إعـــــــلان

Collapse

.

,
See more
See less

دخلت في عربية وعايز اعرف مين اللي غلطان

Collapse
X
 
  • Filter
  • الوقت
  • Show
Clear All
new posts

  • #31
    بس المفروض ان أى U-Turn على طريق سريع فيه حارة إبطاء فـ دخلته، وحارة "إسراع" فـ الطلعة.. واحدة؛ يعنى فيه أولويات للمرور.. والشخص ده كان لازم يستناه!!

    وفعلا لما تكون العربيات جاية سريعة -طايرة..
    الواحد بيحاول يطلع موازى ليهم فـ حارة الإسراع.. لحد ما ياخد سرعته ويقدر يجاريهم ويلحم فـ الحارة الشال من الطريق الأساسى؟!!
    يعنى.. بياخد اليوتيرن: ضيق-واسع-ضيق، بيستخدم/بيستفيد بعرض اليوتيرن كله
    (طبعا ده لو فاضى)!

    - الصراحة ماهو غلط جدا بردو انك تاخد الملف عـ الضيق.. وتطلع عـ الواسع فـ عرض الطريق، وبوز العربية فـ الشارع؟!!!
    (حط نفسك مكان اللى جاى Straight فـ السريع وتلاقى واحد تييييييييت قاطع عليك الحارة)؟؟!!!

    - الكلام ده جوه البلد فـ الزحمة -وبردو بتعملها بحذر وتستنى واحد يقفلك أو يهديلك تطلع قدامه.. لكن مش على highway؟؟

    بصرف النظر بقى عن تصميم الطريق و الـu-turn غلط، والصح أيه فـ القانون!

    الأستاذ semi غلطته بس -فـ رأيى: ان رجله سبقت عينه؟؟!!!
    - حتى لو ماكنتش شايفه بطرف عينك فـ المراية...
    المفروض فـ آخر الملف -وانت بتعدل- تبص قبل ما تكبس بنزين (فـ أجزاء من الثانية) ماينفعش تكبس الأول، وماينفعش الإثنين مع بعض.. لازم قبلها بلحظة عينك تسبق!!
    حتى عشان تلحق تفرمل لو لقيت بنى آدم -زى كده- جايلك من dead/blind-spot؟؟!!!

    Rgds،
    [CENTER][SIGPIC][/SIGPIC]

    [/CENTER]

    Comment


    • #32
      المشاركة الأصلية كتبت بواسطة semi مشاهدة المشاركة
      السلام عليكم ورحمة الله

      امبارح كنت ماشي وعندي احساس كده ان العربية هتزعل النهاردة
      الله اعلم جالي منين الاحساس ده بس كانت حاجه عمالة تلح علي
      وحصل فعلا ان العربية اتخبطت والحمد لله من قبل ومن بعد ان الموضوع كان بسيط
      بس اللي حصل بعد كده مش ظريف وقفت مع الراجل وكان مصمم اني غلطان
      وانا كنت مصمم اني مش غلطان هو يتكلم وانا اتكلم ومختلفين تماماً
      وانا حاسس اني مش غلطان بس برضه خايف اكون ظلمته
      المهم انا خلصت الموضوع لانه طول تقريبا لنص ساعة اني اصلح له عربيته ويتحمل معايا نص التكلفة
      وده بعد عرض ان كل واحد يصلح عربيته وهو رفض
      المهم انا نفسي اعرف مين اللي غلطان فينا وعايزكم ياجماعة تحكموا بالعدل
      وهقولكم اللي حصل بالظبط

      انا كنت داخل ملف يوتيرن ودخلت ومفيش اي حد معايا وخدت الملف على الواسع
      وكنت باصص وتركيزي كله على اللي جاي سريع
      من ناحية اليمين ومش بصيت خاااالص شمالي في المراية
      قمت دخلت كاسر عشان ابقى في اول حارة جنب الرصيف واعرف امشي
      لقيت فجأة دررررب وجنبي عربية عدلت نفسي ونزلت
      الخسائر خبطة عندي في الرفرف الشمال ومش عارف افتح بابي لكن عدلتها شوية
      وعنده خبطة في الاكصدام دخلت لجوه مع شرخين حولين الخبطة
      عربيته دايو شكلها خليجي وبيقولي اكصدام غالي ومش عارف ايه
      انا قولتله انت المفروض مكنش تكبس علي كده واني لي الافضلية طالما واخد الملف على الواسع
      وانك طالما جت جنبي كده كان المفروض تزمر تعمل اي حاجه لان طبيعي تركيزي كله على اللي جاي سريع
      قام رادد علي انا كنت واقف اعملك ايه يعني وقعدت ابص عليك بشوفك هتعمل ايه !!!
      ودي صورة لمحاولة شرح اللي حصل بالظبط

      انا شايف انك انت الغلطان

      طالما اليوترن يساع عربيتين يبقى كل واحد يمسك حارتة و يلتزم بيها و مفيش اى حاجة تفرض على باقى السواقين انهم ميخشوش اليوترن معاك خالص طالما اليوترن يساع اكتر من عربية جنب بعض و بشرط كل واحد يلزم حارتة

