هام و خطر جدا....تحذير من الحواجز الأسمنتية على الطريق الدائري

[wawoo]

هام و خطير جداً جداً جداً ::

أرجوا من كل اللى بيستخدموا الطريق الدائرى خصوصاً المتجهين للطريق الصحراوى و وصلة طريق الواحات و بعد نزلة وصلة المنيب و المريوطية أن يراعوا وجود حواجز خرسانية فى وسط الطريق عشان فى إصلاحات ..
طبعاً الحواجز مفيش عليها أى عواكس أو أنوار أو اى حاجة توحد ربنا تقول إن فى هنا حواجز خرسانية قاتلة على الطريق السريع اللى السرعة المقررة فيه 90 كيلو..


و طبعاً ده مخالف لأى قواعد سلامة مرورية فى العالم...

أنا بلغت شرطة النجدة بس لسه مفيش اى تحرك إلى الأن ..

أرجوكوا خلوا بالكوا و ربنا يستر طريقنا جميعاً...

( الصورة بتاريخ 20 نوفمبر 2012 )

"المحتوى منقول"

[omaroof]

ربنا يبارك فيك واحسن حاجه انك بلغت النجده ده فعلا عمل ايجابى

[rotanamasoud]

يارب كل عربيه تعدى ياخد اللى حاططهم كده سيئه امين

[SASA3]

فى حديث على ان اماطة الاذى عن الطريق صدقة


يبقى بقا الى بيحط الاذى على الطريق ده له سيئات قد كده بقا

حسبى الله و نعم الوكيل

[Ashraf_Ibrahim]

لا حول ولا قوة الا بالله !

[MohammedAladel]

جزاك الله خيرا

[epnmasr]

جزاك الله خيراً

[estimation]

تخلف السنييييييييييييييييييييييييييييييييييين دي وزارة القتل مش النقل حاجة تقرف و في الآخر هيموت 50 60 واحد و يشيلوا الوزير آه يا بلد !!!!!!!!

[EngAhmedSayed]

ياه ه ه ه ه ه ه ه ه ه ه ه ه ه
الموضوع ده انا تعبت منه لانى بصفه يوميه على الطريق و ده يعتبر اسوء حته فى الدائرى
كفايه الفواصل و النقر و الحفر قلى هتقسم العربيه دلوقتى ده كده نعمه انى الطريق بقى ماشى بعد الاصلاحات قلى عملوها تحس انك بتلعب بلاى ستيشن و الظريف فى الموضوع بالنهار بصفه يوميه عمدان النور شغاله للحد الساعه 2 الظهر ههههههههههه و الحكومه عاوزه بتوفر كهرباء
شكرا على التحذير
ربنا يستر

[S O P H O S]

شكرا علي التنبيه
ومش عارف ازاي المنظر يبقي كده !

[koshary]

لسسه جاى من عليه دلوقتى وخدت بالى منهم والحمد لله عديت ومكانش معايا نور بس كنت ماشى هادى ودول ممكن يدمرو الدنيا الحواجر دى بصراحه وكان فيه حاجز اول امبارح بردو على طريق الواحات بس اتشال النهارده حسبى الله ونعم الوكيل فى كل مسؤل عن هذا العمل

[wawoo]

انا مش فاهم بجد ..ازى الاستهتار بارواح الناس و ممتلكتهم يوصل للمستوى دة...هو للدرجة دى الناس ملهاش ثمن

طريق سريع زى دة و يتم وضع حواجز قاتلة بالمنظر دة بدون اى علامات و بدون اى تحزيرات او اشارات ..

و مافيش دورية بوليس تعدى على المنظر دة و تشوف لة حل ..مافيش حد من الحى بيتابع ..مافيش اى رقابة على الشغل دة ...


امال مثلثات اية اللى باعوها للناس عشان تحطها لما عربيتها تعطل ..؟؟؟

[Sehsss]

كنت هالبس فيها من فترة

[mem]

جزاك الله خيرا على التنبيه

[alaamousa]

ربنا يجازيك خير