رخصى اتسحبت :(

[ISLAMNOSSIR]

رخصي اتسحبت من اسبوع فى طنطا بسبب الفاميه و العربيه مرور جيزه.
هل اروح مرور الجيزه استلمها ام فى مكان تانى؟
هل اشيل الفاميه اللى على الزجاج الخلفى ولّا الحرارى هيبوظ و افك الزينون ولا مش مشكله ؟؟؟

[Elawany13]

أمشى صح احسن
بلاش مخالفات علشان مصلحتك ومصلحة غيرك
وابدأ بنفسك ومتقولش اشمعنى

[ISLAMNOSSIR]

أمشى صح احسن
بلاش مخالفات علشان مصلحتك ومصلحة غيرك
وابدأ بنفسك ومتقولش اشمعنى

لما الطرق تبقي منوره بليل ابقى اشيل الزينون عن اقتناع, الفاميه مش مشكله

[eng.m7md.ali]

انا بعدي عادي على الكماين بالفاميه الخلفي من غير الجناب ومحدش بيكلمني
هو انت مفيم العربية كلها ولا ايه؟

[haissam24h]

عرتبيك اعتقد هتخش فحص تانى عشان يتاكد انك شلت الفاميه
وانسى انك تضيفه على الرخصه

الا لو عربيته نازله من بلدها ومكتوب فى الورق زجاج ملون

[Gladiator2012]

معلش سامحونى على جهلى بس هو الزينون مش قانونى ولا اية؟؟؟

[Ahmed_Adham]

لما الطرق تبقي منوره بليل ابقى اشيل الزينون عن اقتناع, الفاميه مش مشكله

الزينون اللي مبيبقاش أصلي فى العربيه بيبقى رديء وبيضايق اللي جاى فى الاتجاه المعاكس لأنه غير مطابق للمواصفات يعني كل واحد بيركبه بيبقى بيفكر في نفسه وطظ فى الناس. فكر ازاى الزينون الاصلي اللي بينزل فى العربيات بيبقى ب 10 تلاف و 20 الف ويتجاب فى عربيه تانيه مش أصلي ب الف ولا اتنين (م عارف سعره كام بالتحديد بصراحه).

[Gladiator2012]

الزينون اللي مبيبقاش أصلي فى العربيه بيبقى رديء وبيضايق اللي جاى فى الاتجاه المعاكس لأنه غير مطابق للمواصفات يعني كل واحد بيركبه بيبقى بيفكر في نفسه وطظ فى الناس. فكر ازاى الزينون الاصلي اللي بينزل فى العربيات بيبقى ب 10 تلاف و 20 الف ويتجاب فى عربيه تانيه مش أصلي ب الف ولا اتنين (م عارف سعره كام بالتحديد بصراحه).

شكراُ على الرد
انا كنت فاكر الزينون عموما ممنوع بس كدة الموضوع بقى واضح بالنسبالى :)

[eng.m7md.ali]

الزينون اللي مبيبقاش أصلي فى العربيه بيبقى رديء وبيضايق اللي جاى فى الاتجاه المعاكس لأنه غير مطابق للمواصفات يعني كل واحد بيركبه بيبقى بيفكر في نفسه وطظ فى الناس. فكر ازاى الزينون الاصلي اللي بينزل فى العربيات بيبقى ب 10 تلاف و 20 الف ويتجاب فى عربيه تانيه مش أصلي ب الف ولا اتنين (م عارف سعره كام بالتحديد بصراحه).

مش شرط ياباشا
المفروض اي عربية بتنزل فيها زينون بتكون نازلة ببروجيكتور في الفوانيس عشان ميضربش في عين اللي قدامك .. اما المتبع عندنا هنا الناس بتركبه في فوانيس الفيرنا واللانسر من غير بروجيكتور يعني صباح العمى
وفي عربيات بتنزل ببروجيكتور في الفوانيس بس من غير زينون زي عربيتي كدة وده اهون كتيييييييير جداً من اللي مش عنده البروجيكتور
يعني المفروض المرور يسمح بالزينون للي مركب العدسات دي عشان ميضايقش حد بس المخ التعبان بقى بتاع المسئولين

سعر الزينون بالظبط بيبدأ من 150 جنيه للصيني :)

[akmm]

؟؟؟؟؟؟؟؟؟؟؟؟؟؟؟؟؟

[Ahmed_Adham]

مش شرط ياباشا
المفروض اي عربية بتنزل فيها زينون بتكون نازلة ببروجيكتور في الفوانيس عشان ميضربش في عين اللي قدامك .. اما المتبع عندنا هنا الناس بتركبه في فوانيس الفيرنا واللانسر من غير بروجيكتور يعني صباح العمى
وفي عربيات بتنزل ببروجيكتور في الفوانيس بس من غير زينون زي عربيتي كدة وده اهون كتيييييييير جداً من اللي مش عنده البروجيكتور
يعني المفروض المرور يسمح بالزينون للي مركب العدسات دي عشان ميضايقش حد بس المخ التعبان بقى بتاع المسئولين

