حادثة بشعة على طريق العلمين

[Karim_Monir]

سبب الحادثة غالبا كاوتش انفجر
ومع تقل العربية اتقلبت يا نهى
-----------
شيكو باشا انا بقول المنبهات زيادة توكيد
لاكن ما تغنيش عن النوم كويس
السنة اللي فاتت كنت راجع من مطروح برضه وكنت انا واحد صاحي في العربية
وكنا بنتحرك طول اليوم وما نمناش لغاية الفجر وقررنا نسافر
سافرنا وهو نام اول مانا مسكت الطريق
وانا صحاني سواق تويوتا ميكروباص على طريق العلمين لاني كنت نايم والعربية كانت بتنزل في الرمل وسايق اكتر من 160
لما قمت دلقت ازازة مية على صاحبي اللي نايم بقالة ساعتين وقبل ماقعد على الكرسي وهو يدور العربية ويمشي
كان اغمي عليا مش نمت ومفوقتش الا لما عدينا بوابة القاهرة

[Noha.M]

طيب ليه اللى يخلى كاوتش ينفجر؟

[Karim_Monir]

كذا حاجة
ضغط مش مظبوط
يدوس على خشبة فيها مسامير
يدوس على حجر جامد
كدة يعني

[Eng.Osama.Afifi]

لا حول ولا قوة إلا بالله

بجد الواحد نفسه بتعظ ... بس فعلا بينسى كل الحاجات ديه ويسوق بسرعة برضه

ربنا يعوض عليهم ويعافيهم في مبتلاهم

[NaderNabil]

علي فكرة يا كريم كون ان الايرباج مايفتحش ده مش عيب ولا حاجة...وش العربية زي الفل و مافهوش غلطة....انا لسة جاي من مركز خدمة العوض جروب اللي علي الأوتوستراد...و كانن فيه هناك جميع أنواع السيارات اللي ممكن تتخيلها عاملة حوادث...و عايز أقوللك ان جميع السيارات المقلوبة المزودة بايرباجز مافتحتش تماما...بعض هذه السيارات لانسر 2008 و 2007 و مازدا 3 و بريليانس...و نيسان صني الخ الخ....طالما الخبطة ماجتش في السينسور يبقي عمره ماهايشتغل....

و لو بصيت علي كتالوج أي عربية مزودة بايرباج هتلاقي كاتبلك انه في حالة الانقلاب الوسائد الامامية مش هاتفتح اساسا...لو فيه جانبي هو اللي بيفتح

حاجة كمان...الحمد لله ان الايرباج مافتحش في وش الست و هي بتنط بره العربية...عارف ليه؟ لأن كان زمان عمودها الفقري أو رقبتها اتفشفشوا نتيجة للصدمة العكسية المفاجأه....الموضوع ده انا لامسته في حادثه والد صديق ليا بعربية ميجان1...مكانش رابط الحزام فا أول ماخبط اتنطر لقدام و في نفس الوقت الايرباج فتحت...و ده خلي الفقرة ال12 تتكسر....بس الحمد لله هو كويس دلوقتي و بيمشي ...بس الفقرة مابقتش زي الأول

علي فكرة وزن الاوكتافيا مش 2 طن ولا حاجة...هي حوالي 1300 كيلو + الحمولة بتبقي حوالي 1500-1600

[badblood]

ربنا يسترها علينا
والاخ اللي بيتكلم ان الاسعاف وصلت ماهي لازم توصل بس بعد ساعتين او 3 ساعات طبعا عجبي
لان عقبال ما الاخ ياخد البلاغ ويفوق لانه يقما نايم او شارب حاجه ويصحي سواق العربية وينادي على ظابت النبطشية اللي اكيد هو كمان نايم ومريح على الاخر يكون البني ادم راااااااااااااااح
وتحيا مصر ام الدنيا

[Chicco]

-----------
شيكو باشا انا بقول المنبهات زيادة توكيد
لاكن ما تغنيش عن النوم كويس
السنة اللي فاتت كنت راجع من مطروح برضه وكنت انا واحد صاحي في العربية
وكنا بنتحرك طول اليوم وما نمناش لغاية الفجر وقررنا نسافر
سافرنا وهو نام اول مانا مسكت الطريق
وانا صحاني سواق تويوتا ميكروباص على طريق العلمين لاني كنت نايم والعربية كانت بتنزل في الرمل وسايق اكتر من 160
لما قمت دلقت ازازة مية على صاحبي اللي نايم بقالة ساعتين وقبل ماقعد على الكرسي وهو يدور العربية ويمشي
كان اغمي عليا مش نمت ومفوقتش الا لما عدينا بوابة القاهرة

حمد الله على سلامتك يا أبو بيدو ....ربنا يستر على الجميع

[sleepyhammer]

ربنا يسترها معانا جميعا ويهدينا
ياااااااااارب

[Ibtal]

اللي بيسوق أكتر من ١٢٠ كم في مصر ولو في أحسن الطرق بيحاول ينتحر

أنا باعتبر اللي بيسوق أكتر من ١٢٠ كم في مصر ولو في أحسن الطرق بيحاول ينتحر. أنا عشت في أمريكا الشمالية وفي أوربا سنين طويلة وي السرعة دايماً بين ٨٠ و-١٢٠ كم إلا في بعض المسافات رغم إن الطرق ممتازة . وأنا أخذت غرامات على سرعات مختلفة من 40km إلى-140km فلما أسمع إن حد ساق على سرعة 180km في مصر باعتبرها محاولة إنتحار فاشلة و إن ربنا نجاه. أنا أعتقد إن السرعة في مصر المفروض لا تزيد عن 100km في الطرق الكويسة و ربنا يحفظنا جميعا.

