هل فعلا تكييف السيارات الخليجي أقوى من الوكيل؟

[Ahmed_Adham]

عايزين رد مبني على اساس مش مجرد نظريات. يعني هل المكيف اللي فى العربيه الخليجي بيبقى ماركة تانيه أو موديل تاني غير مكيف العربيه الوكيل؟ وياريت لو حد عنده معلومات عن فرق القوه بيوصل اد ايه يعنى بتاع الخليجي كام btu وبتاع الوكيل كام btu لنفس العربيه فى نفس السنه.

فرصه نأكد أو ننفي الموضوع ده.

[dr_radioooooo]

على فكرة صورتك الرمزية ممكن تتفهم غلط

[ahmzd]

أنا أيضا أريد إجابة على هذا السؤال.. وخصوصا أني لم أجرب إلا سيارات الوكلاء المصريين فقط.

[icucono]

في بعض السيارات بيكون هناك فرق في قوة الكمبريسور وقطر المواسير واحيانا حجم السربنتينه
عشان الحرارة هنا بتوصل خمسين احيانا وداخل المدينه بتوصل ٨٠ علي الاسطح السوداء و٧٠ علي الاسطح البيضاء
وده في العربيات الجديده الياباني والكوري غالبا
زمان كانت العربيات المرسيدس وال بي ام تعتبر بدون مكيف ولغايه دلوقتي (موديلات التسعينات) لكن لما بتستخدم العربيه في مصر بتلاقي المكيف بقا كويس جدا

[semi]

بتاع التوكيل بيبقى جاي على حسب صناعة العربية يعني لو بتتقفل في الصين هيجيلك من هناك
اما لو خليجي فالعربيات بتاعتهم محترمة بتيجي كلها من بلدها يعني لو كوري تجيلهم عربية تصنيع كوري
وبمواصفات خاصة بالخليج زي التكييف مثلا عشان درجات الحرارة المرتفعة عندهم
فانت لازم تسأل على بلد الصنع لان مؤخرا الوكلاء بتاعهم بقوا زبالة زي اللي عندنا كده بينزلوا لهم صيني وبيسرقوهم كمان

[Hobgoblin]

في بعض السيارات بيكون هناك فرق في قوة الكمبريسور وقطر المواسير واحيانا حجم السربنتينه
عشان الحرارة هنا بتوصل خمسين احيانا وداخل المدينه بتوصل ٨٠ علي الاسطح السوداء و٧٠ علي الاسطح البيضاء
وده في العربيات الجديده الياباني والكوري غالبا

[tommys]

طبعا الخليجي أقوى بكتييييير وعن تجربة

[Khaled Lanos]

الخليجي التكيف بتعها تلاااااااااااجة وأقوى مليون مرة من الوكيل..وعن تجربة

[Ahmed_Adham]

للأسف كل الردود مازالت مجرد نظريات حتى اللى جرب. أنا كمان جربت الخليجي فى الكويت وجربت الكوري (مواصفات الوكيل) هنا بس العربيتين مختلفين وبالطريقه دي صعب المقارنه. المطلوب هوه مقارنه علميه بالقدره الفعليه أرقام وماركات لو حد يعرف يجيبلنا الارقام دي.

مثلا سيراتو خليجى ووكيل لنفس السنه (2012 مثلا) المكيف هنا اسمه ايه ورقم الموديل والقوه بال btu ونشوف هل الكلام ده فعلا مظبوط ولا لاء وكله يستفيد بمعلمومه مؤكده ومثبوته.

[asemx1]

نفس المكيف ونفس التبريد فى اى منطقه فى العالم ..........
لا يوجد خطوط انتاج مخصصه للخليج فى الشركات
المواصفات تحدد على اساس الامان والرفاهيه وليست الاساسيات
يعنى لو جبت عربيتين واحده خليجى وواحده مصرى والاتنين نفس البلد المنشا هتلاقى ان الاتنين نفس الاداء بالظبط
ولكن يختلف فى الامكانيات
يعنى دا جنط ودا مفهوش جنط اسبور ودا فيه فتحه سقف ودا مفهوش
ودا بيتحدد من سعر العربيه وخطه بيعها فى السوق ولان السوق الخليجى فيه فلوس كتير فبيحطوا امكانيات كتير لكن مصر سعر العربيه بيبقى غالى اصلا فبيحطوا مواصفات قليله
ومش كل العربيات بينطبق عليها نفس المنطق يعنى فى التويوتا كورولا الجنوب الافريقى تلاقى عربيه امكانياتها اعلى بكتير من الخليجى لان تمنها من الجنوب رخيص

