الملف الكامل لطرق سرقه السيارات حفظ الله سياراتكم جميعا وأرواحكم

[zoro2]

الملف الكامل لطرق سرقه السيارات من واقع الأحداث وتفاصيل سرقات حدثت بالفعل
من الشارع المصري
لأجل اتخاذ الحيطة والحذر
هذا وللعلم
ان الحذر لا يمنع القدر
ولكن
حتى نكون غطينا الموضوع باذن الله من اكتر من جانب
الطريقة الاولى


وهى المعروفة للجميع
السرقة بالإكراه
ولها عده أساليب
آن يقوم الحرامى أو العصابة بعمليه تثبيت كاملة لصاحب السيارة
باى اله حادة أو مسدس أو رشاش عن طريق قطع الطريق بطريقه مباشره على قائد
السيارة بعمل حاجز بسيارة أخرى
آن يرمى اللص أو العصابة فرع شجره على السيارة المستهدفة
أو آن يضع حجرا أمامها
أو آن ياتى من خلف السيارة المستهدفة و يخبطها بسيارة أخرى
و عندما تنزل من سيارتك تحدث السرقة
أو آن ينادى عليك بشكل مباشر و يقول لك توقف لاى سبب
الطريق الثانية


السرقة بالصدفة
ولها عده أشكال
منها آن ينزل سائق السيارة ويترك مفاتيح السيارة بها لاى سبب
آن يشترى شيء من محل قريب
أو آن يغسل عربيته أو يمسحها
أو انه يكون بيجيب أولاده من المدرسة
أو بيجيب فطار و سايب ابنه في العربية
تبقى سرقه وخطف
أو بتدى عربتيك لسايس
و يقولك هات اركنهالك أنا
طبعا ده أكيد مش سايس المكان
المهم واتسرقت على كده
أو أن تقع منك المفاتيح ويجدها لص
أو أن تترك المفاتيح لدى البواب فيقو بعمل نسخه عليها
ويعطيها لأحد أخر ليسرقها
أو أن تعطى نسخه المفتاح الأخرى لاى كان
ويسرق سيارتك
الطريقة الثالثة

سرقه السيارة بأسلوب رفع العربة بالكامل على عربيه نقل أخرى
يقوم عدد من الحراميه
وخصوصا
تلك الأيام في حاله الانفلات الامنى التي نعيشها
و يتم اختيار الأماكن دائما التي بها هدوء شديد
بجلب حديديتين
و يتم وضعهما أسفل السيارة ألمراده
و عن طريق عدد حوالي ثمانية أفراد من العصابة
يتم رفع السيارة بالكامل على عربه نقل أخرى بجوارهم
ويتم أخذها وفتحها بعد ذلك باى طريقه فالعربة بحوزتهم
الطريقة الرابعة


كسر الهواية
وهى الطريقة القديمة للسرقة
وهو أن يقوم اللص بكسر الهواية الموجودة في سيارات كثيرة
ويدخل سلك حديد متني مجهز لكل عملية
وهو سلك يشبه لحد كبير سلك منشر الغسيل
أو سلك السباك
سلك الومنيوم أو صلب طوله حوالي من 60 إلى 80 سنتيمتر
المهم
و يكون ملفوفا في أخر طرفه حتى يصل للمسوجر
ويشده ويقوم بفتح الأبواب بعد ذلك
ويتم فتح الكونتك باسلوب توصيل الاسلاك
الطريقة الخامسة


المفتاح المضروب
مجموعه من المفاتيح
تكون مع الحرامى
تقدر تفتح بيها أنواع معينه من العربيات و تدورها كمان
الطريقة السادسه


