ماذا عن تربيط العفشة؟؟؟؟؟؟؟؟؟؟

[المنسي]

اولا هل تربيط العفشة محتاج ان العفشجى بنفسه اللى يربطها ولا دى ممكن تكون من الحاجات اللى ممكن الواحد يعملها بنفسه يعني انا بسال نفسي كل شوية مطبات وكل شوية العفشة عايزة تتربط واكيد كلنا بنروح للعفشجى علشان يربطلنا العفشة طيب انا عايز اعرف هو بيعمل ايه بالظبط بداية من رفع العربية نهاية من انى اخدها منه بعد مايخلص وامشى وسؤال تانى هو الموضوع عب انه يتعمل وانا هنا بسال لانى بصراحة بقيت احب اعمل اى حاجة فالعربية بايدي ومحدش يفتكر علشان الفلوس بالعكس انا بحاول اعمل الحاجات اللى الواحد يقدر يعملها زى تغيير فلاتر البنزين والهوا وتغيير مثلا لمبات اتحرقت حاجات كده يعني

[bmya]

متابع معاك انا كل كام شهر اطلع اربط العربيه في مركز صيانه بتاع هيونداي قريب مني بياخود 40 جنيه !!
لان بصراحه العفشجي العادي بحس انه بيشتغلني بينزل تحت العربيه ويقعد يهرتل تحت ويطع يقولي تمام
لكن المركز بيرفع العربيه كلها وبيربط بجد بس برده مابتاخودش منه 10 دقايق

[المنسي]

انا فتحت الموضوع لانى حاسس انه مش معقد ولا حاجة هيه الفكرة على حسب اعتقادى مجرد تربيطات والله اعلم ومنتظر اراء باقى الاعضاء

[ahmzd]

أنا أيضا لا أعلم هل موضوع تربيط العفشة حقيقي وهام .. أم أنه وسيلة لأخذ الأموال من أصحاب السيارات؟!

[ahmad--ezzat]

الموضوع كله ب 25 ج
في بنزينه مصر ميدان اسماعيليه

[Karim_Monir]

لاء طبعا موضوع مش سهل ومحتاج مساحة وتكون تحت العربية ومش مجرد تربيط لاء حسابات عزم عشان الصواميل ماتفوتش لما تقرص عليها اكتر من الازم ويبص لو جلبة مبوشة ولا بارة تعبانة ولا كاوتشة كوبلن مقطوعة

[المنسي]

لاء طبعا موضوع مش سهل ومحتاج مساحة وتكون تحت العربية ومش مجرد تربيط لاء حسابات عزم عشان الصواميل ماتفوتش لما تقرص عليها اكتر من الازم ويبص لو جلبة مبوشة ولا بارة تعبانة ولا كاوتشة كوبلن مقطوعة

شكرا لمرورك يا استاذ كريم وطبعا شكرا على الافادة بس حضرتك بتقول محتاج حسابات عزم عشان الصواميل متفوتش طيب ماهو طبيعي ان اى حد بيقرط على صامولة فى اى جهاز او ماكينة مش شرط العربية بيبقي جايب اخر الصمولة ومبيزودش فى التقريط علشان متفوتش دى حاجة تانى حاجة انك عندك حق فى حتة جلبة مبوشة والبارات وبيض المقصات اللى انا اقصده ان الواحد كان حابب يتعلم بس مش اكتر لان فيه حاجات بتتطلب صنايعي اللى يشتغل فيها وشكرا مرة تانية لمرورك

[المنسي]

الموضوع كله ب 25 ج
في بنزينه مصر ميدان اسماعيليه

الموضوع والله يا استاذ احمد مش موضوع فلوس الموضوع ان الواحد بيبقي قلبه على حاجته اكتر من اى حد تانى والموضوع كله الواحد يبقي عارف هو بيدفع فلوس في ايه

[ahmad--ezzat]

اه ياباشا والله فاهمك...بس شغل العفشه صعب الواحد يشتغل بايده
يعني انا بركب زينون وبغير لمض العربيه والكاسيت والسماعات والحورات دي كلها بعملها
وبعض الفلاتر بغيرها بايدي
بس في حجات بتبقي تقيله علي الواحد