ايه اخبار العربيات الـ 2000 سي سي والبنزين والضرايب

[abdo_general]

يا شباب
اخبار العربيات الـ 2000 سي سي

هل هيترفع عنها الدعم في البنزين فعلا
ولا هتعلي ضريبتها

طيب وبالنسبة لسحبها في البنزين
انا مشاويري وشغلي بعيد

يعني يوم في العبور , يوم علي الطريق الصحراوي , يوم في اكتوبر , يوم في التجمع
ممكن ربنا يكرم بالغردقة او شرم

فا ايه رائيكم لو اشريت عربية 2000 سي سي
؟؟

[Mshawky]

مع اسعار البنزين ديه هتبيع الى وراك والى قدامك


وشوف ايه متطلباتك من 2000 سى سى وممكن تجيب حاجه هاديه

زى التيجو - الماهندرا الحاجات الحنينيه شويه

[hanyto]

الفرق بينها وبين 1600 مش كتير فى الاستهلاك
والضريبة على حسب الموديل بتاع السنة . يعنى لو موديل السنة وهاتروح ترخص هاتبقى الضريبة 1000 جنية وتبتدى تنزل كل سنة 50 جنيه
اما بالنسبة لارتفاع اسعار البنزين او بمعنى اصح نظام البطاقة الذكية للبنزين فاكل اللى عنده عربية فوق 1600 سى سى مالوش دعم وهايشترى البنزين بالاسعار الجديدة اللى احنا لسة مانعرفهاش بس الكلام ده مش اكيد وهايبان فى شهر 4 اللى جاى واللى عرفته ان هما هايراعو اصحاب الموديلات القديمة يعنى مثلا ماتبقاش عربيتك موديل 70 او 80 او 90 ويكون الموتور السى سى بتاعو عالى 4000 او 3800 وهكذا

[abdo_general]

يعني رفع الدعم دا عن الي فوق 1600 احتمال يبقي اوشاعة :)

ولا اكيد ومش مقدرين الليتر هيبقي بكام ؟

متطلباتي من 2000 سي سي اني مشاويري كتير وبعيدة وسعات كتير سفر
فبقول هتستحمل معايا
وتعيش

وكان في عربية هنا معروضة للبيع فا كنت بفكر فيها اوبل 2000 سي سي موديل 96
بس خايف من موضوع البنزين دا بصراحة ومش لاقي حد يطمني

[blazer]

نصيحة
بلااش
مش عشان اى حاجة غير ان ال 2000 مش هتفرق حاجة عن ال 1600
خصوصا انت لما بتسافر اكيد مش هتمشى طول الطريق على 160
يعنى لو 120 دى سرعه كويسه فى السفر ,,, وال 1600 مش هتقول لا
بس حاول تعلى بالموديل لان عربيه موديل 96 هتبقى مش ضامنها وانت مسافر
دا غير ان ال 2000 بتاع الاوبل 96 مش قوى زى ما انت متخيل وال 1600 بتاع العربيات الجديده اشد منه

[abdo_general]

نصيحة
بلااش
مش عشان اى حاجة غير ان ال 2000 مش هتفرق حاجة عن ال 1600
خصوصا انت لما بتسافر اكيد مش هتمشى طول الطريق على 160
يعنى لو 120 دى سرعه كويسه فى السفر ,,, وال 1600 مش هتقول لا
بس حاول تعلى بالموديل لان عربيه موديل 96 هتبقى مش ضامنها وانت مسافر
دا غير ان ال 2000 بتاع الاوبل 96 مش قوى زى ما انت متخيل وال 1600 بتاع العربيات الجديده اشد منه

كلامك جميل وصح جدا
بس عربية 1600 دلوقتي بكام ولازم تبقي جديدة او موديل حديث زي مانت بتقول
هتبقي غالية فا مسئلة السعر حاكمة الموضوع شوية

علشان اجيب حاجة نضيفة

[kimokaim]

