دول لسا جداد وهيريحوا وهتنزل مع المشي في خلال اسبوعين!! صاحب المحل نفس الكلام

واحد تاني قالي ممكن نقص عليهم!!


ايه بقي دلوقتي موقفي وايه الصح وايه الغلط :) ؟؟

وشكراٌ

[gravedigger]

متابع

[Ahmod]

سيبك من الارتفاع لان الكورولا اصلا عالية فا 3.5 cm مش هتنزلها للدرجة اللى انت متخيلها

الاهم ايه اخبار الهاندلنج والثبات معاك ؟

كمان ايه اخبار النشوفية ؟ العفشة نشفة بزيادة ؟ ولا حاسس مافيش فرق يذكر ؟؟

[yoko]

هتنزل مع الإستخدام
وبلاش تقصهم هتبوظ الدنيا ونصيحة متسمعش لفتي الراجل ده في أي حاجة لحسن يضيعك
والجنط ال17 هيزعلك عفشه العربيه بدري بدري
إعمل حسابك على جوز مساعدين قدام قريب سبور عشان المساعدين الأصليين هيضربوا بسرعة مع السوست

[ahmad--ezzat]

مبروك وربنا معاك...كان ليا تجربه مريره مع السوست السبور :)

بس طبعا اوعي تقص حاجه

[almoez]

سيبك من الارتفاع لان الكورولا اصلا عالية فا 3.5 cm مش هتنزلها للدرجة اللى انت متخيلها

الاهم ايه اخبار الهاندلنج والثبات معاك ؟

كمان ايه اخبار النشوفية ؟ العفشة نشفة بزيادة ؟ ولا حاسس مافيش فرق يذكر ؟؟

استاذنا ..

بس ياسيدي انا قست ارتفاع العربيه من تحت قبل وبعد تركيب السوست وكانت 16 سم ودلوقتي 14.5 سم

الغريبة اني مش شايف اي نشوفيه خالص لحد دلوقتي حاسس اني مغيرتش حاجه ودا مزعلني برضه

بالنسبه للادء العربيه اتحسن بنسبه 40 %

وبس

اتمني بس تنزل مع الوقت

[almoez]

هتنزل مع الإستخدام
وبلاش تقصهم هتبوظ الدنيا ونصيحة متسمعش لفتي الراجل ده في أي حاجة لحسن يضيعك
والجنط ال17 هيزعلك عفشه العربيه بدري بدري
إعمل حسابك على جوز مساعدين قدام قريب سبور عشان المساعدين الأصليين هيضربوا بسرعة مع السوست

مش عايز اقولك قبل ماشتري سوست عملت سيرش وفي كل موضوع كنت انت بتحذر من السوست السبور.. هههههههههههه

بس خليها علي الله وبعدين انا من النوع المحافظ شويه يعني بحاول اهو علي قد ماقدر ان مفيش حاجه تبوظ

بس المساعدين السبور ممكن يكلفو كام ؟؟

[ahmad--ezzat]

بص ياباشا ...انت لو كنت جبت سوست عاديه كان الموضوع هيبقي هو هو...والتحسن اللي حصل ده تهيؤات...او يمكن تحسن طفيف جدا جدا عشان ال واحد سم اللي نزل

انا جربت السوست السبور وطلعت مقلب.....لازم عفشه كامله عشان تحس بالثبات

[almoez]

بص ياباشا ...انت لو كنت جبت سوست عاديه كان الموضوع هيبقي هو هو...والتحسن اللي حصل ده تهيؤات...او يمكن تحسن طفيف جدا جدا عشان ال واحد سم اللي نزل

انا جربت السوست السبور وطلعت مقلب.....لازم عفشه كامله عشان تحس بالثبات

ممكن والله .. بس سؤال يعني الشركات دي بتزاول نفسها ولا ايه..

وبعدين انا قريت هنا تقرير لعضو عن تركيبه لسوست علي بي ام وحس باداء رهيب

عموما انا ناوي اغير المساعدين بس معرفش ممكن تكلف كام ؟؟ وانت عارف الميزانيه في الضياع :)

اهم شئ دلوقتي ان العربيه تنزل شويه علشان يكون شكلها حلو :)

[ahmad--ezzat]

ممكن والله .. بس سؤال يعني الشركات دي بتزاول نفسها ولا ايه..

وبعدين انا قريت هنا تقرير لعضو عن تركيبه لسوست علي بي ام وحس باداء رهيب

عموما انا ناوي اغير المساعدين بس معرفش ممكن تكلف كام ؟؟ وانت عارف الميزانيه في الضياع :)

اهم شئ دلوقتي ان العربيه تنزل شويه علشان يكون شكلها حلو :)

مممممم مش عارف....بس انا التجربه عندي خير دليل وانا مجرب وبقلك الحوار ده اي كلام

الموضوع اللي بتتكلم عنه بتاع محمد ممدوح وجربها علي بي ام....بس انا من وجهه نظري ان السوست اللي كانت راكبه في البي ام شكلها مستهلكه جدا جدا جدا من الصور فطبيعي لما تجيب سوست جديده العربيه هتمسك نفسها اكتر ....ده من وجهه نظري لكن مهياش معجزه نهائي....وبصراحه ربنا مساعدين العربيه الاصلي غير متوافقه مع السوست وبتبقي مضغوطه ومش هتعمر ابدا

[yoko]

مش عايز اقولك قبل ماشتري سوست عملت سيرش وفي كل موضوع كنت انت بتحذر من السوست السبور.. هههههههههههه

بس خليها علي الله وبعدين انا من النوع المحافظ شويه يعني بحاول اهو علي قد ماقدر ان مفيش حاجه تبوظ

بس المساعدين السبور ممكن يكلفو كام ؟؟

أنا مش ضدها عموما الفكره الي يركبها يبقى عارف سلبيتها قبل إجابيتها يعني انا لو فيه بلاعة عاليه في الشارع لو ماشي أقل من البطيء بحك فيها وأحيانا بتضر الف وارجع!!!
مع المطبات بتشتم من العيلة كلها
المشكلة الناس بتركب وخلاص ومش بتشوف السلبيات