نزيف الاسفلت مستمر ..بسبب تقاعس و اهمال الحكومة الفاشلة

[wawoo]

، و احنا نقول مشكلة الحكومه ف البلطجه و السرقات اللي بتحصل كل يوم و الحوادث للأسف بسبب عدم الالتزام بالقوانين و عدم وجود رقابه من المرور

اللى حضرتك متعرفوش ..ان مهمة وزارة الداخلية هى مراقبة الالتزام بالقانوانين ....حتى اسئل كدة اى حد تعرفة جى من برة لو خرق القانون حيتعمل معاة اية ...

اللى مش عاوز يلتزم بالقانون ..ميلتزمش انما يقابل بقى اللى حيجرالة..

انما هنا عدم الالتزام سببة ان اللى المسؤل عن تنفيذ القانون ...مش شايف شغلة و متقاعس و مستهتر و مهمل ...
قوم اصحاب الضمائر المعدومة يخرقو القانون براحتهم و هما مطمنين ان مافيش اى حساب ولا عقاب....و تحصل المهازل اللى بتسمعها كل يوم دى....

كل بلاد العالم فيها خارجين عن القانون ..لكن المسؤلين عن تنفيذ القانون هناك مش ساكتين ...

انما تعالى هنا و روح قسم قلوهم عربيتك اتسرقت "لا قدر الله "..و تعالى المنتدى احكلنا حصل اية معاك ..و قالولك اية ...العينات عندك فى المنتدى اهو ..

دة مش بيحصل فى اى دولة محترمة الحقيقية ....

الساكت عن الحق شيطان اخرص ...و احنا معلمناش ثورة على فاشلين و فاسدين ...عشان يركبها زمايلهم و يستمرو فى نفس مسلسل الفشل و الفساد....

كل اللى خايف على البلد دى يفوق كدة و يركز قبل ما تتحول مصر لمقبرة جماعية لاهلها ...بسبب الفشل و الاهمال و اللامبالة بتاعت المسؤلين دى .....

[Y a r i s]

اهلااااااااااااااً
ايوووه اقلبوا الموضوع. لموضوع سياسي ... ونخرج من مشكلة سواقين التيرلات والطرق المتنيلة بنيلة لمشكلة الرئيس والحكومة والدولة .... هههه ، بس بجد بجد لفت انتباهي في الخبر ان اتنين اتصابوا واحد مزيع والتاني سواق السواق ياعيني رموه في مستشفى الهرم. والمزيع ودوه لدار الفؤاد ياترى ايه السبب التامين الصحي بتاع كل واحد تابع لمستشفى .... طيب كتر خيرهم انهم مرموش الواد السواق ابو ٢١ سنة. من فوق الكوبري ههههههه او ادولوا حبيتين اسبرين وكوبيات شاي. احمر بالنعناع وقلولوا روح ياشاطر على بيتكم ودفي نفسك وانتا تقوم الصبح وهتبقى تمام وزي الفل هههههههه

لن انسى. الموقف الي حصلي قبل كده في القصر العيني الفرنساوي لمن نقلت جدي على المستشفى ورفضوا انو يدخل المستشفى طوارئ وهو بيطلع في الروح قبل ما ادفع فلووس ٥٠٠ جنية تامين .... وكنت ساعتها من لهوجتي وسرعتي علشان اسعفو نسيت المحفظة لن انسى هذا الموقف ابداً

الكارثة الحقيقية يا اخوني .... ان الحته الي حصل فيها الحادثة دي لسه معموله جديدة. معمولة قبل الثورة حد يقدر يقولي ايه الي كسر الطريق ده وبهدلووو كده .... مكان زي الفل .... والكارثة الاكبر هيا الحوادث الي زي النوعية دي .... انك تكون ماشي في جهة وتحصل حادثة في جهة تانية ( المقابلة) ليك وتلاقي عربية من الناحية. تانية تنط. عليك وتدمرك كدددده. .... دي في حد ذاتها كارثة في مصر.

وممكن تستنزف ارواح كتيرررررررر. وتضيع شباب واسررررر .... وتحياتي

[youssef_u]

اللى حضرتك متعرفوش ..ان مهمة وزارة الداخلية هى مراقبة الالتزام بالقانوانين ....حتى اسئل كدة اى حد تعرفة جى من برة لو خرق القانون حيتعمل معاة اية ...

اللى مش عاوز يلتزم بالقانون ..ميلتزمش انما يقابل بقى اللى حيجرالة..

انما هنا عدم الالتزام سببة ان اللى المسؤل عن تنفيذ القانون ...مش شايف شغلة و متقاعس و مستهتر و مهمل ...
قوم اصحاب الضمائر المعدومة يخرقو القانون براحتهم و هما مطمنين ان مافيش اى حساب ولا عقاب....و تحصل المهازل اللى بتسمعها كل يوم دى....

كل بلاد العالم فيها خارجين عن القانون ..لكن المسؤلين عن تنفيذ القانون هناك مش ساكتين ...

انما تعالى هنا و روح قسم قلوهم عربيتك اتسرقت "لا قدر الله "..و تعالى المنتدى احكلنا حصل اية معاك ..و قالولك اية ...العينات عندك فى المنتدى اهو ..

دة مش بيحصل فى اى دولة محترمة الحقيقية ....

الساكت عن الحق شيطان اخرص ...و احنا معلمناش ثورة على فاشلين و فاسدين ...عشان يركبها زمايلهم و يستمرو فى نفس مسلسل الفشل و الفساد....