أنا ركبت العربيات 1600 سي سي ممكن تكون ممتازة في المدينة

بس استهلاك البنزين ؟!!! هو هو من وجهة نظري عن تجربة

يعني أنا كان معايا عربية نيسان صني ومشيت بيها 20 الف وبعتها وجبت نيسان بردو

ومشيت بيها 10 الاف وبعتها ؟؟ بعتها بسبب أني بسافر مسافات طويلة جدا ولازم 2000 سي سي

جبت سوناتا 2000 سي سي وسافرت بيها لحد تونس ولسه واصل من قريب من جربة في تونس

وبنزل ليبيا وومكن انزل دبي ولا الكويت ولازم العربية لاسباب خاصة

فإنت مشاويرك جوا القاهرة مش حتفرق معاك وهات عربية حديثة زي الاكسنت الموتور بتعها ممتاز

ومعاي BMWi328 ودي 2800 سي سي مانويل كوبيه وديه لمشاوير معينة بسبب الباشاوات يلي في المرور

بيحطو مطبااااااااااااات بكميات مهولة في الشوارع !! ومش البنزين يلي بيمنعني انزل بيها

بس لو ركبت 2000 سي سي وعايز تغير ل1600 سي سي حتتعب أوييييييي لحد ماتتعود عليها

والبنزين أيام النيسان الصني 550 كيلو وممكن توصل ل600 ودلوقتي 500 كيلو واكثر في السوناتا

هو هو البنزين ونفس التموينة تقريبا

[abdo_general]

انا اكتر حاجة مخوفاني رفع الدعم من علي بنزين 92 للعربيات فوق 1600 سي سي
ساعتها هبقي لبست سحب البنزين الزيادة ( مقدور عليه دلوقتي الي حد ما الفرق مش هيبقي كبير لان مشاوير السفر بيقل الفرق في الاستهلاك )
ولبست الزيادة في سعر البنزين

الكلام دا اكيد ولا اوشاعات :)

[fady554]

بص يا باشا احنا معانا عربية بيجو برستيج 2000 سى سى بعد عربيات 1600 و 1500 كتير
العربية مش زى ما انت متخيل غول بنزين لا احنا كان معانا النوبيرا بتسحب بنزين اكتر و اسمها 1600
و الضريبة مش زى ما انت متخيل بالالفات وكدة احنا لسة مجددين دفعنا حوالى 300 جنية فى السنة
المهم والدى عارض العربية للبيع لظروف خاصة عندنا فى البيت بعد ما كان مش عايز يفرط فيها
ودة لينك الاعلان

http://www.nilemotors.net/Nile/324390-405.html#post3874692870

[S O P H O S]

بلاش سعة المحرك دي دلوقتي
كراي البلد عاوزانا نمشي ب 600 سي سي بس وهندفع ضريبة برضوا ..

[hanyto]

انا اكتر حاجة مخوفاني رفع الدعم من علي بنزين 92 للعربيات فوق 1600 سي سي
ساعتها هبقي لبست سحب البنزين الزيادة ( مقدور عليه دلوقتي الي حد ما الفرق مش هيبقي كبير لان مشاوير السفر بيقل الفرق في الاستهلاك )
ولبست الزيادة في سعر البنزين

الكلام دا اكيد ولا اوشاعات :)

الكلام ده لسه مش اكيد

[Eng.Geo]

معرفش حاجة عن الضرايب ولا عن 92
بس ال 92 لو غلي ..... كل حاجة هتغلي أساسا والقرار هيتلغي
بالنسبة لل 2000cc .... هو عنيف وحلو في السفر مفيش كلام :D

[abou-yahia]

استهلاك البنزين في السفر لعربي 2000 أقل بفرق ملحوظ من ال 1600سي سي
جوه البلد الاستهلاك تقريبا واحد

[abou-yahia]

الريبه في حدود 650 جنيه في العام لموديل. 2004

[Eng.Geo]

استهلاك البنزين في السفر لعربي 2000 أقل بفرق ملحوظ من ال 1600سي سي
جوه البلد الاستهلاك تقريبا واحد

حسب دوستك