تحذير من بتاع الكواتش اللي عند موبيل بعد صان سيتي

[eng.m7md.ali]

النهاردة ماشي في الشيراتون وهاخد الاوتوستراد عشان اطلع على مدينة نصر حسيت ان الكاوتشة نايمة عندي قولت اشوف مالها
دخلت بنزينة موبيل اللي بعد صان سيتي مول وروحت لبتاع الكوتش
فك العجلة لقى فيها مسمار
قالي هعملهولك خبور قولتله لا الحمه عادي
اللحام بكام يا عم ؟؟ 25 جنيه ياباشا
نعم يا روح .... كام؟؟ 25 جنيه ياباشا
والخبور بكام يا حبيبي ؟؟ 10 جني
قولت مبدهاش بقى عملت خبور .. طبعا الباشا قبل مايكشف راح نفخ العجلة جامد شوية وانا توقعت الحركات الوسخة اللي بيعملوها
المهم فك المسمار وضرب الخابور لقيته بيحضر خبور تاني
قولتله بتعمل ايه يا حبيبي؟؟ قالي اصل الخرم ده كبير ولازم 2 خبور
قولتله لا كفايا واحد بس
المهم جاب المية بصابون تاني ورش علي المكان ده مكانش في تسريب ولا حاجة
دي اول اشتغالة
تاني اشتغالة .. الباشا رش مية تاني كتير وطلعلي 3 اخرام كمان
قالي بص كدة ياباشا .. ادي خرم اهو وادي التاني والتالت .. طبعا الاخرام مكانتش اخرام ولا حاجة دي مجرد هو طالع من المسام ومش ملحوظة خالص غير اللي يدقق فيها
قولتله ركب العجلة بقى مش هعمل حاجة تاتي
وانا ماشي حسيت بدبدبة قولت اكيد البأف نفخ العجلة على الاخر وقد كان فعلا روحت لبتاع كاوتش قولتله شوفلي العجلة دي على كام لقاها 47 مش 28 زي ماكنت قايل للتاني
حسبي الله ونعم الوكيل في ............ دي
خلو بالكو

الرجاء مراعاة إختيار الألفاظ
م ع 3

[S O P H O S]

مشكوورر علي التنبيه
بس مدام لقيته كده كنت ركبت الاستبن وعملته عند حد تاني ..

[beshomilan]

بس مدام لقيته كده كنت ركبت الاستبن وعملته عند حد تاني ..

صح

[dr.hazem]

حسبنا الله ونعم الوكيل

[khaled_legend]

هي فئه الصنايعيه دي مش ناويه تمشي بما يرضي الله بقه ؟ دي اكتر ناس بتعمل فلوس في مصر :)

[Yasser Selim]

النهاردة ماشي في الشيراتون وهاخد الاوتوستراد عشان اطلع على مدينة نصر حسيت ان الكاوتشة نايمة عندي قولت اشوف مالها
دخلت بنزينة موبيل اللي بعد صان سيتي مول وروحت لبتاع الكوتش
فك العجلة لقى فيها مسمار
قالي هعملهولك خبور قولتله لا الحمه عادي
اللحام بكام يا عم ؟؟ 25 جنيه ياباشا
نعم يا روح .... كام؟؟ 25 جنيه ياباشا
والخبور بكام يا حبيبي ؟؟ 10 جني
قولت مبدهاش بقى عملت خبور .. طبعا الباشا قبل مايكشف راح نفخ العجلة جامد شوية وانا توقعت الحركات الوسخة اللي بيعملوها
المهم فك المسمار وضرب الخابور لقيته بيحضر خبور تاني
قولتله بتعمل ايه يا حبيبي؟؟ قالي اصل الخرم ده كبير ولازم 2 خبور
قولتله لا كفايا واحد بس
المهم جاب المية بصابون تاني ورش علي المكان ده مكانش في تسريب ولا حاجة
دي اول اشتغالة
تاني اشتغالة .. الباشا رش مية تاني كتير وطلعلي 3 اخرام كمان
قالي بص كدة ياباشا .. ادي خرم اهو وادي التاني والتالت .. طبعا الاخرام مكانتش اخرام ولا حاجة دي مجرد هو طالع من المسام ومش ملحوظة خالص غير اللي يدقق فيها
قولتله ركب العجلة بقى مش هعمل حاجة تاتي
وانا ماشي حسيت بدبدبة قولت اكيد البأف نفخ العجلة على الاخر وقد كان فعلا روحت لبتاع كاوتش قولتله شوفلي العجلة دي على كام لقاها 47 مش 28 زي ماكنت قايل للتاني
حسبي الله ونعم الوكيل في ............ دي
خلو بالكو

القاعدة المعروفة متروحش لبتاع كاوتش في محطة بنزين غالبا 200% بيبقوا حرامية

[john55]

واحد صاحبي في بنزينه في مدينه قليوب طلعله من العجله الاستبن 10 اخرام شفت عمل ايه هوسانن القطعه اللي بيفك بيها البلف من الناحيه الاخري لو انت باصص علي ناحيه اخري يبدا في تخريم الكاوتش والحمد لله دفع 90 جنيه زي الباشا يصراحه كنت هتخانق معاه لانه اضحك عليه الضمير معدوم

[ELBEH]

