محتار بس لازم اختار

[abdalla2000]

السلام عليكم على احلى اعضاء واحلى منتدى وكل عام وانتم بخير
نخش فى الموضوع على طول انا مقبل على شراء عربيه جديده ومحتار من فتره كبيره وطلبت نصيحتكو كتير بس لسه منفذتش بس خلاص نويت انفذ إن شاء الله فى خلال شهر كده وانا بركب عربيات من زمان وتقريبا ركبت معظم العربيات الى فى السوق

وكان كل تركيزى منصب على اليابانى فى الفتره القادمه وهيكون غالبا مستعمل عشان مطولش عليكم كنت خلاص نويت على لانسر بومه وهى فى حدود امكانياتى وانا اخرى 90 الف قلت اجيب حاجه نضيفه وموديل عالى سوبر اكشن وكده وهتبقى صيانه لذيذه واعتماديه زى مبتقولو بعدين حطيت فى دماغى كورولا 2007 بس طبعا لسعرها الاوفر والى راكبها مبيحبش ينزل منها فيغنى فى الاسعار طب انا ذمبى ايه انها مريحاك اروح اشترى عربيه ماشيه بقلها 5 سنين تقريبا بتمنها لما نزلت زيرو حرام

عموما اخر حاجه جت فى الصوره قدامى السيراتو طبعا انا بيهمنى الاعتماديه بس دا ميمنعش انى بطلب بعض الكماليات فلقتها هتقدملى كل الكماليات الى انا عاوزها بس السؤال بقى هو الاعتماديه وهل بتستحمل البهدله زى اليابانى كده طبعا لا خلاف عليها فى الكماليات والشكل الخارجى
وغالبا برده هشتريها مستعمله بس طبعا هتكون موديل اعلى من اللانسر او التويوتا وهل لو كانت استعمال سنتين او اكتر دا بيأثر عليها جامد انا عارف طبعا انه حسب الاستخدام بس الناس الى جربتها ومعاها بقالها فتره هل فعلا عربيه معمره وقطع غيارها اخبارها ايه معمره ولا لا وهل شغلها كله وكيل فقط ولا فى ناس بدأت تشتغل فيها لانها منتشره جدا عندنا فى المنصوره وهل مريحا فى السفر واقرب لاى عربيه فى الركوب اللانسر او الكورولا ولا اقل من الاتنين؟
انا عارف انى طولت عليكم كتير بس ياريت تقرأو كلامى كله بتمعن عشان تقدروا تفيدونى وشكرا

[dodopop2]

خليك فى لانسر قرش موديل 2008 - 2009 ثبااات راااحة فى السفر كماليات كتير مش فقيرة زى البوما الكيا متعبة فى السفر عن تجربة كيا سيراتو 2011 لمدة 3 شهور

[AlGazar2]

انت استخدامك سفر و عايز حاجة اعتمادية و فيها رفاهيه بس قبل كده كله لازم الثبات و عوامل الامان و دول اللانسر و الكيا مش احسن حاجة فى السعر ده فيهم

ممكن تشوف الامبريزا الشيب القديم 2009 و دى اعتماديتها كويسه بس لازم لها متخصصين فى الصيانات التقيله و قطع غيارها الاصليه زى اللانسر بس كثبات و امان زيها زى الالمانى

او تشوف ميجان موديل حديث او حاجة اوروبى احسن من اللانسر و الكورولا و السيراتو بكتير و هتبقى كسبت عربيه محترمه بسعر اقل من قيمتها الحقيقية

[د.اشرف هنداوى]

اللانسر اكيد افضل من السيراتو و فعلا الشارك افضل من البومة

لو زيرو ممكن تزود حاجة بسيطة و تجيب جين 2 ب 96000 او كسر زيرو اقل بحوالي 10 الاف____ ثابتة جدا + فيها كل وسائل الأمان

[shaaban2008]

مافكرتش في الكارينز ليه ياباشا ؟؟؟؟؟؟؟؟

[semi]

موضوع التويوتا ده مش عشان العربية كويسة ولا حاجه
في ناس كتير راكبه عربيات تحفة ومريحاها وبنفس الوقت سعرها مش مبالغ فيه
المشكلة كلها بالتجار هما اللي بيطلعوا اشاعات ويخلوا عربيات بعينها سعرها فوق وعربيات سعرها واقع
فسيبك خالص من موضوع التويوتا ده اكيد في عربيات زيها واحسن مها
وارشح لك اللانسر طبعا والبومة انا شايف انها محققة نجاح كبير في السوق المصري
فده معناه ان الصيانة موجودة وقطع الغيار متوفرة
حتى اني شوفت بومة نازلة 2013 بجانب الشارك وده يدل على نجاحها بالسوق المصري
وموضوع الكيا سيبك منه برضه هاتلك عربية تعيش معاك وتعرف تبيعها من غير ما تخسر فيها
تاني ترشيح لك هي الاوكتافيا عربية تحفة بكل المقاييس ممكن تجيبلك واحدة a4 موديل جديد ب90 الف
عربية تحفة فعلا لازم تجربها بس قطع الغيار اعتقد غالية بخلاف البوما

