شكر وتقدير الى الظابط / ضياء عبد العزيز - مرور القليوبية - شبرا الخيمة

[أبو يوسف]

السلام عليكم ورحمة الله وبركاته .
رغم كل الصعوبات والتعب والقرف اللى شوفته فى المرور , وخلونى كرهت اليوم اللى أشتريت فى العربية إلا أن الظابط / ضياء عبد العزيز - ظابط المرور , كان شخص محترم ومهذب وعلى خلق , وصدقونى دة الشخص الوحيد اللى وقف جنبى فى المرور وسهلى حاجات كتيير قوى ( بدون أى مقابل ) رغم أن الموظفين حتى المهندس كانوا اسهل حاجة عندهم كلمة واحدة بس هى ( تعالى بكره ) وكأنهم بيتعاملوا مع واحد عاطل معندوش شغل , بس الحمد لله ربنى أكرمنى وقابلت الظابط دة , مع انى وانا رايحله , قلت لما المهندس والموظفين عاملين كدة , يبقى الظابط هيعمل فيا اية , ولكن غيرى فكرتى خالص قابلنى بكل إحترام وتقدير , وبقى هو يقولى أعمل كذا ,, وكذا .
علشان كدة أقل حاجة ممكن أقدمهالوا الشكر والتقدير على الموقع .
ولن أنسى مع الشكر
مدام / نجوى ( موظفة بالرخصة الخاصة )
مدام / هالة ( موظفة بالرخصة الخاصة )
مدام / علياء ( ( موظفة طباعة رخص السيارة )
وأما الذين لن أسامحهم على ما فعلوا بي :
أ/ عبد الناصر ( المراجعة ) حسبى الله ونعم الوكيل
الغريب فى الموضوع أن الموظين أقل درجة هم أكثر تناكة وكبر , والظابط هو اعلى درجة أقل كبرياء ( سبحان الله )
ابو يوسف
01110336039

[حماده المصري]

جميل اوي الشكر ده

بس المفروض حضرتك توضح لنا ايه اللي حصل معاك

[Karim_Monir]

اكتب موضوع كامل بالتوقيتات وهانشرهولك في الاخبار عشان توصل الرساله
واكتب معاه انك من ذوي الاحتياجات الخاصة اعانك الله

[Elawany13]

مهى ديه عادة الموظفين فى مصر
لو دخلت الجيش واتعاملت مع صف الضباط وبعدين تعاملت مع قيادات اعلى عميد ولا لواء
هتحس بنفس الاحساس وهتلاقى نفس المعاملة

[أبو يوسف]