النهاردة ماشي في الشيراتون وهاخد الاوتوستراد عشان اطلع على مدينة نصر حسيت ان الكاوتشة نايمة عندي قولت اشوف مالها
دخلت بنزينة موبيل اللي بعد صان سيتي مول وروحت لبتاع الكوتش
فك العجلة لقى فيها مسمار
قالي هعملهولك خبور قولتله لا الحمه عادي
اللحام بكام يا عم ؟؟ 25 جنيه ياباشا
نعم يا روح .... كام؟؟ 25 جنيه ياباشا
والخبور بكام يا حبيبي ؟؟ 10 جني
قولت مبدهاش بقى عملت خبور .. طبعا الباشا قبل مايكشف راح نفخ العجلة جامد شوية وانا توقعت الحركات الوسخة اللي بيعملوها
المهم فك المسمار وضرب الخابور لقيته بيحضر خبور تاني
قولتله بتعمل ايه يا حبيبي؟؟ قالي اصل الخرم ده كبير ولازم 2 خبور
قولتله لا كفايا واحد بس
المهم جاب المية بصابون تاني ورش علي المكان ده مكانش في تسريب ولا حاجة
دي اول اشتغالة
تاني اشتغالة .. الباشا رش مية تاني كتير وطلعلي 3 اخرام كمان
قالي بص كدة ياباشا .. ادي خرم اهو وادي التاني والتالت .. طبعا الاخرام مكانتش اخرام ولا حاجة دي مجرد هو طالع من المسام ومش ملحوظة خالص غير اللي يدقق فيها
قولتله ركب العجلة بقى مش هعمل حاجة تاتي
وانا ماشي حسيت بدبدبة قولت اكيد البأف نفخ العجلة على الاخر وقد كان فعلا روحت لبتاع كاوتش قولتله شوفلي العجلة دي على كام لقاها 47 مش 28 زي ماكنت قايل للتاني
حسبي الله ونعم الوكيل في ............ دي
خلو بالكو

ده انتى كده طلعت ناصح امال انا اعمل اه نزلت من البيت لقيت العجلتين مريحين روحت بنزينة شل اللى فى شارع التسعيين بالتجمع الخامس الراجل لبسنى 6 خوابير و أنا زى الباشا على العموم حسبى الله و نعمة الوكيل فى كل من ييقبل فلوس حرام على نفسه و لا على عياله.

و هحكيلك على قصه حصلت مع واحد صاحبى امبارح هوه معاه نوبيرا 1 كان حاسس ان صوت الموتور عالى شويه فاراح للميكانيكى قاله احتمال كبير يبقى الشكمان فراح لواحد بتاع شكمانات فى صقر قريش اللى فى الحى العاشر الراجل فك علبة الشكمان بيبص على علبة البيئه لقى اههههههه الصنايعى اللى كان مركبله علبة الشكمان من 3 شهور شالة علبة البيئة و حطله ماسوره حديد بدلها تخيل صاحبى اعد مذهول 3 ساعات و اعد يتحسبن على الصنايعى.السمه الغالبة للشعب المصرى دلوقتى قلت الضمير و اللى يعرف يقلب حاجه من حد يقلبها و متزعلش نفسك ربنا بيسيبش حد.و ربنا يسترها معانا كلنا ان شاء الله.

[المنسي]

حصلت معايا وكانت الفردة الصبح مزوها من بنزينة شل اللى قبل نزلة السويس وانت جاى من المعادى المهم رحت شغلى وتمام وجيت اخر اليوم وانا مروح لقيتها سنة وتبقى على الارض مشيت بيها وفضلت ادور على بتاع كاوتش لقيت بنزينة موبيل بعد سوق العبور وبسال على بتاع كاوتش قالولى فيه واحد جنب البنزينة المهم قلبني فى 60 جنيه ساعتها 3 خوابير وبلف قاللى ده كمان البلف ده صيني وده المانى وقعد يحور عليا وانا طبعا علشان عايز اروح وخارج من الشغل تعبان ومكنتش شايف قدامى دفعتله 50 جنيه وقلتله هما دول ومعييش غيرهم ومكنتش اعرف الحركات بتاعتهم دى

[HeMa_LanCeR]

هو اصلا المفروض لما يقولك لحام 25 جنية تاخد بعضك وتمشي :)

[adelghanem]

حسبى الله ونعم الوكيل..

[lanos2004]

المعفن دة زود ليا العجل 45 وكنت ماشى على صابون
عند اقرب محل كاوتش ظبطت الدنيا-

[pepovw]

حصل معايا نفس الموضوع ده على الدائرى وكنت مضطر ادخل بنزينه على الدائرى... وقعت مع مع واحد حرامى وش ودمر فردة الكاوتش الجديدة اللى كانت لسه مركبها.... حسبى الله ونعم الوكيل

[khalid_adel]

الحل للامور دي
انك تجيب منفاخ هو من اللي بيتوصل بولاعه العربيه لو نزلت في اي منطقه غريبه لقيت الكاوتش مريح وصل المنفاخ وزود شويه لحد ماتوصل لمركز كاوتش محترم زي بريدجستون او اللي انت تعرفه
انا مره نزلت لقيت الكاوتشه علي الجنط تماما كان حد هواها قاصد وصلت المنفاخ وملاها بسرعه والحمد لله ومشيت مشواري عادي الحمد لله

[ayman2]

الحل للامور دي
انك تجيب منفاخ هو من اللي بيتوصل بولاعه العربيه لو نزلت في اي منطقه غريبه لقيت الكاوتش مريح وصل المنفاخ وزود شويه لحد ماتوصل لمركز كاوتش محترم زي بريدجستون او اللي انت تعرفه
انا مره نزلت لقيت الكاوتشه علي الجنط تماما كان حد هواها قاصد وصلت المنفاخ وملاها بسرعه والحمد لله ومشيت مشواري عادي الحمد لله

تمام أنا عندى الكمبروسور ده وعندى كمان عداد ديجيتال للكشف على الكاوتش لأن معظم اجهزه القياس عند بتوع الكاوتش بتبقى مش متعايره كويس حتى بريدجستون عباس العقاد (كالتكس) كان مش مضبوط ... وربنا يستر طريقنا جميعا