๑۩۞۩๑ بتشحم عربيتك كل قد اى ؟ ๑۩۞۩๑

[atamim]

السلام عليكم ورحمه الله و بركاته

موضوع التشحيم مهم جدا علشان بيخلى العربية سلسة فى مشيها و بتوفر بنزين علشان شبة

الاحتكاك عند العجل مش موجود

فبتوفر بنزين و تريح الماتور و بتمنع الصدى انه يتكون علشان بتعمل طبقة عازلة من الشحم

على اماكن الاحتكاك

حبيت اعرف كل واحد فى المنتدى بيشحم عربيته امتى و لية

[cobraa2008]

هي العملية ده مطلوبه ولا ايه اذا كان جدا انا اول ما ارجع مصر هاعملها بس ممكن اسالك اعملها فين

انا عارف انها مهمة بس ياعني لو الواحد فاااااااضي

[michohat]

كل ما بروح اغير زيت فى البنزينه بخليه يشحم العربية بس ايه اللى بيتشحم معرفش
ياريت لو حد عارف الاجزاء اللى مفروض تتشحم ايه يقولنا عليها

[mohamed ibiza]

والله يا رجالة انا مش عايز اقولكم لحسن تضربوني :D:D الابيزا متشحمتش الا مرتين من سنة 94

[cobraa2008]

احنا كان عندنا كابريس كلاسيك موديل 89 لحد عام 2004 ما شفتش تشحيييييييييييييييييييييييييييم

[ahmedfd]

الحقيقة اللي أعرفه إن السيارات الحديثة مبيكونش فيها مشاحم.. و ياريت لو حد يصحح لي المعلومة دي لو غلط علشان ناخد كلنا بالنا.

[amir]

احنا زمان ايام العربيات القديمه كان لازم موضوع التشحيم ده علشان كميه الصاج الحلوه و عدم وجود تكنولوجيا دهان او معالجه
دلوقتي العربيات بتنزل معالجه ضد الصدء و مظنش ان التشحيم واجب في العربيات الجديده اطلاقا
اظن صاحب الموضوع معاه عربيه قديمه لكن لو جديده نصيحه اوعي موضوع الشحم ده الي ان يفتينا خبير

[kh_talaat]

أنا برضه على حد معلوماتي إن التشحيم دة للسيارات النقل والأوتوبيسات ، وياريت حد يفيدنا في الموضوع دة

[bishoo33]

الماتريكس مافيهاش مشاحم
ولكن لا مانع من غسيلها من أسفل مرة كل شهر

[Opel_Rekord]

انا بردو عاوز اعرف الموضوع ده

انا معايا موديل قديم ومحتاج افهم كل اد ايه التشحيم ده



طالما فيها وفر للنزين وراحه للعربيه

[Akram]

اللي أعرفه ان العربيات النقل و الاوتوبيسات بيبقى فيها مشاحم و لازم تتشحم كل عدد معين من الكيلومترات ,
اما الملاكي فمش عارف إذا كان فيه ولا لأ , و إذا كان فيه فده هيبقى في بعض العربيات القديمة ,
إما إذا كان الأخ atamim يقصد تشحيم العفشة مثلاً فالعفشة مش بتتشحم الا إذا كان فيه قطع في الكاوتش للكبالن مثلاً , و في الحالة دي بيتم غسل الكوبلن و اعادة تشحيمه و تغيير الكاوتش , و كذلك لو كاوتش البارات بيحصل فيه نفس الحكاية ,

ممكن الناس هنا تفيدنا اكتر في الحكاية دي ...