الموضوع بالكامل :-
اليوم الاول :
روحت القومسيون وكشف وبعدين الموظف اللى فى القومسيون قالى خد الورقة دى روح بيها المرور , وسلمها للمهندس اللى فى اختبارت القيادة وخليه يختبرك ( دى حاجة خاصة للسيارات المجهزة فقط ) وبالفعل روحت للمهندس واختبرنى على السيارة , وكتبلى عليها ( لائق ويقود السيارة بالتجهيزة ) وقالى روح امضيها من الظابط , وبالفعل روحت للظابط ( ضياء ) مضالى على الورقة وقالى هتروح بالورقة دى للقومسيون , وسلمها وهات القومسيون معاك وهات معاك إيصال كهرباء , وصورة من المؤهل ( طبعاً دى حاجة غريبة على ظابط يقولك تعمل أية ) المهم وأنا بكلمه , فى واحد جة وراح زققنى بطريقة غريبة علشان يسأل الظابط على حاجة , وكأنة مش واقف أصلاً , والمهم الظابط انترفز جداً , وقالو انت بتزوقو كدة لية , انت مش شايفه , قالو مخدش بالى وراح مكمل كلامه مع الظابط الظابط قاله مش هرد عليك على أى حاجة إلا لما تعتذر الاول , وبالفعل الراجل أعتذرلى ( مجبر طبعاً ) لولا الظابط , أنا والله مكنتش محتاج اعتذار الراجل
اليوم الثانى :
روحت المرو ومعايا كل الاوراق المطلوبة , وأختبرت اختبار الاشارات , وبعدين روحت للمهندس علشان أختبار القيادة ( الاختبار الاساسى غير الاختبار الاول ) المهم اختبرت والحمد لله نجحت ( بدون أى وساطة ) المهم روحت للمهندس وقولتله بعد أذنك ادينى الورق بتاعى علشان الحق ادفع واستلم الرخصة قالى لأ ( تعالى بكرة ) , قولتله معلش انا معنديش اجازات علشان اجى بكرة , رد عليا طبعاً بصوت علاى وقالى ( بقولك تعالى بكرة ) المهم سبته وروحت للظابط ضياء , وحكتلوا الموضوع , قالى روح قول للمهندس الظابط ضياء بيقولك ادينى الورق بتاعى , بالفعل روحت للمهندس وقولتله الظابط بيقولك هات الورق , بمنتهى البساطة ادانى الورق بتاعى لمجرد أنه سمع اسم الظابط , من غير حتى ما يتأكد أنى بكدب ولا لأ , ومع أنى اتحيلت عليه يدينى الورق , المهم خلصت كل الاوراق وباقى على توقيع الظابط ضياء , روحتلو لاقيته واقف مع شويه عساكر , روحت وقولتله بعد أذنك امضيلى على الورق , راح واحد من العساكر قالى تعالى بكرة , راح الظابط ضياء قالو لأ هتخلصوا النهاردة وانت كمان اللى هتروح تختمه من المكت مش هو , وتودى الورق الخزنة كمان , علشان تبقى تقوله تعالى بكرة .
اليوم الثالث :-
روحت المرور الساعة 7.30 ص لاقيتهم بيبدءه الشغل الساعة 8.50 ص استنيت لحد ما جب ودخلت علشان أطلع الرخصة الخاصة علشان أرخص العربية , قابلتنى مدام / نجوى ( ربنا يكرمها ) , وقفت جانبى لحد ما خلصت الورق , وبعدين وودنى لمدام / هالة ( منتهى الاخلاق ) بتجمع الاوراق وتشوف ايه اللى ناقص وفضل ان الورق يتراجع وبعدين اتصور واستلم الرخصة المهم الورق راح الى مكتب أ/ عبد الناصر ( المراجعة ) , فضل الروق عنده أكتر من 25 دقيقة مش راضى يجيى جنب الورق مع أنه مكنش بيعمل حاجة خالص , روحتله وبقوله بعد اذنك راجعلى الورق علشان الحق ارخص , راح مزعقلى وقالى اقعد لما انادى عليك و المهم خلص ورحت اتصورت وأخذت الرخصة ( مدة شهر فقط ), وروحت بسرعة الى الفحص علشان أبدء أرخص العربية , المهم لاقيت الظابط ضياء هناك , أول ما شفنى راح قالى تعالى , وسألنى عملت أية قالوتله استلمت الرخصة وجاى أعمل الفحص , قالى طيب هات ورقك هامضيلك عليه علضان متفضلش رايح جاى ( أصل عندنا الفحص مش فى المرور فى منطقة تانية خالص ) المهم توقيع الظابط على الورق يعتبر نص الورق خلص , الحمد لله خلصت الرخصة وعلقت الارقام
فاضل بقها حاجة واحدة أنى أغير الرخصة الخاصة ( مدة شهر ) الى الرخصة الاساسية ب 10 سنوات
روحت لمدام / نجوى , وقولتلها انا خلصت كل حاجة ينفه أغير بقى الرخصة ولا لازم أستنى شهر
قالتلى لأ مادام استلمت رخصة العربية ممكن تغيرها النهاردة , راحت والله بنفسها قامت وجابتلى الدوسية بتاعى من الارشيف , ودفعت انا الرسوم وراح الورق للمراجعة طبعاً أ / عبد الناصر , مسك الورق وعرف ان الورق دة اللى عمله الصبح , ام رامى الورق على المكتب , وقال دى حاجة تقرف دى حاجة ..... , انا هراحع الورق تانى , ما يجى بكرة ولا بعده , هو لازم النهاردة , راحت مادام نجوى , قالتله معلش اصله معوق , قالها واية المشكلة يعنى مايجى فى أى يوم تانى , والله العظيم ما انا شغال , يتحرق الشغل , وبقيت اتحايل علية , وكأنى بستلف منه فلوس , لحد ما خلانى أخر واحد فى الورق كله , وكأنه بيعقبنى .

[speed_magnum]

[size=4], قالتله معلش اصله معوق , قالها واية المشكلة يعنى مايجى فى أى يوم تانى , والله العظيم ما انا شغال , يتحرق الشغل , وبقيت اتحايل علية , وكأنى بستلف منه فلوس , لحد ما خلانى أخر واحد فى الورق كله , وكأنه بيعقبنى .

حضرتك مواطن مصري محترم لك حقوق
وده راجل قليل الادب وباذن الله حد مسؤل معاه هيقرا الكلام ده وهيجيبلك حقك. ...
والشخص ده فعلا معاق عقليا وفكريا. . .

