نقل الملف من مرور لمرور بياخد اد ايه

[semi]

السلام عليكم ورحمة الله

دلوقت انا ماشي بتصريح مؤقت وعايز اعرف الملف ممكن يوصل في مدة اد ايه تقريبا
هو هيتنقل من مرور في اسكندرية الى مرور بالقاهرة
وعايز اعرف المدة تقريبا لاني عايز اطلع الرخصة وابيع العربية
وهل ممكن المشتري الجديد ينقل العربية لمروره بدون انتظار الملف يوصل الاول؟؟

[moaaz]

اعتقد من يومين ل ثلاثة ..دا الوقت اللى خده واحد صديقى لنقل الرخصة من المنوفية للغربية ....يومين فى المنوفية واحد لشهادة بيانات و مخالفات ...و هنا مش فاكر جاب ايه ..وبعدين راح جاب مطابقة للبيانات و رخص هنا وسلم النمر و استلم الجديدة

[semi]

اعتقد من يومين ل ثلاثة ..دا الوقت اللى خده واحد صديقى لنقل الرخصة من المنوفية للغربية ....يومين فى المنوفية واحد لشهادة بيانات و مخالفات ...و هنا مش فاكر جاب ايه ..وبعدين راح جاب مطابقة للبيانات و رخص هنا وسلم النمر و استلم الجديدة

لا هو نقل الملكية خلصته بس الملف المفروض المرور بيبعت اخطار للمرور القديم عشان يبعتله ملف العربية
وبالتأكيد ده اجراء روتيني ومعقد بالنسبة لهم

[Hussein_Ramdan]

ونا بنقل الملكية بتاعت العربية كانت مرور تانى
المهم بعد ما خلصت جميع الاجراءت خد تصريح ست شهور
بس هوما هناك قالو ليا تعالة من كمان شهر
بس الشهر بتاع الحكومة بستة
انا هروح وقت انتهاء التصريح
بس انا شايف انك ممكن تبيع عادى العربية باسمك والرخصة باسمك عادى

[semi]

ونا بنقل الملكية بتاعت العربية كانت مرور تانى
المهم بعد ما خلصت جميع الاجراءت خد تصريح ست شهور
بس هوما هناك قالو ليا تعالة من كمان شهر
بس الشهر بتاع الحكومة بستة
انا هروح وقت انتهاء التصريح
بس انا شايف انك ممكن تبيع عادى العربية باسمك والرخصة باسمك عادى

ما المشتري صدعلي دماغي وعايز يعمل عقد ويروح ينقل علطول
بيقولي جمارك وبصمة مش له اي خبرة وخايف من كل حاجه
فانا كده شكلي هنفضله لاني لو اعتمدت على المررو يبقى مش هبيع العربية

[AhMeD MeTwAlY]

متخدش في بالك
مش معاك التصريح روح جدده في معاده
انا معايا تصريح في عربيه بقاله سنه

[m_adeleid]

ممكن ياخد حوالي سنه
وكمان من مرور داخل القاهره لمرور داخل القاهره برضو
وحصلت كتير جدا
والناس بتاخد تصاريح ويروح تاني يلاقي الملف مجاش وياخد برضو تصريح
ومتستغربش الموضوع لا يخضع لاي منطق

[ahmedhilmy]

غير مرتبط باي ميعاد بس اكيد مش اقل من 6 شهور بالنسبه للبيع هات شهاده بيانات و بيع للراجل موضوع بسيط و عادي

[hossam_elwani]

من ستة شهور الى سنه يحيينا ويحيك ربنا ........ انك فى مصر

[semi]

متخدش في بالك
مش معاك التصريح روح جدده في معاده
انا معايا تصريح في عربيه بقاله سنه

لا انا بسأل عشان ابيع العربية لو موضوع رخصة انا ممكن امشي بالتصريح سنتين ادام
طالما بيستهبلوا