      لو فرض و انت قلقان من السريع يبقى كان من الاول تمسك الحارة الضيقة عشان تبقى فى ابعد نقطة عن اللى جايين فى الطوالى... و غالبا محدش بيمسك الحارة الخارجية الا اللى داخل يمين على طول بعد اليوترن (حالة متكررة فى يوترنات شارع جامعة الدول العربية)

      و لو معملتش دة و فكرت تنقل للحارة الديقة يبقى الاول تبص فى مرايتك اليمين و تشوف اذا كان فيه حد اصلا فى الديقة ولا لا... مينفعش تنقل من حارة لحارة من غير ما تبص فى مرايتك... و مينفعش تفترض ان مفيش عربيات ماشية معاك فى الطريق.. حتى لو انت معتقد ان غلط ان حد يخش جنبك... توقع خطاء الغير

      و لو فرض و فية حد فى الضيقة زى حالتك يبقى قدامك حل من الاتنين... اما تكبس و تدخل مع الطولى و انت و حظك... و اما تهدى لما اللى فى الديقة يعدى و تدخل وراه فى الفاضى... انت عملت خليط بين الاتنين و فضلت تفضل كابس و تمسك الضيقة فا دخلت فى اللى كان جنبك

      من وجهة نظرة هو: هو كان داخل اليوترن فى الحارة الشمال الفاضية الضيقة و هو فى وسط او ثلاث ارباع الملف اللى جنبة رمى علية و حشرة بينة و بين الرصيف

      MMamdouh
      [CENTER]What is the difference between ignorance and apathy?...I don't know & I don't care[/CENTER]

      [CENTER][SIGPIC][/SIGPIC][/CENTER]


      [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

      [marq="Error"]what goes around... comes around[/marq]


      [CENTER][URL="http://www.cardomain.com/ride/567267"]MMamdouh's Lanos on CarDomain
      [/URL][/CENTER]

      [URL="http://www.nilemotors.net/Nile/showthread.php?t=85421"]
      [/URL]

      Comment


      • #33
        خطا مشترك ياباشا بس حضرتك تتحمل النصيب الاكبر
        هوا غلطان علشان هوا شايفك وكان ممكن يهدي او يستناك تعدي
        بس حضرتك غلطان في ان المفروض كنت تاخد اليوتيرن من اخر حاره جنب الرصيف وده الاصح
        لان لو قسنا علي الصينيه تبقي الاولويه لاقرب واحد لليوتيرن اللي هوا ماشي ف الحاره الشمال
        يعني الاولويه في المرور كانت ليه وحضرتك كسرت عليه
        دي وجهه نظري
        صورة التوقيع كبيرة جداً بما يخل بتنسيق الصفحة.
        الرجاء تصغير الصورة و إعادة رفعها مرة أخرى.

        Comment


        • #34
          خطأ مشترك(ان عينك مسبقتش دوسة البنزين و ان هو مستنكش عشان انت دخلت الملف قبله و ليك أولية المرور.) و الخطأ الأكبر علي تصميم ال U Turn و تصميم الشوارع و ان مفيش قواعد ثابته للمرور في بلدنا و كله ماشي بالبركه.

          Comment


          • #35
            الحمد لله جت بسيطة

            Comment


            • #36
              حضرتك الغلطان طبعا مفهاش كلام

              Comment


              • #37
                المشاركة الأصلية كتبت بواسطة mmamdouh مشاهدة المشاركة
                انا شايف انك انت الغلطان

                طالما اليوترن يساع عربيتين يبقى كل واحد يمسك حارتة و يلتزم بيها و مفيش اى حاجة تفرض على باقى السواقين انهم ميخشوش اليوترن معاك خالص طالما اليوترن يساع اكتر من عربية جنب بعض و بشرط كل واحد يلزم حارتة

                بس يا باشا اليو تيرن المفروض انه حارة واحدة بس
                لكن هو بيبقى واسع علشان تكفي الاتوبيسات والنقل ... لكن طبيعة السائق المصري بيدخل ببوز عربيته في اي مكان شايفه فاضي ( قاعدة البوز بيز )
                اقصد ان الجزء من الخطأ على اللي بيحاول يتخطى اللي قدامه في اليو يترن على اساس انه شايف ان المساحة كفاية ....
                واللي في الجهة الواسعة لازم غصب عنه ح يرجع للجهة اليمين وهو بيلف
                يبقى الخطأ مشترك
                بس اللي ف اليمين مش شايف اللي هلى شماله لأن طبيعي تركيزة على الطريق
                لكن اللي ع الشمال لازم يكون شايف اللي ع اليمين لأنه في اتجاه نظره لما يبنظر للطريق القادم
                اللي اقصده ان الخطأ مشترك وإن اختلفنا في نسبة الخطأ لكل منهما