[kimokaim]

حسبنا الله ونعم الوكيل في الناس دييييه

والحمد لله الدنيا لسه بخير وان الضابط واغلب الموظفين محترمين اﻻ الظالم المراجع حسبي الله ونعم الوكيل فيه

وفعﻻ كلمت تعال بكرة اكثر كلمة ممكن تسمعها في كل الدوائر الحكومية

امتى بأ نشوف البلد ديه حكومتها الكترونية وبتخلص المعامﻻت بسهولة زي دول عمرها 30 سنة على الخريطة !!!

طيب انت يااستاذ يوسف من ذوي اﻻحتياجات الخاصة وفي تعاطف معاك ولله الحمد

بس احنا مافيش حد ببتعاطف معانا وبيتعمل فينا كثييييييييير من غير ماحكيلك على انهم عايزين يدخلوك النار بالعافية

من خﻻل الفلوس يلي بياخذوها اتاوات من الشعب والله حاجة تخلي الواحد محتااااااااس !!!!!

والف مليون مبروووووك على الرخص وتقطعهم بالهنى ههههه

[hany63]

احنا في زمن بقى فيه الانسان المحترم استثناء
و الدليل ان الناس بطلت تقول على شخص قليل الادب من كتر ما بقت دي القاعده و اللي بيتذكر الشخص المحترم

[Sehsss]

لا حول ولا قوة إلا بالله، راجل ما عندهوش ريحة الدم.. بس برضه لسه في ناس محترمة والله

[M.Ayman]

الموضوع بالكامل :-
اليوم الاول :
روحت القومسيون وكشف وبعدين الموظف اللى فى القومسيون قالى خد الورقة دى روح بيها المرور , وسلمها للمهندس اللى فى اختبارت القيادة وخليه يختبرك ( دى حاجة خاصة للسيارات المجهزة فقط ) وبالفعل روحت للمهندس واختبرنى على السيارة , وكتبلى عليها ( لائق ويقود السيارة بالتجهيزة ) وقالى روح امضيها من الظابط , وبالفعل روحت للظابط ( ضياء ) مضالى على الورقة وقالى هتروح بالورقة دى للقومسيون , وسلمها وهات القومسيون معاك وهات معاك إيصال كهرباء , وصورة من المؤهل ( طبعاً دى حاجة غريبة على ظابط يقولك تعمل أية ) المهم وأنا بكلمه , فى واحد جة وراح زققنى بطريقة غريبة علشان يسأل الظابط على حاجة , وكأنة مش واقف أصلاً , والمهم الظابط انترفز جداً , وقالو انت بتزوقو كدة لية , انت مش شايفه , قالو مخدش بالى وراح مكمل كلامه مع الظابط الظابط قاله مش هرد عليك على أى حاجة إلا لما تعتذر الاول , وبالفعل الراجل أعتذرلى ( مجبر طبعاً ) لولا الظابط , أنا والله مكنتش محتاج اعتذار الراجل
اليوم الثانى :
روحت المرو ومعايا كل الاوراق المطلوبة , وأختبرت اختبار الاشارات , وبعدين روحت للمهندس علشان أختبار القيادة ( الاختبار الاساسى غير الاختبار الاول ) المهم اختبرت والحمد لله نجحت ( بدون أى وساطة ) المهم روحت للمهندس وقولتله بعد أذنك ادينى الورق بتاعى علشان الحق ادفع واستلم الرخصة قالى لأ ( تعالى بكرة ) , قولتله معلش انا معنديش اجازات علشان اجى بكرة , رد عليا طبعاً بصوت علاى وقالى ( بقولك تعالى بكرة ) المهم سبته وروحت للظابط ضياء , وحكتلوا الموضوع , قالى روح قول للمهندس الظابط ضياء بيقولك ادينى الورق بتاعى , بالفعل روحت للمهندس وقولتله الظابط بيقولك هات الورق , بمنتهى البساطة ادانى الورق بتاعى لمجرد أنه سمع اسم الظابط , من غير حتى ما يتأكد أنى بكدب ولا لأ , ومع أنى اتحيلت عليه يدينى الورق , المهم خلصت كل الاوراق وباقى على توقيع الظابط ضياء , روحتلو لاقيته واقف مع شويه عساكر , روحت وقولتله بعد أذنك امضيلى على الورق , راح واحد من العساكر قالى تعالى بكرة , راح الظابط ضياء قالو لأ هتخلصوا النهاردة وانت كمان اللى هتروح تختمه من المكت مش هو , وتودى الورق الخزنة كمان , علشان تبقى تقوله تعالى بكرة .
اليوم الثالث :-
روحت المرور الساعة 7.30 ص لاقيتهم بيبدءه الشغل الساعة 8.50 ص استنيت لحد ما جب ودخلت علشان أطلع الرخصة الخاصة علشان أرخص العربية , قابلتنى مدام / نجوى ( ربنا يكرمها ) , وقفت جانبى لحد ما خلصت الورق , وبعدين وودنى لمدام / هالة ( منتهى الاخلاق ) بتجمع الاوراق وتشوف ايه اللى ناقص وفضل ان الورق يتراجع وبعدين اتصور واستلم الرخصة المهم الورق راح الى مكتب أ/ عبد الناصر ( المراجعة ) , فضل الروق عنده أكتر من 25 دقيقة مش راضى يجيى جنب الورق مع أنه مكنش بيعمل حاجة خالص , روحتله وبقوله بعد اذنك راجعلى الورق علشان الحق ارخص , راح مزعقلى وقالى اقعد لما انادى عليك و المهم خلص ورحت اتصورت وأخذت الرخصة ( مدة شهر فقط ), وروحت بسرعة الى الفحص علشان أبدء أرخص العربية , المهم لاقيت الظابط ضياء هناك , أول ما شفنى راح قالى تعالى , وسألنى عملت أية قالوتله استلمت الرخصة وجاى أعمل الفحص , قالى طيب هات ورقك هامضيلك عليه علضان متفضلش رايح جاى ( أصل عندنا الفحص مش فى المرور فى منطقة تانية خالص ) المهم توقيع الظابط على الورق يعتبر نص الورق خلص , الحمد لله خلصت الرخصة وعلقت الارقام
فاضل بقها حاجة واحدة أنى أغير الرخصة الخاصة ( مدة شهر ) الى الرخصة الاساسية ب 10 سنوات
روحت لمدام / نجوى , وقولتلها انا خلصت كل حاجة ينفه أغير بقى الرخصة ولا لازم أستنى شهر
قالتلى لأ مادام استلمت رخصة العربية ممكن تغيرها النهاردة , راحت والله بنفسها قامت وجابتلى الدوسية بتاعى من الارشيف , ودفعت انا الرسوم وراح الورق للمراجعة طبعاً أ / عبد الناصر , مسك الورق وعرف ان الورق دة اللى عمله الصبح , ام رامى الورق على المكتب , وقال دى حاجة تقرف دى حاجة ..... , انا هراحع الورق تانى , ما يجى بكرة ولا بعده , هو لازم النهاردة , راحت مادام نجوى , قالتله معلش اصله معوق , قالها واية المشكلة يعنى مايجى فى أى يوم تانى , والله العظيم ما انا شغال , يتحرق الشغل , وبقيت اتحايل علية , وكأنى بستلف منه فلوس , لحد ما خلانى أخر واحد فى الورق كله , وكأنه بيعقبنى .