هو عمل توسيعه بين الباب و جسم السيارة
عن طريق حديديتين
يتم وضعهم بين المسافة الموجودة بين الباب
و بين جسم السيارة نظام توسيع يعنى
و يتم إنزال نفس السلك إلى قلناه قبل كده بين الباب و جسم السيارة
و يرفع المسوجر
الطريقة السابعة
و هي اكتر الطرق قدما
و لكن يصاحبها الكثير من الضوضاء
و كسر الزجاج مباشره و فتح الباب
و تقريبا لم يعد يستخدمها احد
لما فيها من ضوضاء
و خصوصا لو أن للعربية جهاز إنذار
الطريقة الثامنة
أسلوب الخدعة و سرقه بالإكراه
تقف فتاة جميلة بريئة المظهر على أحد الطرق السريعة ويبدو عليها الضعف والوهن وهي تشير لسيارتك. من الطبيعي في هذه الحالة أن أتخذك الشهامة فتتوقف لها وتعرض توصيلها للمكان الذي ترغبه أو لأقرب نقطة تتفق مع طريقك الأصلي وخاصة إذا أخبرتك أنها مصابة أو مريضة. ولو كنت سائق سيارة أجرة سيتجاوز الأمر حدود الشهامة ليدخل تحت بند ممارسة المهنة والاستجابة البديهية لـ “زبون” يشير لك بالتوقف.
ولكن بمجرد توقفك تجد شخصين يظهران فجأة من خلفها ويحملان الأسلحة البيضاء، وتكتشف أن الأمر عبارة عن عملية سرقة بالإكراه كنت أنت ضحيتها!
جارى بإذن الله كتابه بقيه الطرق

[msa142]

جزاك الله خيرا

[A7MED_PHARMA]

الحمد لله مد الأزل

انا انضرب عليا نار مرتين ... الاولى العربية اتشخرمت ووقعت تقريبا في الترعة وماعرفوش ياخدوها
والتانية

اخدو العربية الي قدامي وانا لحقن نفسي
والمرتين كان فيهم ضرب نار مباشر

[MohammedAladel]

ربنا كبير

[assaf]

ربنا يسترها علينا

[mo3tazanas]

الحل اية؟

[S O P H O S]

جزاك الله خيرا ..

[Magoda]

بيسألوا حرامى سيارات إمتى بتفشل محاولة السرقه قاله فى حالتين :
الأولى: لما يكون صاحب العربيه نايم جواها
[COLOR="rgb(139, 0, 0)"]الثانية : لما تكون فى جراج وليها باب واحد وعليها 2 حراس[/COLOR]
غير كدته كله بيتسرق ياباشا

[Magoda]

الحل اية؟

إنك تكهربها

[zoro2]

أشكر كل من دخل موضوعى وشارك برأيه
والحل فى وجهة نظرى هو الأخذ بالأسباب
وهى اجراء الإحتياطات الضرورية(عدم ترك مفتاح التشغيل والسيارة دايرة لشراء بعض الحاجات-تركيب جهاز انذار- وخلافه ......وغيره من الوسائل
وفى النهاية
الدعاء والله خير حافظا وهو أرحم الراحمين
أعزكم الله وحفظكم وسياراتكم وأموالكم وأولادكم

[Car's Sniper]

وفيه طرق تانية عرفتها من واحد قريبى بيدرسوهالهم فى كلية الشرطة ..بس لانه مالوش فى العربيات فمحكاليش بالتفصيل
الاولى عن طريق كسر فانوس السيارة الامامى وتلميس سلكين لبعض فالماسوجر يفتح
ودى حصلت معايا لما كنت باسيب العربية مقفولة وانا فاصل البطارية واول ما اوصل البطارية الماسوجر بيافتح لوحده
الطريقة التانية ودى اللى بتحصل فى السيراتو
بيكون مع الحرامى ييجى 30 ريموت بيقعد يقلب مابينهم لغاية ماواحد يفتح العربية ويشغلها ومحدش بيشك فيه لانه بيفتحها بريموت
وفيه طريقة تانية جديدة جايلنا من ليبيا وهى جهاز فك الشفرات ودا تقريبا للعربيات اللى مالهاش مفتاح
كل دا كلام منقول عن قريبى
وعشان كدة افضل حل هو قفل الدركسيون وكلبشة العجل ...الانذار بقى بيتفك دلوقتى وباحس انه بقى مصدر خطر اكتر من انه مصدر امان

[MohammedAladel]

مرة واحد واقف بيمون الموتيسيكل بتاعه بنزين وسايب المفتاح فيه

واحد معدى عليه وقاله طيب مش تشيل المفتاح من الموتيسيكل وإنت بتمون محدش ضمن الظروف

قال له : وهيحصل إيه يعنى ؟

راح الراجل ركب الموتوسيكل وقاله هيحصل كدا ودور ومشى

[moha4tec]

مشكور جدا على مجهودك المتميز

[Khaled Lanos]

كلام جميل جزاك الله خيراً..ربنا يسترها على الجميع يارب