تحياتى لك والاثبات انتا تشوفه بنفسك بدون اثبات ولا حاجه روح اى توكيل وشوف المواصفات هتلاقى ان سعه التكيف الخليجى مثلا حوالى نص كيلو فريون وهتلاقى المصرى نفس السعه وهتلاقى الزيت

تحياتى لك م\ عاصم جاد

[Ahmed_Adham]

حد عنده معلومات يفيدنا بيها في الموضوع ده يا جماعه؟

[AlGazar2]

ممكن العزل فى الخليجى يبقى احسن و ده اكيد هيخليك تحس ان العربيه اسقع عشان الحراره الخارجية مبتدخلش جوه

لكن المكييف و التبريد فى الغالب واحد

[hossam_elwani]

انا معلوماتى مثلا ان الالنترا الجديده تكييفها بيتقفل فى مصر

لكن الخليجى بيجى من كوريا بحالته من المصنع وده عشان الجمارك

وشوف انت بقه الفرق بين ماهو مستخدم فى مصر وماهو مستخدم فى بلد الصنع

ويقال ان اغلب التوكيلا بتعمل كده فى مصر

[Mahmoud Mosaad]

أنا مش هتكلم كلام نظري ولا هفتي
لكن هحكيلك على ملاحظتي في تجربتين

الأولى كانت مع عربيتي الكورولا رموش موديل 2000
ودي الموتور يتاعها 1300 2E الكومبرسور اللي بينزل مع الموتور دة شغال بنظام rotary fluid compressor
وكنت بشتكي انه في الحر أوي بيسخن ويفصل Thermal ويرجع يشتغل تاني اما يبرد شوية وبعدين باظ خالص وبقى ال output بتاعه قليل جداً وتبريده تعبان
المهم زيدان نصحني نركب بتاع ال 1600 اللي كان بينزل في الخليج وقتها ودة شغال بنظام reciprocating وميزته انه بيتحمل شغل تحت حرارة عالية وبالتالي مفيهوش حساس الحرارة اللي بيخليه يفصل اما يسخن لكنه بيفضل شغال عادي تحت الحرارة العالية وعمره اطول وكفاءته لا تقل كثيراً عن اما بيكون جديد بس عيبع انه ال mechanical efficiency بتاعته اقل من النوع الأول بمعنى انه تقيل شوية على الموتور وعشان كدة بينزل في ال 1600 بس
وفعلاً كان وَحش وتبريده سريع جداً

التجربة التانية كانت مع عربيتين كيا سيراتو 2011 واحدة سعودي والتانية وكيل
الاتنين تكييفهم آداءه واحد

[Ahmed Selim]

بتاع التوكيل بيبقى جاي على حسب صناعة العربية يعني لو بتتقفل في الصين هيجيلك من هناك
اما لو خليجي فالعربيات بتاعتهم محترمة بتيجي كلها من بلدها يعني لو كوري تجيلهم عربية تصنيع كوري
وبمواصفات خاصة بالخليج زي التكييف مثلا عشان درجات الحرارة المرتفعة عندهم
فانت لازم تسأل على بلد الصنع لان مؤخرا الوكلاء بتاعهم بقوا زبالة زي اللي عندنا كده بينزلوا لهم صيني وبيسرقوهم كمان

أول جزء من كلامك مش مظبوط للأسف.......بمعنى أن فيه الخليج عربيات تويوتا صناعة تايلاندي أو أندونيسي....يعني مش جايه من بلدها ولا حاجة.

تاني جزء صحيح.

نفس المكيف ونفس التبريد فى اى منطقه فى العالم ..........
لا يوجد خطوط انتاج مخصصه للخليج فى الشركات
المواصفات تحدد على اساس الامان والرفاهيه وليست الاساسيات
يعنى لو جبت عربيتين واحده خليجى وواحده مصرى والاتنين نفس البلد المنشا هتلاقى ان الاتنين نفس الاداء بالظبط
ولكن يختلف فى الامكانيات
يعنى دا جنط ودا مفهوش جنط اسبور ودا فيه فتحه سقف ودا مفهوش
ودا بيتحدد من سعر العربيه وخطه بيعها فى السوق ولان السوق الخليجى فيه فلوس كتير فبيحطوا امكانيات كتير لكن مصر سعر العربيه بيبقى غالى اصلا فبيحطوا مواصفات قليله
ومش كل العربيات بينطبق عليها نفس المنطق يعنى فى التويوتا كورولا الجنوب الافريقى تلاقى عربيه امكانياتها اعلى بكتير من الخليجى لان تمنها من الجنوب رخيص

تحياتى لك والاثبات انتا تشوفه بنفسك بدون اثبات ولا حاجه روح اى توكيل وشوف المواصفات هتلاقى ان سعه التكيف الخليجى مثلا حوالى نص كيلو فريون وهتلاقى المصرى نفس السعه وهتلاقى الزيت

تحياتى لك م\ عاصم جاد

معلش أسمحلى أختلف معاك...........المرجع هو المواصفات القياسية للمنطقة و بناء عليه يتحدد خط الإنتاج.