[emadosman63]

بأمانه أنا أتعقدت من الأوكتافيا A4 دى صحيح هى مش معايا إنما أنا بحب شكلها جدا وكنت شايف أنها عربيه أكتر من ممتازة .
إنما إللى حضرتك ذكرته دة أفضل بكتير عن إللى حصل لواحد زميلنا فى الشركه شهر يونيو إللى فات ,
أوكتافيا لسه زيرو معاة فى العربيه مراته وبناته الأتنين وحماته, العربيه قلبت 3 مرات مراته وبنته وحماته الله يرحمهم ويغفر لهم (يا رب) وهو مجموعه من الكدمات لا تحصى وبنته التانيه كسور فى كل حته من جسمها .
يوم الخميس إللى فات أوكتافيا فى جرين بلازا ولعت وصاحبها واقف جنبها يعنى العربيه مش شغاله
ومع ذلك ولعت وحدها بس الحمد لله اناس طفتها بسرعه الحريق معداش الموتور
أنا مش بشكك فى العربيه وأقول أنها وحشه بس فى حاجه غلط , العربيه دى من 1998 موجودة فى مصر وبصراحه مشفتش مشاكل فيها إلا فى الفترة الأخيرة بس .

ايه الغلط فى رأيك

[احمد عبدالله]

ربنا يسترها معانا
و ربنا يكرمك يا كريم على مساعدتك للناس

[sab3aawy]

عندى اكثر من تعليق على الموضوع ده بس غالبا الإدارة هتحذف معظمها لذلك هكتفى ما لا اتوقع ان تحذفه الادارة:

تحيه للسيارة الأوكتافيا اللى اتقلبت على السرعة دى والكابينة ظلت بحالة تسمح بالحفاظ على الكاب بدون وفيات

بالمناسبة

ايه رايكم ننظم مسابقة لأبشع حادثة، واللى يحكى اكتر حادثة مليانة جثث وأشلاء ودم ياخد عنبر مجانى فى القصر العينى مدى الحياه

[OlaOsman]

بالمناسبة

ايه رايكم ننظم مسابقة لأبشع حادثة، واللى يحكى اكتر حادثة مليانة جثث وأشلاء ودم ياخد عنبر مجانى فى القصر العينى مدى الحياه

فكرة برضه

بس متهيألي الأسهل ان الناس اللي مش بتستحمل تسمع عن حوادث لما تقرا موضوع عنوانه "حادثة" أو ما شابه ما يدخلوش الموضوع من أصله

[sab3aawy]

فكرة برضه

بس متهيألي الأسهل ان الناس اللي مش بتستحمل تسمع عن حوادث لما تقرا موضوع عنوانه "حادثة" أو ما شابه ما يدخلوش الموضوع من أصله

ده كان ردى على اخونا اسلام جلال اللى اقترح اقتراح مشابه انقله هنا:

عندى هسال سؤال بسيط يا اخى العزيز

تخيل لو ان انا وتطبيقا لرأيك ده قررت استفيد بخاصية حرية الرأى اتكلمت فى موضوع اباحى وحطيت عنوان واضح جدا من الاول لا شبهة تضليل فيه علشان اللى مش عايز يقرا ميقراش،

قد تقول ان الأمر مختلف، وانا مش شايف اختلاف كتير لأن كلا النوعين من الموضوعات يضايق شريحة لا بأس بها من الناس، فبالتالى ما لا نقبله فى النوع أ من الموضوعات لا يصح ان نقبله على النوع ب من الموضوعات الذى يشترك مع النوع أ فى نفس الخاصية التى لا نقبل الموضوع أ بسببها

[OlaOsman]

ده كان ردى على اخونا اسلام جلال اللى اقترح اقتراح مشابه انقله هنا:

و انا قرأته قبل ما أرد هنا و لازلت عند اعتقادي بإن الفرق كبييييييييييييير بين الأمرين.. خصوصا ان صاحبة الموضوع المذكور لم تقصد سوى مشاركة الناس معاها في مشاعرها الغاضبة و المندهشة لأقصى حد من المنظر اللي شافته.. بس عشان ما ندخلش زيد في عبيد زي ما بيقولوا و نتكلم عن موضوع تاني غير اللي احنا بنتناقش فيه خلينا فعلا نحط قواعد للموضوع ده عشان احنا في منتدى سيارات و الحوادث في البلد مافيش أكتر منها و صعب ان حد شاف في طريقه موقف أثر فيه - حادثة او ما شابه - و ما يجيش يشركنا معاه فيها.. خصوصا اننا بالفعل بنتشارك في كل حاجة مع بعض.. يعني المنتدى مش مجرد مكان للاستفسار عن السيارات و بس.