تنبيه بحياد المنتدي سياسيا وبعدم التجاوز بين الاعضاء

[tarek_rcc]

وكلنا معك يا ريس ...
أقصد الاستاذ/ كريم طبعا

[abdo7000]

اللهم اهدي المصرين اجمعين واحفظ مصر يارب العالمين

[Abo.Moazz]

تمااااااااااااااااااااااااااااااااااااااااااام

[pegpus]

طيب

[Hesham.H]

اللهم احفظ مصر

[matrix012]

المفروض الكلام ده صح
بس انا متهيئلى ان لازم يكون فى منفس او حوار الواحد لازم يعبر عن الى جواه من خلاله
وعموما انا مع سياسة المنتدى

[Mostafa Hessen]

اللهم احفظ مصر

[drmagieed]

اللهم إنصر الحق وأيده بمدد من عندك وإحفظ مصر أمن وأمانا لكل المصريين ... أمين!!!

[mgelgel]

يا رب احفظ البلد من شر القتنة
الاعلام عمال يوقد نار الفتنة و ينفخ فيها و الشعب الغلبان مش فارق معاه لا دستور ولا اعلان دستوري
الناس عايزة تلاقي لقمة العيش الاول
يا رب يارب يارب استرها

[abdo_mcl]

اللهم امين

[mkmaly]

الساده اعضاء المنتدي

تحيه طيبه
يحزنا بشده ما يدور في شوارع مصر كما يحزن اي مصري غيور على مصلحة وطنه
وحيث اننا موقع سيارات مصري متخصص في السيارات فقط
وليس له اى انتماء او توجه سياسى لطرف عن طرف
ولكن فقط مصر ومصلحتها فوق الجميع

وبما اننا في المنتدي نتحاور احيانا في ما لا يخص السيارات

فقط تم السماح للاعضاء بتبادل وجهات النظر
كدور اجتماعى حيادي بين الاعضاء بعضهم البعض

نعلن عن حياد نايل موتورز كموقع وكمنتدي وكل ما يتبعهما سياسيا

واننا لا ننحاز لاى طرف ولا نمثل اى توجه سياسى او تيار او جماعه

وعلى الجميع الالتزام بالتعبير عن الراى فى حدود الاداب العامة والنقد البناء دون الخروج عن قواعد واخلاقيات المجتمع
وعدم تحول النقاش لصراعات وعداوات شخصية
وسوى ذلك سوف يقابل بتطبيق قواعد المنتدي بكل شدة

اللهم انصر وطننا الحبيب ونجنا من شر الفتن

رئيس مجلس ادارة المنتدي

والله يا كريم بيه الواحد حزنان على الى بيحصل مصرين بيضربوا فى مصرين ... حسبنا الله ونعم الوكيل فى الى كان السبب سواء من الاخوان او الثوار

[adelghanem]

اللهم اجعل هذا البلد فى احسن حال ...امين يارب العالمين

[mashaly]

السلام عليكم ورحمة الله وبركاته
كل اللي عايز أقوله: إن دم المسلم أعظم حرمة عند الله عز وجل من هدم الكعبة بل من الدنيا وما فيها، وهناك قاعدة شرعية تقول (درء المفاسد مقدم على جلب المصالح) وأتمنى أن يوجد توافق وليس فرض رأي ولا ديكتاتورية (من أغلبية ولا أقلية ) يعنى كل واحد يتنازل شوية عشان المركب تمشى بس بما يحفظ مصلحة مصر وكرامة ومكانة رئيسها المنتخب حتى لو مش بأغلبية ساحقة ومنزلة شعبها وحقوقه في خير بلاده(اللي كله إخوة سواء المسلمين بيجمعهم وطن ودم ودين أو المسيحين ودول بيجمعهم معانا أخوة أرض ودم وعهد وأمان) والله المستعان، هدانا الله جميعا إلى الحق والصواب وما فيه الخير للبلاد والعباد. أخوكم الأصغر/ إبراهيم الشربيني مدرس مساعد بكلية الشريعة والقانون - جامعة الأزهر.

