كشافات زينون

[Karim Emad]

السلام عليكم ورحمه الله
صباح / مساء الفل ياجماعه
من يومين وانا ماشى على الطريق الفوانيس بتاعتى نفختنى والله عنيا باظت كأنى كنت مولع شمعه مش فوانيس عربيه واللى زاد الهم ان الدنيا مطرت كمان لدرجه انى والله كان نفسى اشغل اغنيه قوم ولعلك شمعه علشان تمشى مع المود بس هى اساسا مش على الفلاشه ,,, ماعلينا
بعد اليوم الاسود دا وانا قررت اركب زينون
انا عربيتى TOYOTA COROLLA 97 عايز اهل الخبره يفيدونى افضل انواع الزينون فى مصر والاسعار
طبعا الزينون لازم يركبله كتاوت
وهل الزينون الواطى بيعمى اللى قدامى ولا لأ ولا اكرب زينون عالى بس علشان اللجان وكدا
ولو بلاش زينون واطى طيب انا عايز نور واطى قوى اعمل ايه
من الاخر انا عايز كل حاجه عن الزينون
منتظر التفاعل
تقبلوا تحياتى

[Loay94]

متابع جداا متابع خاالص :d

[exact]

بص ياباشا
قبل اي شئ... لازم الفوانيس نفسها تكون ممتازة
لا صدأ ولا ذرة تراب ولا تلطيش ولا تسريب ولا خدش فالازاز

انا شخصيا مش مقتنع بأي نوع زينون غير الأصلي اللي بينزل مع العربية (زي السيراتو مثلا)

فيه لمبات هالوجين كويسة... زي فيليبس رالي او فيليبس نايت جايد... والنوعين دول رائعين بكل معنى الكلمة

لو هتجيب زينون يبقى تدور على حاجتين اولهم انه عالاقل 55 وات وتانيهم ان درجة اللون تكون اقرب ما يمكن لدرجة 4300 كيلفن (درجة بياض ضوء الشمس) وما تجيبش ازرق تحت اي ظرف.... لأنه مؤذي جدا للي جاي قدامك بالاضافه لأن الطول الموجي للاضاءة كونه مائل للزرقة ده بيخليه مش كويس في الشبورة

[Karim Emad]

شكرا استاذ مصطفى بس ياريت حضرتك تدينى فكره عن اسعار فيليبس رالي و فيليبس نايت جايد
وبالنسبه ل 4300 انا سمعت نفس الكلام عن 6000 انه زى ضوء الشمس
ايه رأى حضرتك فى الكلام دا

[exact]

شكرا استاذ مصطفى بس ياريت حضرتك تدينى فكره عن اسعار فيليبس رالي و فيليبس نايت جايد
وبالنسبه ل 4300 انا سمعت نفس الكلام عن 6000 انه زى ضوء الشمس
ايه رأى حضرتك فى الكلام دا

أعتذر وبشده عن الخطأ اللي وقعت فيه

هي بياض ضوء الشمس من 6000 الى 6500

بخصوص الفيليبس اسعاره متفاوتة بس اسمع ان توكيله اسمه هاشم باص في شارع مكرم عبيد بس والله اعلم اتوقع ان سعر الجوز h4 ممكن في حدود 120

[michohat]

بدور في نفس الموضوع بس لكشافات العربية بتاعتي ال مربعه وعاوز شكل كويس وكمان طمعان اركب عدسات

[mohamedrabia]

أعتذر وبشده عن الخطأ اللي وقعت فيه

هي بياض ضوء الشمس من 6000 الى 6500

بخصوص الفيليبس اسعاره متفاوتة بس اسمع ان توكيله اسمه هاشم باص في شارع مكرم عبيد بس والله اعلم اتوقع ان سعر الجوز h4 ممكن في حدود 120

لو فيه ارقام تليفون تبقي عملت معروف

[zezozezozezo]

فى اوسرام كويسة جدا بس لمبة وبتنور تلجى وكويسة وشوفتها بس بصراحة مجربتاهش على عربيتى بس ان شاء الله هجرب بس انا مش عارف لية بخاف من النور الابيض دة