أربط عفشة والا أعمل ايه !

[os.a.ma]

معايا لانسر 2007 بس مع طرقنا الجميلة بقيت احس ان العربية مخلعة خصوصا لما بعدي على غطا بلاعة او المطبات الصغيرة بحس ان العجل الي قدام بيلق ....
هو انا اعرف ازاي ان عربيتي محتاجة تربيط والا موضوع التربيط ده بيتعمل دوري والا ايه ؟؟؟

[Eng.Geo]

روح لعفشجي هو هيقولك في ايه بالظبط
التربيط ده بيبقي حاجة دورية لو بتمشي في طرق مكسرة كتير ..... زي مصر كدة

[Sehsss]

تربيط العفشة بيتم فعلا بشكل دوري، كل 5 آلاف أو 10 آلاف كيلو، جرب ربط الأول ولو ما ظبطتش تشوف بعدها إيه المشكلة

[os.a.ma]

طب هو التربيط ده بيعمل في حدود كام ؟؟؟ ولو العربية مش محتاجة تربيط وعلمتلها تربيط هل لده غلط عليها؟؟

[Sehsss]

لا ولا غلط ولا حاجة هي لو مش محتاجة مش هاتتربط أساسا، وممكن تعمله عند ميكانيكي وتديله 10 أو 20 جنيها بالكتير

[os.a.ma]

انا انهردة لاحظت فيها حاجة بطلع مطب وأول مال العجل الي قدام ينزل بسمع صوت في العجلة الشمال زي مي يكون في حاجة مفكوكة وبعد ما العجل الي ورا ينزل بثواني بسمع صوت تقريبا في نص العربية او تحت الكنب كدة زي ما يكون حاجة فكت من مكانها ... الاصوات دي خفيفة اوي مبتبانش معايا غير لما اقفل الازاز .. بس انا حاسس ان العربية متفككة من تحت مش عارف ليه

[mem]

روح لعفشجى هو اللى هيطمنك لان ممكن يكون فى مسمار مهوى مسمار مقص مثلا او فيه جلده مقطوعة بتاعت المساعد مثلا الى اخره فشوف عفشجى شاطر وهو ها
وهيحل لك المشكلة

[semi]

طالما بتسمع صوت من العفشة يبقى غالباً عايزة تربيط
والافضل تروح لعفشجي يفك المساعدين ويبص على العفشة
لان في احتمال تكون بطاحة عايزة تتغير او اي حاجه
وعامة لو تربيط عفشة بس اخرهم 25 او 30 جنيه
بس خلي بالك ساعات بيحبوا يعملوا شغل وخلاص
يعني يقولك البارات بايشة مش عارف ايه عايز يتغير مش تسأل فيه