بعد التحية للجميع

كلنا عارفين حرمة القتل عمد عند الله سواء مسلم اوغير مسلم يعني دينا بيوجب علينا حتى في حالة الحرب اننا مانتقتلش اطفال ولا نساء ولا شيوخ حتى لو كانوا غير مسلمين
مين اللي وجب الدم اصلا ووصل الحال إلى ما هو عليه غير العند وتجاهل حقوق المواطن المصري في بلده وخلت معظمنا لو عاش بره مصر بيتمنى يفضل بره مصر والان ناس كتير بتمشي وما فيش انتماء للبلد عارف ليه عشان الناس حاسة ان البلد مش بتاعتهم بتاعة ناس بتيجي تاخد كل حاجه وتمشي والباقي ياكل ظلط خلت اي حد بيكون في ايده حاجه بيجيى على اخوه حتى لأنه مش عارف بكره هيحصل فيه ايه كلنا كنا نأمل بأن الحزب الحاكم الان بعد ماعانوه في الفترات السابقة تحت ايدي الانظمة السابقة من ظلم وتعديات بأن يتقوا الله بعد ما اخرجهم من الظلمات إلى النور في شعب مصر المطحون ولكن صدمت بخيبة أمل شديدة بعد ما رأيت البلد بقى لونها إخونجي من الغفير إلى الوزير من أو له ميلول للأخوان أما أي حد غير متوافق أو صاحب مبدأ مغاير وليس بالسيئ لأني أعلم أن الاختلاف في وجهات النظر وارد ولولا الاختلاف لما كان هناك مذاهب في الاسلام
تعاطفنا جعلنا ننتخبك سيادة الرئيس ضد ما رأيناه تابع للنظام البائد رغم ان جميع من تعاطف كان ينتابه خوف ولكن كنا بنقول ربنا يجعل الرئيس الجديد هو اللي يكون أصلح الحالة العامة دلوقتي للناس او بلاش اعمم كلامي خليه على نفسي وما تحدتت معه فقثدنا الثقة بسبب ما نشاهده بدأت الحكومة الحاليه بمواجهات سياسية وبدأت في تصفية المعارضين والظهور الكثير في الاعلام وخطابات ووعود وردية وعلاقات وسفرخارجية وهبات والاستماع لرأي مجموعة وفكر واحد بحكم ان جميع المناصب الهاهمة وغير الهامة من نفس الحزب الحاكم أو تابع له أو له صلة نسب
وباقي الشعب في الحزب المعارض وأثبتوا ذلك بدهاء كبير وخرجهم بعداد كبيرة ويعلنون أنهم جميعا بدون استثناء مؤيدين لقرارات الرئيس نفس أسلوب النظام السابق للأسف لأنهم في المنصة ولا يرون بأن باقي الشعب أكبر وأقوى وأذكى وأن الله الواحد الاحد الفرد الصمد لايرضى بالظلم خرج الشعب بعدد أكبر وكل ما هيفرض رأي الشعب هيعند أكثر
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ
الشعب المصري محتاج يحس بالعدل عشان تعرف تحكمه مش بالعصايا زي مابيقولوا
للاسف النظام الحالي بدأ من حيث انتهى النظام السابق بدأبمحاربة أي معارض وبدل مايفرغ الطاقة والفرحة الثورية لتعمير البلد ومشاركة الجميع في ذلك فرغ طاقة الناس المكبوتة في الاختلافات الكثيرة في كل شيئ والتردد في اتخاذ القرارت وبالتدريج مع كثرة المشاكل في التلفزيون وفالشاع هيصيب البلد بحالة احباط شديد لان الكل كان متخيل وضع احسن وللاسف الوضع للأسوء في كل شيئ امام اعنينا لاننا السبب فيه كنا متخيلين الحكومة الجديدة هتختار ناس على مستوى عالي من الدراسة والعلم والامانة في المناصب الهامة والحساسة والنهوض بالبلد اتضح لي ان المقصود بالنهضة كان مشروع النهضة للأخوان المسلمين في مصر وليس مشروع النهضة بمصر وأهلها فكريالا واقتصاديا واخلاقيا أرجو من الله عزوجل ان يهدينا جميعا لما لافي الخير وأن يكون خطاب الرئيس غدا في إدراك لما وصل به حال البلد من وضع سيئ وانقسامات كثيرة ويتخذ قرارات حكيمة ترضي جميع الشعب ويصلح حالنا وحال البلد ياااااااااااارب

[sheko_2000eg]

الله - الوطن - نايل موتورز
:)

[moh19227]

لما يكون في دم يبقي مفيش حاجه اسمها حياد