طلع عليا بلطجيا ضربو عليا نار والعربية ادمرت لا حول ولا قوة الا بالله

[معتز الدهشورى]

الف سلامة عليك والحقيقة تصرفك كان ممتاز

كل اللى ييجي في العربية بعد كده بسيط باذن الله

لما ده يحصل في تقاطع جامعة الدول مع محيي الدين هيعملوا ايه فى اكتوبر والتجمع .. الناس طبعا اللى في مدينة بدر دول زمانهم خلصوا

[Ahmod]

الف شكر ليكم يا جماعة على روحكم الطيبة واشكر كل اللى ارد في الموضوع واللى بعتلي رسالة خاصة واللى اتصل

فعلا الواحد حاسس انه بين اسرته واخواته ربنا يخلينا كلنا لبعض ان شاء الله

---

انا ناس كتير قالتلي اني اتصرفت بشكل سريع وصح لكني انا من جوايا حاسس اني اه اتصرفت صح بس برضوا اتصرفت بطريقة غلط وعشوائية !!

انا رجعت لورا بشكل غريب مع ان كان ممكن من البداية اطلع لقدام واتفاداه بدون اي خسائر !!

يمكن عشان لما لاقيته جاي عليا ومع الخضة رجعت لورا !! ؟ بس حتى ولو كان ممكن ارجع شوية وبعدين اطلع لقدام

مش فاكر كان تفكيري ساعتها ايه بالظبط في الرجوع بالطريقة دي !!

طبعا في الاول والاخر الحمد لله على كل شئ وقدر الله ماشاء فعل

قضا اخف من قضا وبحمد ربنا طبعا انه طلعني منها باقل خسائر وده بفضل ونعمة من عند ربنا

بالنسبة لموضوع بيع العربية فبصراحة فكرة اني ابيعها دي اخر حاجة ممكن افكر فيها لان العربية دي في بيني وبينها عشرة طويلة على مدى ال 6 سنين اللى فاتو

انا من اول ماجبتها فضلت معايا 4 سنين بالظبط مافيهاش خدش مع اني بدات اتعلم عليها السواقة وكنت في الاول بلطش وكان ربنا اللى بيسترها

متذكر تماما اني من اول ماركبت جنوط بعدها باربع خمس ايام خدت اول خبطة من ترلا جابتلي الجمب الشمال

بعدها بدات تتوالى الخبطات واحدة ورا التانية بشكل غريب !! لدرجة اني جيه عليا وقت كل يوم انزل بالعربية ابقى منتظر الخبطة هتيجي امتى وازاي وعمال طول الطريق افكر !! ؟ ياترى الترلا دي هي اللى هتخبط فيها ؟؟ ولا يمكن المكروباص اللى بعدها !! ؟ والله مابكدب فعلا وصلت لمرحلة صعبة

مع ان والله مش بتحرك بالعربية الا وبقرأ قبلها كافة الاذكار والادعية وبشغل قران لمدة على الاقل نص ساعة بشكل يومي في العربية

بس برضوا مافيش فايدة !!

احتمال تكون عين بس برضوا انا العربية عندي شكلها عادي مش ملفت للدرجة !! يعني بشوف عربيات تانية كتير ماشاء الله فعلا متعدلة تعديلات تخطف العين !!

يعني انا ماجيش حاجة جمب العربيات التانية دي عشان الواحد ياخد عين تدمره بالمنظر ده !!!!

عموما الحمد لله وفي الاخر برضوا ربنا بيسترها والواحد لازم يتقبل قضاء الله وقدره ويحمد ربنا ويشكره

[Screenplays]

1000 حمد لله علي سلامتك و الحمد لله انها جت علي قد كده و ربنا يطلعنا من ام البلد دي علي خير

تصرفك كان ذكي و سريع جدا علي فكره

تحياتي

[Samir Elshahawy]

أستاذ / أحمد ..

ألف حمدا لله علي سلامتك أنت و اصحابك و اشكر ربنا انه نجاك منها

ياريت تفتكر حديثنا السابق في مقابلة رمضان " بيع العربية دي يا أحمد"

[TheUnknown]

حمد الله على السلامة يا ابوحمييد , و الانت عملتوا ده الصح.
انا لسه واحد صاحبى كان راكن قريب on the run جامعة الدول ناحيت الشارع و جمبيه محطت اتوبيس , لقينا واحد سال على نفس نوع العربية اللى معانا و قال الازاز اتكسر تعالوا الحقوا. الناس بتقول اتنين بموتسيكل كسروا الازاز و طلعوا معاهم شنطة .سرق شنطة فيها كل الكتب بتعتوا و ولا حد اتحرك من اللى واقفين ورا الى كسر الازاز !

[moh19227]

الحمدلله ربنا ستر

[bido600]

لا حول ولا قوه الا بالله
الحمدلله علي كل شي
والحمد لله انها جت علي قد كدة
معلش متزعلش نفسك يا استاذ احمد
قضي اخف من قضي

[khaled sabry]

قد الله و ماشاء فعل
بس سبحان الله الكلام ده لسه موجود لغايه دلوقتى و فى جامعة الدول ؟؟؟
يعنى مش فى حته مقطوعه
انا ماكنتش مصدق عنيا لما قريت ان تاريخ المشاركه فى من 3 ايام
بس هما زمايلك عرفو ازاى ان الاتنين دول حراميه بمجرد ماوقفو قدامك ؟؟؟
هما على العموم مادامو ضربو عليك نار يبقى كانو ناوين على غدر و الحمد لله ان ربنا طلعك بالسلامه

[khaled sabry]

انا حاطط فى العربيه مسدس صوت معدل يضرب بلى للطوارئ اللى زى دى
وكنت بتريق على نفسى و بقول عمرى ماحستخدمه .. حتى انا دلوقتى مش عارف ان كان متعمر و لا لاء
لكن بعد ماقريت الحكايه دى حهتم بيه بقى

[abdalla2000]

حسبى الله ونعم الوكيل

[devilishtigers]

الف حمدلله على سلامتك وسلامه اصحابك وتصرفك صح مليون في المية بس الغلطة الوحيدة اللي بلومك عليها انك ما جبتهومش تحت العجل

[Karim_Monir]

حمد الله على سلامتك يا احمد
وانا لما شوفت العربية اتخطيت بصراحة وفهمت اللي حصلك
الحمد لله وربنا يعوض عليك
وباذن الله هارجعهالك احسن من الاول
انا مديها اهتمام خاص عندنا في الورشة