[abdalla2000]

خليك فى لانسر قرش موديل 2008 - 2009 ثبااات راااحة فى السفر كماليات كتير مش فقيرة زى البوما الكيا متعبة فى السفر عن تجربة كيا سيراتو 2011 لمدة 3 شهور

دخلا دماغى جدا العربيه دى بس للاسف انتشرها مش عجبنى وكمان سعر اعادة البيع دا غير طبعا قطع غيار غاليه جدا بشهادة ملاكها غير طبعا مشكلة المكنه ال1500 سىسى بيقولو فيها مشاكل

وشكرا ياباشا لردك

[abdalla2000]

مافكرتش في الكارينز ليه ياباشا ؟؟؟؟؟؟؟؟

هى فعلا واسعه جدا وجميله بس بحسها عواجيزى شويه
شكرا لردك

[mem]

انا ارجح لك وعن تجربة واللى يتوافق مع شوارعنا الجميلة
وفوق ده كله راحة وامان وثبات واعتمادية وقطع غيار متوفره
نيسان صنى 2010

[abdalla2000]

انا ارجح لك وعن تجربة واللى يتوافق مع شوارعنا الجميلة
وفوق ده كله راحة وامان وثبات واعتمادية وقطع غيار متوفره
نيسان صنى 2010

هى فعلا عربيه جميله بس كلاسيكى شويه وكمان الشكل الجديد نزل وبرده مش عجبنى ازواق يعنى وكمان بيقولو تقفيلها مصرى وفيها بعض المشاكل

وسعيد جدا بوجودك واضافتك

[mem]

هى فعلا عربيه جميله بس كلاسيكى شويه وكمان الشكل الجديد نزل وبرده مش عجبنى ازواق يعنى وكمان بيقولو تقفيلها مصرى وفيها بعض المشاكل

وسعيد جدا بوجودك واضافتك

هى فعلا حضرتك ازواق ولكن احب اوضح لحضرتك ان التقفيل المصرى لا يعيبها اطلاقا ولم يشتكى
احد من التقفيل المصرى وكمان توكيلتها فى منتهى الاحترافية والجوده والاهتمام بالعميل
ولا يوجد بها مشاكل كما تقول حضرتك لان العربية معى ومع كثيير من اصدقائى فما المشكلات التى تعرفها عنها حضرتك

[abdalla2000]

هى فعلا حضرتك ازواق ولكن احب اوضح لحضرتك ان التقفيل المصرى لا يعيبها اطلاقا ولم يشتكى
احد من التقفيل المصرى وكمان توكيلتها فى منتهى الاحترافية والجوده والاهتمام بالعميل
ولا يوجد بها مشاكل كما تقول حضرتك لان العربية معى ومع كثيير من اصدقائى فما المشكلات التى تعرفها عنها حضرتك

انا بتكلم طبعا عن الشكل الجديد وطبعا معروف ان التقفيل المصرى بيكون اقل جوده مش زى طبعا ما الخواجه يقفلها دى نقطه بالنسبه للعيوب فهى فى الشكل الجديد عيب فى الفتيس الاتوماتيك

[mem]

انا بتكلم طبعا عن الشكل الجديد وطبعا معروف ان التقفيل المصرى بيكون اقل جوده مش زى طبعا ما الخواجه يقفلها دى نقطه بالنسبه للعيوب فهى فى الشكل الجديد عيب فى الفتيس الاتوماتيك

انا بتكلم عن الشكل القديم اما الجديد صراحة انا ما سمعتش عن مشكلة فى الفتيس فمش هقدر ارد على موضوع الفتيس ده لانى ليس لدى معلومات كثيرعن الشكل الجديد
اما الشكل القديم بالنسبة للتقفيل المصرى انا اواكد لحضرتك ان لا فرق بين التقفيل المصرى وتقفيل الخواجه سورى حضرتك احنا عندنا عقده الخواجه ليس اكثر لان الخواجة مش هيسمح ان عربية تخرج من مصنعه تسيى له وتخسره وتقلل من سمعه وعراقه شركة مثل نيسان فهو بالتاكيد لو مش عارف ان التقفيل المصرى هيكون زى المصنع ما كنش هيغامر ويعمل وكاله له فى مصر من الاساس

[Mamoud salah H]

بوما سوبر اكشن 2007:2008
اوبل فيكترا 2007
بي ام 318 2000:2001
رينو ميجان 2008:2010

لو ليك في الهاتشباك يبقي
اوبل استرا 2007
فيات بونتو ايفو او جراند

[bassemali]

أنا شايف أن حرام تدفع 90 الف ف مستعمل هات الصني الجديده أو البروتون البيرسونا زيرو أحسنلك والبروتون عن تجربه مع أخويا من 2010 إعتماديه وثبات وهايله وأخويا كمان راكب الساجا مش البرسونا وتوكيلها نظيف أتحسن جدا عن زمان ده رأيي بصراحه ولو عايز مستعمل يبقى الانسر بومه أو الهيونداي ألنترا أو العظيمه أوكتافيا