استفسار عن الريداتير

[ganash]

عندنا عربيه سوزوكى فان لسه جايبنها الاسبوع الى فات النهارده بفتح الريداتير لقيت الميه لونها اخضر والقربه متزوده ميه حمرا ايه العمل دلوقت انا عاوز انزل الميه كلها واحط ميه جديده بس خايف احسن تكون الميه اتخلطت على بعض ومتنزلش كلها هل لو فتحت العصفوره الى فى الريداتير من تحت دى هتنزل كلها ؟؟ فى الكاتلوج مكتوب نوع الميه golden cruiser 1200 (ethylene glycol antifreeze) ايه بقا نوع الميه الكويس واللون ايه ؟؟

[abokoko]

لو المشكلة مجرد لون - فمفيش اساسا مشكلة وطنش

[mOuStaFa_ERTU]

المياه الحمراء دى المانية وحلوه اوى اوى
والخضرا برده حلوه ولو مفيش مشاكل سيبها كده احسن
متضمنش الجديده ايه اخبارها

[D . a .\ AYMAN]

تركيب المياه واحد لا يختلف وفق اللون .. اللون ده مجرد شكل فقط لتمييز ماركة عن التانية مش أكتر سيبها كدة .. إلا لو لاقيت لونها بقة أصفر أو بني يبقى كدة فيها صدأ على طول ولازم تغسل الدورة بمياه مقطرة كذا مرة .. وبعد كدة تحط مياه خضراء أو حمراء أي لون مش فارقة النهم التركيز بتاع المياه

[ganash]

جزاكم الله كل خير خلاص هسيبها كده طيب لو انا عوزت ازود ميه ازود لون ايه بقا d:

[D . a .\ AYMAN]

حط اللون اللى يعجبك ممكن موبيل الزرقا بقى عشان يبقى عندك كل الالوان


أنا قعدت فترة كنت حاطط موبيل الزرقاء وإيادا الخضراء ... ورابيدو وكانت حمراء

[ganash]

حط اللون اللى يعجبك ممكن موبيل الزرقا بقى عشان يبقى عندك كل الالوان


أنا قعدت فترة كنت حاطط موبيل الزرقاء وإيادا الخضراء ... ورابيدو وكانت حمراء

هههههههه فكره برده طيب ايه افضل ميه فيهم وياريت اسعارهم بعد اذن حضرتك

[D . a .\ AYMAN]

إيادا ورابيدوا جركن 5 لتر بـ 30 جنيه تركيز 10 %

موبيل 4 لتر بـ 75 جنيه عشان تركيزه بيكون أعلى تركيز 33 %