ممكن ياخد حوالي سنه
وكمان من مرور داخل القاهره لمرور داخل القاهره برضو
وحصلت كتير جدا
والناس بتاخد تصاريح ويروح تاني يلاقي الملف مجاش وياخد برضو تصريح
ومتستغربش الموضوع لا يخضع لاي منطق

انا توقعت كده برضه اكيد حاجه زي كده بيعملوها على اقل من مهلهم
اذا كان شهادة المخالفات بطلعها في 3 ساعات

غير مرتبط باي ميعاد بس اكيد مش اقل من 6 شهور بالنسبه للبيع هات شهاده بيانات و بيع للراجل موضوع بسيط و عادي

طلعت الشهادة دي للاسف الراجل مش مقتنع بها مش عنده اي خبرة في البيع والشراء
ويوم ما سأل بيسأل محامي :) والتاني يرد عليه يقوله اوعى لاحسن تكون عليها جمارك
فانا كنت هتشل فعلا وقولت محاولة اخيرة اشوف الملف بس كده انا مقدرش اعتمد على الكوسة بتاعة المرور
فهنفض للمشتري ده بجد ضيع وقتي معاه على الفاضي الله يسامحه

[mem]

انا كنت ماشى بتصريح سنه لان الملف كان ما جاش من مرور بالقاهره لمرور اخر ايضا بالقاهره
السنة اللى بعدها الحمد لله جه وقدرت ارخص 3 سنين الحمد لله

[K_E]

يااااااااااااه تصدق فكرتني هههههههههههههه
انا خلاص اتعودت اني كل 3 شهور اروح اطلع تصريح مؤقت 3 شهور واعمل استعجال للملف
واخد 3 تصاريح مؤقته لحد دلوقتي :d

[حماده المصري]

برضو زييكم يا احبائي

اخدت 3 شهور وخلصوا ومجاش واخدت تلاته تانيين وخلصوا وعدى عليهم شهر ورايح بكره ان شاء الله

تفتكروا هدفع غرامه عشان شهر تاخير

[mohamed_selim]

المشترى بس نفسه تنزله فى الفلوس شويه عشان كده بيتلكك .... لو هتنزل شويه قله و شوف ميته ... لو سوقها كويس نفضله و هتلاقى المشترى الفاهم اللى معندوش مشكله يشيل.

[semi]

انا كنت ماشى بتصريح سنه لان الملف كان ما جاش من مرور بالقاهره لمرور اخر ايضا بالقاهره
السنة اللى بعدها الحمد لله جه وقدرت ارخص 3 سنين الحمد لله

يااااااااااااه تصدق فكرتني هههههههههههههه
انا خلاص اتعودت اني كل 3 شهور اروح اطلع تصريح مؤقت 3 شهور واعمل استعجال للملف
واخد 3 تصاريح مؤقته لحد دلوقتي :d

برضو زييكم يا احبائي

اخدت 3 شهور وخلصوا ومجاش واخدت تلاته تانيين وخلصوا وعدى عليهم شهر ورايح بكره ان شاء الله

تفتكروا هدفع غرامه عشان شهر تاخير

الله يطمنكم يارجالة وانا مش مستغرب بصراحة لان هو ده العادي من مرور مصر

المشترى بس نفسه تنزله فى الفلوس شويه عشان كده بيتلكك .... لو هتنزل شويه قله و شوف ميته ... لو سوقها كويس نفضله و هتلاقى المشترى الفاهم اللى معندوش مشكله يشيل.

ياريت كنت خلصت هو مش فاهم اي حاجه خالص ومش عنده اي خلفية عن البيع والشراء
تصور انه صدق المحامي اللي بيقوله دي من اسكندرية ممكن تكون مش مخلصة جمارك :)
بيقول عايز ادخل افحص واخلص علطول عشان لو عليها حاجه اعرف
على اساس ان لو الملف فيه حاجه معناها اني نصاب وهكون بعتله المفترض يعني ارجعله فلوسه مثلا
ضيع وقتي معاه على الفاضي