كل اللى خايف على البلد دى يفوق كدة و يركز قبل ما تتحول مصر لمقبرة جماعية لاهلها ...بسبب الفشل و الاهمال و اللامبالة بتاعت المسؤلين دى .....

كلام حضرتك صح ١٠٠٪ بس انا اقصد فعلا اننا خرجنا من موضوع الحادثه و قلبناه موضوع سياسي

[eng.m7md.ali]

هيا دى عربية الحسينى ؟؟؟ لو هيا يبقى مات مش شوية كدمات دى العربيه معجونه !!!!!!!!!!!!!

بعيداً عن الموضوع
وبما انه قلب مسخرة خلاص وناس لسة بتدافع عن الحكومة
احب ادافع انا كمان عن الصناعة الالمانية العريقة
العربية اللي في الصورة باسات يعني الماني
انتو بتقولو ايييييييييييييه؟ :)

الامان يعني الماني هههههههههههههههههههههههههههههههههههههههههههههههههه هههههههههههههههههه

وطبيعي جداً ان الراجل يطلع سليم والعربية تتعجن ههههههههههههههههههههههههههههههههههههههههههه

وعلى فكرة انا مش متعصب للالماني :))

[mahmoudysf]

اهلااااااااااااااً
ايوووه اقلبوا الموضوع. لموضوع سياسي ... ونخرج من مشكلة سواقين التيرلات والطرق المتنيلة بنيلة لمشكلة الرئيس والحكومة والدولة ....

يا عزيزي هو الموضوع ما قلبش سياسي
هو من عنوان الموضوع باديئ سياسي من الاول
لو كاوتش فرقع في الطريق لازم ندخل الرئيس والحكومة في جملة مفيدة ي الموضوع

[Mahmoud_ezzo]

حاسس ان الموضوع كان متعمد وماكانتش مجرد حادثة

[prisoner]

اولا الله يشفي اللي اتصابو في الحادثه
ثانيا لأ السبب مش الحكومه بس
السبب الاكبر ل 3/4 مشاكلنا شعب عاجبه الزباله والطرق الملتويه في الحياه
وده من واقع معاشرتي للشارع كل يوم
كل فئه من الناس شايفه ان الثوره لمصلحتها
اعلام الدعاره شايفها فرصه لتوليع البلد وفبركة بعض الاخبار واهه في الاخر اعلانات وفلوس في كروشهم
نوعيه تانيه من الناس كانت تخاف تنزل الشارع اصلا شايفين انهم دلوقتي حقهم يبلطجوا ويعملوا اللي عايزينه وكلله بقى زي بعضه وكده
امبارح راكب تاكسي رايح بيه وسط البلد وقفنا في اشارة ميدان التحرير
جه واحد شكله غلط من اللي بقوا متمركزين هناك شايل كارتونه معدي من جنب التاكسي كسرله اريال العربيه (دايو لانوس)
سواق التاكسي راجل كبير نزل يقوله انت كسرتلي الاريال
قاله ماكسرتلكش حاجه ولو مامشيتش هخطفك انت والتاكسي (بالنص كده)
طبعا السواق قعد يحسبن وخد بعضه ومشي
وانا نفسي مكانش عندي حاجه اقولها فا سكت

فا ارجوك بلاش بس اسطوانه الحكومه دي اللي شويه شويه هلاقيها سبب في خسارة الزمالك
او خسارة مشترك في مسابقه غنائيه !!!

+1111111111111111111111111111111111111111111111
انا معاك فى كل كلمة معاك حق
لاحول ولا قوة الا بالله
ربنا يرحمنا

[wawoo]

الكلام فى السياسة يخص الحادث فى الاساس ..الحادث دة مجرد عينة مما يحدث يوميا من حوادث السبب فيها ..هى السياسة فى المقام الاول ..

مافيش فرق بين السياسة و بين الحادث ...لما السياسة تمشى صح و مؤسسات الدولة تشتغل صح و تراعى ضميرها فى مصلحتة الناس ....
حتقل جدا هذة النوعية من الحوادث و يكون فى رقابة على الترلات و السائقين وعلى المقطورات و يتعملها نظام خاص و مواعيد خاصة و رقابة خاص و سرعة خاصة حتى لا تتحول اللى وحشح قاتل ..يحصد الاروح يوميا و احنا بنتفرج .....

هى وزراة الداخلية بتصرف عليها الملايين سنويا من اموال المصريين
عشان اية ..مش عشان تشوف شغلها و تحافظ على نظام المرور و تحمى المواطنين ....

هل الوزراة شيفة شغلها مع كل الفوضى و كل البلطجة و الاهمال و التسيب اللى فى كل شوارع مصر دى ...

اللى يقدر يجوبنى بنعم ..خلاص بقى محدش يشتكى بعد كدة من الزحمة و من السرقة و من السرعات العالية ..و من النقل و الميكروباس ومن التوكتوك ..و من كل المصايب اللى بتتحرك فى الشارع المصرى بدون ضابط ولا رابط ....

اللى حيقولى دى سلوكيات موطنين ..حقولة ببساطة سلكويات المواطنين دى برضو مسؤلية الدولة ..لو فى تقصير او اهمال من المواطنين ..الدول عندها الموارد الكافية انها تنبهم و تقومهم و تقوم بكل الحملات الارشادية اللازمة لنصيحتهم ..و اللى يتجاوز بعد كدة القانون موجود لمحسبتة ..

[SASA3]

وعلى فكرة انا مش متعصب للالماني :))

بتفكرنى بكلمة لناس كده

و على فكرة انا مش اخوان

[ahmedkhairy]

قدر الله وما شاء فعل
وربنا يخرجهم بالسلامة من المستشفى
وربنا يسترها علينا