ماهو مستقبل قطع غيار الدايو بعد أفلاسها وبيعها للشيفورليه؟

[mido15]

ماهو مستقبل قطع غيار الدايو بعد أفلاسها وبيعها للشيفورليه؟وتأثيرها على السيارات نفسها يعني من الآمان ان انا اشتري دايو نوبيرا
ويا ترى ايه سبب الآفلاس المفاجأ ده.

[MMamdouh]

راجع الموضوع المثبت بقسم الدايو

MMamdouh

[sab3aawy]

سؤال وجيه جدا. بس مشكلته انه متأخر شوية، حوالى 5 سنوات

دايو اوتو افلست واشترتها جنرال موتورز مقابل ديونها فى عام 2003 ، وعلى ذلك استمرت دايرو تعمل فى كوريا تحت اسم جنرال موتورز دايو وحاليا مبيعاتها فى القمة بفضل سياسة جنرال موتورز القائمة على وضها علامات تجارية براقة على منتجات مصنع دايو مثل شيفروليه وبونتياك

مصنع دايو منذ انضمامه لشركة جنرال متورز العالمية لم يتوقف لحظة عن انتاج قطع غيار الموديلات القديمة من دايو، كما ان الموردين الأصليين الذين يصنعون قطع غيار دايو يقومون ببيعها لكل انحاء العالم، مثل بوش و كى واى بى ،الخ، وكذلك يوجد كم هائل من مصانع قطع الغيار التى تقوم بتصنيع قطع الغيار للسيارات الدايو

بالمناسبة فانه عند افلاس دايو وبيعها لجنرال موتورز منذ خمسة سنوات لم تشمل الصفقة مجموعة مصانع منها مصنع دايو مصر الذى لم يدخل تحت مظله جنرال موتورز لوجود مصنع لجنرال متورز فى مصر، ومثله مصنع رومانيا والذى ظل يمد مصنع مصر بالكثير من مكونات السيارات الدايو المنتجة محليا قبل ان يعرض للبيع وحاليا تفاوض شركة فورد على شرائه، ومصنع زاز الذى اشتراه مستثمرين محليين،
من المتوقع ان يتوقف مصنع مصر عن انتاج سيارات دايو قريبا، ليس للأفلاس والذى حدث منذ سنوات طويلة، ولكن لنهاية العقد المبرم بينه وبين دايو(جى ام دايو حاليا) لانتاج موديلاتها، وتوجه ادارة المصنع لتجميع موديلات شركة سيرى الصينية تحت اسم اسبرانزا

الخلاصة: دايو مفلستش النهاردة، دايو فلست واتباعت من 5 سنوات ومع كدة قطع غياره النهاردة ارخص بكتيييييييييير من قطع غيارها من 5 سنوات فاتت، لأن مش دايو ولا جنرال متورز هى الى بتعمل قطع الغيار ولكن آلاف الشركات المتخصصة فى قطع الغيار، ويكفى انك تعرف ان عربية زى السيات 133 والتى خرجت من على خطوط الانتاج من 26 سنة فاتت، والشركة الى كانت بتنتجها اتباعت لفولكس فاجن ولم يعد لها اى علاقة بهذة العربية المنقرضة اللى مش موجودة فى العالم كله غير فى مصر فقط طبقا لما هو مذكور فى الويكيبيديا، هذة السيارة لحد النهاردة لها قطع غيار بتيجى من عديد من شركات قطع الغيار فى اسبانيا والبرازيل وتايلاند والصين وتركيا ومصر ودول كتير تانية،

لذلك حط فى بطنك بطيخة صيفى، طول ما العربية فيه منها كتير ماشى فى الشارع طول ما هتلاقيلها قطع غيار بسهولة

[MMamdouh]

كلام من الاخر..

انا اقتبست ردك فى الموضوع المثبت بقسم الدايو لتعميم الفائدة

MMamdouh