العربيات فى الخليج علشان تدخل لازم تكون مطابقة للمواصفات القياسية الخليجية للسيارات و دى جزء منها لقيته على النت...........مش متأكد من صحة الكلام كله بس معظم الكلام بشوفه فعلاً فى الواقع

المواصفات القياسية الخليجية التي يشترط توافرها بشكل اساسي (وليس اختياريا) في جميع السيارات الواردة إلى الأسواق الخليجية قاطبة، بغض النظر عن انواعها، وسواء كانت اوروبية او يابانية أو اميركية..إلخ، والتي يمكن استعراض أبرزها في ما يلي:
زجاج أمامي من النوع «as1 » المكون من طبقتين بينهما مادة مسؤولة عن تماسك الزجاج وعدم تناثره عند تهشمه في الحوادث لحماية ركاب السيارة من الاصابة، وتصل نسبة التظليل به للحماية من أشعة الشمس حوالي 30% دون التأثير في مستوى الرؤية الذي يصل إلى 70%. أما الزجاج الخلفي والجانبي فيكون من نوع «as2» طبقة واحدة.
الاطارات تأتي بنظام تصميم يتحمل الحرارة والسرعة العالية من نوع a أو b بحسب نوع المركبة (صالون أو جيب) وسرعة المحرك.
نظام تبريد متطور للمحرك متمثل في «راديتور» كبير لتحمل العمل الثقيل وحرارة الطقس في المنطقة مزود بـ «سينسر» مسؤول عن قراءة درجة حرارة سائل الراديتور بحيث عندما يصل إلى 60 درجة مئوية يعطي على الفور اشارات للكمبيوتر الذي يقوم بإعطاء الامر لمروحة التبريد الكهربائية للعمل على خفض درجة الحرارة (أما في الدول الأخرى فتعمل المروحة عند وصول الحرارة إلى 70 درجة مئوية).
الالزام بأن يأخذ الإطار الاحتياطي مواصفات وحجم الإطارات الاساسية نفسها للسيارة (حيث إنه في الدول الأخرى يأتي اصغر من الاساسي).
يشترط في الجهة المصنعة انتاج اطارات من نوع «برن فلات تايرز» الذي يحافظ على مستوى نفخ الاطار في حالة البنشر (بالنسبة للسيارات الرياضية التي لا تحتوي على اماكن مخصصة للاطار الاحتياطي).
تزويد «الاكزوز» بقطعتين معدنيتين احداهما لمعالجة الملوثات الغازية الناجمة عن عملية الاحتراق في المحرك، والاخرى مسؤولة عن كتم الصوت منعا للتلوث الضوضائي.
إلزام المصانع بتزويد السيارة بأحزمة الأمان ومطفأة حريق ومرايا جانبية يذكر عليها باللغة العربية عبارة «مقاسات وبعد الصورة في المرآه غير حقيقية».
تزويد السيارة بحواجب شمس امامية عليها تعليمات تحذيرية باللغة العربية بعدم جلوس الاطفال على المقعد الامامي وضرورة ربط حزام الامان.
معظم الاجزاء الداخلية للسيارات، وبخاصة الارضية والمقاعد مصنعة من مادة مقاومة للاشتعال.
متانة متميزة في الهيكل الخارجي للسيارة لتحمل الصدمات وذلك لتوفير أكبر قدر ممكن من الحماية للركاب عند الحوادث.
مجموعة تعليق تعمل على تحقيق التوازن والسلامة في القيادة ومزودة بماصات للاهتزاز وملائمة للطرق الوعرة لتفادي الحوادث.
اشارات انذار صوتية وضوئية تعمل تلقائيا عند انخفاض منسوب سائل الفرامل أو حدوث انخفاض للضغط فيه أو عند زيادة السرعة على 120 كلم في الساعة.
عمود «السكان» ماص للصدمات يتداخل في بعضه البعض ليمنع اصابة السائق عند الارتطام به في حالة وقوع حادث.
جميع أبواب السيارة مزودة بوسائل أمان تمنع انفتاحها تلقائيا عند التوقف اللحظي المفاجئ أو انقلابها.
مكبح طوارئ «فرملة» لاستعماله عند تعطيل المكبح الرئيسي في السيارة لتوفير أكبر قدر من الامان للسائق.

مع أن الكلام مش مذكور فيه التكييف خالص بس هو بيوضح الفكرة اللى أنا أقصدها بخصوص إختلاف المواصفات من منطقة لأخرى.