                لو فرض و انت قلقان من السريع يبقى كان من الاول تمسك الحارة الضيقة عشان تبقى فى ابعد نقطة عن اللى جايين فى الطوالى... و غالبا محدش بيمسك الحارة الخارجية الا اللى داخل يمين على طول بعد اليوترن (حالة متكررة فى يوترنات شارع جامعة الدول العربية)

                و لو معملتش دة و فكرت تنقل للحارة الديقة يبقى الاول تبص فى مرايتك اليمين و تشوف اذا كان فيه حد اصلا فى الديقة ولا لا... مينفعش تنقل من حارة لحارة من غير ما تبص فى مرايتك... و مينفعش تفترض ان مفيش عربيات ماشية معاك فى الطريق.. حتى لو انت معتقد ان غلط ان حد يخش جنبك... توقع خطاء الغير

                و لو فرض و فية حد فى الضيقة زى حالتك يبقى قدامك حل من الاتنين... اما تكبس و تدخل مع الطولى و انت و حظك... و اما تهدى لما اللى فى الديقة يعدى و تدخل وراه فى الفاضى... انت عملت خليط بين الاتنين و فضلت تفضل كابس و تمسك الضيقة فا دخلت فى اللى كان جنبك

                من وجهة نظرة هو: هو كان داخل اليوترن فى الحارة الشمال الفاضية الضيقة و هو فى وسط او ثلاث ارباع الملف اللى جنبة رمى علية و حشرة بينة و بين الرصيف

                mmamdouh

                وكمان لازم نعرف مين كان متقدم عن الآخر ....
                يعني صاحب الموضوع كان بيحاول تخطي الآخر من اليمين .... او ان الآخر كان بيحاول انه يتجاوز صاحب الموضوع من الشمال
                دي مش واضحة في شرح الحادث
                [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
                [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
                [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

                Comment


                • #38
                  قدر الله وما شاء فعل
                  عامة لو الملف ضيق يبقي انتوا الاتنين غلطانين
                  انتا عشان فكرت ترمي شمال مين غير ما تبص مين معاك ف الملف
                  هوه عشان فكر يكبس عليك
                  لكن لو الملف واسع يبقي انتا غلطان لوحدك
                  و تقبل كل احترامي و تقديري
                  [B][سبحانك اللهم و بحمدك أشهد أن لا إله إلا أنت أستغفرك و أتوب إليك
                  سبحان ربي العظيم . سبحان ربي العظيم . سبحان ربي العظيم[/B]

                  Comment


                  • #39
                    حضرتك اللى غلطان و غلطت غلطتين
                    اول غلطة لما خدت اليوتيرن من اقصى اليمين و اليوتيرن اصلا حارة واحدة اقصى الشمال
                    الغلط التانى لما دخلت فى الراجل و مش واخد بالك

                    Comment


                    • #40
                      لو اعتبرنا ان اليوتيرن حارتين و حضرتك ماشى فى الحارة اليمين الى هى على الواسع و التانى ماشى فى الحارة الشمال الى هى على الضيق

                      حضرتك عديت من حارة لحارة و خبطه فالخطا عندك للاسف
                      [B][SIZE=5]
                      [/SIZE][/B]

                      Eng.M Mahran سابقا

                      Comment


                      • #41
                        انتو الاتنين مش غلطانين لكن الغلط على الحكومه اللي بتعمل يوتيرن ياخد عربيتين عشان يتحشرو جنب بعض وفي الاخر يطلعو على حاره واحده لأن مستحيل يدخلو على حارتين الا اذا كان الطريق اللي داخلين عليه 4-5 حارات أو طريق 2-3 حارات بس فاضي.

                        وبسبب وسع اليوتيرنات تلاقي الطريق ال 3 حارات اتنين منه مقفولين بسبب اتنين داخلين جنب بعض فى يوتيرن لاء وتلاقي كمان واحد جاي من أول حاره يمين ويعدى كل العربيات اللي واقفه مستنيه دورها في اليوتيرن وتلاقيه حاشر بوز عربيته قدامهم عشان الباشا فاكر نفسه راكب اسعاف ومستعجل. لو امسك فى ايدي طبنجه أضرب اللي زي دول بالنار عشان استخفافهم بعقول اللي حواليهم قال يعني هما كده ناصحين بقى.

                        المفروض اليوتيرن يكون عربيه ونص عشان يبقى فيه مساحه كافيه للدوران لعربيه واحده بس في نفس الوقت.
                        مصر أنت أغلى دره ... فــوق جبين الدهـر غرَّة

                        يا بلادي عيشي حره ... واسلـمي رغـم الأعــادي

                        Comment


                        • #42
                          فى رأيى ان حضرتك الغلطان لسببين :

                          1- فى اليوتيرن الأولوية للى داخل من أول حارة موازية للرصيف لأن هو اللى جاى من الشمال

                          2 - حضرتك لو خدت الملف ع الواسع ماتكسرش الكسرة اللى كسرتها دى..المفروض تخرج برضه ع الواسع بعد ما تتأكد من خلو السريع اللى جاى وتستعدل نفسك بعد الخروج من الملف مش وانت جواه

                          Comment

                          Working...
                          X