بص اولا احب اقولك انك راجل محترم و علان كده ربنا بيقوفلك ناس ولاد حلال زي الضابط ده و السيدات المحترمات دول و علي فكره الناس دي ربنا هيكرمها برضه علشان ناس بتقدر -اه انا عارف انهم ممكن ميكونوش بيعملوا كده مع كل الناس بس انا متأكد انهم برضه ناس محترمه و لولا ضغط الشغل كانوا سهلوا الدنيا علي كل الناس - اما بقي عن البهوات التانيه عايزك تتابعهم من بعيد و شوف ربنا هيعمل فيهم ايه من دعوة حسبي الله و نعم الوكيل اللي انت قولتها اقسم بالله انا مكنتش بقتنع بالكلام ده و دايما بتنرفز و اضيع حقي بعصبيتي بس شفت الكلام ده مع والدتي الله يكرمها لما حد بيجي عليها او يظلمها مش بتعمل اي حاجه غير الدعوه دي و خلاص و بعدييييين بالصدفه تسمع عن الشخص ده حاجات لدرجة انه بيصعب عليك حاله لأن ربنا مش بيسيب حق حد مظلوم بأي شكل طاال الزمن او قصر هيرجعلك حقك و هيوقفلك ولاد الحلال

[S O P H O S]

معلش زي ما في ناس كده في ناس برضوا بتراعي ربنا ..

[Youssef.Awad]

بصراحة الاشكال دى سبب وكسة مصر من وجهة نظرى
واقصد العاملين المدنيين وال6 مليون موظف بالمصالح الحكومية

[JAM]

من الاخر... مبروك الترخيص... ويارب البلد تنضف بقة من الموظيفين اللى فاكرين نفسهم من كوكب تانى

[الغزالى]

من الاخر... مبروك الترخيص... ويارب البلد تنضف بقة من الموظيفين اللى فاكرين نفسهم من كوكب تانى

بنتروق احنا فى المرور هنا بتاع شلقان

[JAM]

بنتروق احنا فى المرور هنا بتاع شلقان

ياغزغز يا بنى... إحنا بنتعذب عذاب الكفار مش بنتروق وبس