المزاد العلنى لسيارات مجلس الدفاع الوطنى (المخابرات العامه)

[SonaSteel]

السلام عليكم و رحمة الله و بركاته

مبدئيا احب اوجه شكر خاص جدا لأخي وحبيبي في الله أ/ياسر الغرباوي اللي بعتلي الموضوع ده بصور كراسة الشروط لكي يستفيد اكبر عدد من أعضاء المنتدي الكرام
وان شاء الله هو يرد علي كل اسئلتكم لو في أسئلة

ثانيا
فيه اعلان فى ملحق سيارات الاهرام عن بيع بالمزاد العلنى لسيارات مجس الدفاع الوطنى (المخابرات العامه)
جلسة المزاد يوم الثلاثاء الموافق 9/10/2012 .... الساعه 11 صباحاً
بمقر استاد القاهره الصاله النغطاه قاعه رقم 2 م نصر و الدخول من البوابه رقم 5
كراسة الشروط شرط للدخول لمعاينه السيارات بنادى الوفاء الملاصق لمبنى المخابرات العامه بكوبرى القبه.
و سعر الكراسه 200 و يسمح بالدخول لشخصان للمعاينه و احدهم
من سيدفع قيمة تأمين دول المزاد و قيمته 5000 ج

وديه صور الكراسة هو راح امبارح واشتري الكراسة وعملها اسكان علشان لو حد راح يبقي علي نور ان شاء الله








































اقعدووووا بالعافية :))

[SHNORY]

هههههههه
كل السيارات لم يسبق لها الترخيص
علشان كانت النمر اللي عليها بتتغير علطول وملهاش اي هويه
ومجنون مين حيوقف رجل مخابرات ويقوله رخصك

[horas3000]

تسلم ايدك

[khaled_yassin]

البيع بالعربيه الواحده؟؟

[sedyrohy]

الله ينور يا معلم
حصري حصري ولا رأفت الهجان في زمانه

[hugan]

تقريبا مفيش بيع فردي
لازم اللوط يتباع لوكشه واحده

[Ahmed_Adham]

يا جماعه الحاجات دي ليها تجار بيشفطوها وعارفين هما هيعملو بيها ايه. العربيات دي أكيد مفحوته شغل وبيركبها 100 واحد فى اليوم ده غير ان معظمها موديلات تسعينات يعني كيلومتر بالعبط.

معتقدش ان حد هيعرف ياخد عربيه من دول ده لو كانو هيعرضو كل عربيه لوحدها أصلا...

[yoko]

هههههههه
كل السيارات لم يسبق لها الترخيص
علشان كانت النمر اللي عليها بتتغير علطول وملهاش اي هويه
ومجنون مين حيوقف رجل مخابرات ويقوله رخصك

لأ ليهم رخص خاصة وبتبقى ملهاش ملف في المرور (ملفاتها بتفضل مع الإدارة)
ومتسألنيش عرفت منين

[Ahmed_Adham]

لأ ليهم رخص خاصة وبتبقى ملهاش ملف في المرور (ملفاتها بتفضل مع الإدارة)
ومتسألنيش عرفت منين

معنى كده اللي راكبين العربيات دي بيعملو اللي هما عايزينه وحدش هيحاسبهم بقى؟ يا حلاوه يا ولاد....

[Y a r i s]

انا دخلت المزاد ده زمان واشتريت منو بيجو ٥٠٥
كل العربيات لطات ... يعني خوردة وانتا هتخودها تشيدها .... هما بيشتروا العربيات من غير جمارك يعني بسعر التكلفة ولمن يجو يبوعوها كمان بيكسبوا فيها. يعني هما بيبيعوا العربيات الخردة دي بالتمن الي اشتروه بيه. من خلال مزاد علني شايف الاستيكراد .... عمرك شفت بلد بتستكرد شعبها زي دولتنا

ده حتى الي بيوقف على المزاد جايبين حتت دين وااااااد. يعرف ازاي يحمي الجلسة. وازاي يشعلل المزاد بتلاقي الحضور كتير. وهو ايوه نبدء المزاء ب ١٠.٠٠٠ جنيه ايوه مين قال ١١ ورى هلى اليمين ١٢ ورى على الشمال. ٢٠ للحج محمد. خمسين للحج شريف ايوه يالله ياجماعه دي عربية جامده لغايت مايوصل العربية السعر الي هو عاوزوا

لا وبيحطلك اول المزاد العربيات الشمنشة او الحوادث علشان عارف بداية المزاد الناس لسه مسخنيتش واول مالناس تسخن ينزل بقه الحجات الحلوة. .

[M.Elgergawy]

تسلم ايدك ومجهود جبااااااااااااار
ومفهومش غير الشيروكي الصراحة

[yoko]

معنى كده اللي راكبين العربيات دي بيعملو اللي هما عايزينه وحدش هيحاسبهم بقى؟ يا حلاوه يا ولاد....

ايوه ملهومش مخالفات ولو طلعت رخصة العربيه محدش بيسألك على رخصة السواقة
بس عن تجربه معظمهم مبيقلوش أدبهم في السواقة يعني أخرهم سرعة لكن تكسير على اس او قله أدب او الكلام ده مبيحصلش مش زي بتوع الشرطة الي شفته خبط ناس عمد عشان يوسع لنفسه

[Land_Cruiser]

هى كل عربيه لوط لوحدها حسب اللى مكتوب بس المشكله الحقيقيه هى أن العربيات دى فى الأغلب بتبقى مستهلكه و طالع عينها و فى مليون واحد بيسوقها و مش اى سواقه يعنى و طبعا العربيات دى بيتعمل لها صيانه فى ورش الدوله مفيش توكيل و لا يحزنون و ماشيه ببنزين ٨٠ يعنى حاجه كده شبه حاله عربيات الشرطه المسكينه اللى ماشيه ببركه دعاء الوالدين دى

[ahmed_eng2001]

ربنا يباركلك على النشر و الافادة

موضوع كويس جدا ....

بالرغم من اعتقادى الكبير ان فيه تجار متخصصين فى الموضوع ده ... و حيحاربوا اى حد غريب عنهم انه يدخل فى الموضوع ده ... الا انى ان شاء الله ححاول اشارك فى الموضوع ده ...

للمرة التانية حضرتك مشكور جدا جدا

[ahmedkoko]

هي مش المخابرات دي شغلها معظمه برا البلد. العربيات دي كلها بيعملوا بيها ايه؟؟