سعر الزينون بالظبط بيبدأ من 150 جنيه للصيني :)

انا بصراحه مش فاهم قوي في فنيات الفوانيس لكن لاحظت ان الزينون اللي متركب في العربيات الغاليه زي المرسيدس والبي ام وأودي أو اللي بلاقيه في عربيه مش غاليه قوي بس نازل فيها الزينون فابريكه بلاقيه مش متعب للنظر لكن اللي بيركب زينون مكنش موجود فى العربيه (وفي الغالب بتكون عربيات قديمه شويه ورخيصه بما ان محدش هيجيب عربيه جديده ويلعب في كهربتها كده) بيبقى مزعج جدا وخصوصا لما تقابله وش في وش في شارع جانبي في الحاله دي أنا بقف خالص وأدير وشي على جنب واسيبه هوه يعدي براحته.

[midooo_119]

لو مركب تونجسرام تزعل الى مركب زينون

[misry]

أعتقد انك تروح تاخدها من مرور طنطا لأنه مرة اتسحبت رخصة جوز اختي -ملاكي منوفية- في طنطا

وخدناها من مرور طنطا ... وياريت لو حد يعرف اكتر يفيدنا برده

[eng.m7md.ali]

انا بصراحه مش فاهم قوي في فنيات الفوانيس لكن لاحظت ان الزينون اللي متركب في العربيات الغاليه زي المرسيدس والبي ام وأودي أو اللي بلاقيه في عربيه مش غاليه قوي بس نازل فيها الزينون فابريكه بلاقيه مش متعب للنظر لكن اللي بيركب زينون مكنش موجود فى العربيه (وفي الغالب بتكون عربيات قديمه شويه ورخيصه بما ان محدش هيجيب عربيه جديده ويلعب في كهربتها كده) بيبقى مزعج جدا وخصوصا لما تقابله وش في وش في شارع جانبي في الحاله دي أنا بقف خالص وأدير وشي على جنب واسيبه هوه يعدي براحته.

هقول لحضرتك
عندنا مثلا عربية زي الجيتا بتنزل بكذا فئة
منهم فئة بزينون ومنهم فئة من غير
هتلاحظ حضرتك ان في اختلاف بين الفانوسين لان اللي بزينون بيبقى فيها عدسة واللي من غير بيبقى فانوس عادي
العدسة دي بتجمع الزينون وتركزه في الارض اكتر مايكون في وش اللي قدامك
ده بالظبط اللي المفروض يحصل من المرور انه ميسحمش بتركيب زينون غير للعربيات اللي فيها عدسات وده بيكون ممكن فبريكا او بيتم تعديل في الفانوس نفسه والتعديل بيحصل في كل العربيات سواء قديم او جديد
وكمان متنساش ان درجة الزينون بتفرق في موضوع الضرب في العين بمعنى ان العربيات المرسيدس او اللي بينزل فيها الزينون فبريكا بيبقى قوة الزينون 4300 كيلفن اما الناس اللي بتركب زينون ومنهم انا كنت مركبه 8000 - 6000 - 12000 كيلفن وكل مايزيد عن 4300 كل مايبقى مؤذي اكتر بس طبعا البروجيكتور ليها عامل كبير في موضوع تركيز الزينون زي ماقولتلك

[Ahmed_Adham]

هقول لحضرتك
عندنا مثلا عربية زي الجيتا بتنزل بكذا فئة
منهم فئة بزينون ومنهم فئة من غير
هتلاحظ حضرتك ان في اختلاف بين الفانوسين لان اللي بزينون بيبقى فيها عدسة واللي من غير بيبقى فانوس عادي
العدسة دي بتجمع الزينون وتركزه في الارض اكتر مايكون في وش اللي قدامك
ده بالظبط اللي المفروض يحصل من المرور انه ميسحمش بتركيب زينون غير للعربيات اللي فيها عدسات وده بيكون ممكن فبريكا او بيتم تعديل في الفانوس نفسه والتعديل بيحصل في كل العربيات سواء قديم او جديد
وكمان متنساش ان درجة الزينون بتفرق في موضوع الضرب في العين بمعنى ان العربيات المرسيدس او اللي بينزل فيها الزينون فبريكا بيبقى قوة الزينون 4300 كيلفن اما الناس اللي بتركب زينون ومنهم انا كنت مركبه 8000 - 6000 - 12000 كيلفن وكل مايزيد عن 4300 كل مايبقى مؤذي اكتر بس طبعا البروجيكتور ليها عامل كبير في موضوع تركيز الزينون زي ماقولتلك

بس كده نبقى بنطلب لبن العصفور لما نبقى عايزين امين الشرطة ولا الظابط اللي واقف في كمين يعرف الفرق بين الفانوس اللي فيه بروجيكتور واللي مفيهوش. ده مبيعرفوش العربيه اللي بتنزل بفاميه فابريقه الا لما يشوف الرخصه!