جراج شديد الانحدار

[enas007]

الجراج اللي تحت العماره منحدر جدا كأن العربيه نزله ملاهي لكن من جوه واسع هل النزله الحاده دي تعمل مشكله علي المدي الطويل ؟؟؟؟؟؟؟؟؟؟ظ

[SHNORY]

تعمل مشكله لو العربيه مانيوال واللي بيسوقها بيحرق جامد علي الاسطوانه علشان يطلع من الجراج
ولو الموتور خفيف عزمه حيقل بمرور الوقت

[Imhotep]

تعمل مشكله لو العربيه مانيوال واللي بيسوقها بيحرق جامد علي الاسطوانه علشان يطلع من الجراج
ولو الموتور خفيف عزمه حيقل بمرور الوقت

الاوتوماتك فيه حل للقصة دى هى الدرجات اللى بتبقى تحت ال d و بيبقى مكتوب عليها 1 و 2..... 1 معناها ان العربية تطلع على الترس الاول للحصول على اقصى عزم اثناء المطالع الشديدة عند طلوعها من الثبات.... و التانى الغيار التانى و هكذا.....

[ahmedeihab]

ملوش اى تأثير شرط انك متحملش على الاسطوانه و انت طالع

لكن ملوش اى تأثير على العربيه نهائى

كل التأثير هيبقى على الاسطوانه فقط

يعنى حاول و انت طالع رجليك متبقاش معلقه على الدبرياج

يعنى طلع العربيه و بعد كده رجليك على البنزين علشان تحافظ على الاسطوانه

^_^

[youssef_u]

عادي متقلقش

[sanhory]

انا شايف ان التاثير عالمدى الطويل عالموتور لو بتدور العربية و تطلع بيها الطلعة دي علطول بدون تسخين , لان مش المفروض نحمل عالموتور و هو لسه بارد

لكن لو العربية اخدت درجة حرارتها العادية الطلعة دي متاثرش في حاجة

[hemaa_82]

زي ما الاخوة قالو ...اسطوانة لو مش خبير

[tito29]

مع خالص أحترامي و تقديري للجميع أنا عندي نفس المشكلة و يمكن أكبر لأن المطلع حاد جدا و كمان واخد لفة شمال حوالي نص دائرة تقريبا
النتائج من الأخر كانت أن طقم الكبالن طقطق بدري جدا و بأغيرهم تقريبا كل سنة
مع العلم أن السيارة ألنترا 2006 و دي مشهور عنها الأعتمادية و الجودة العالية بس يمكن علشان ضخمة و تقيلة فالكبالن بتبوظ من المطلع الحاد ده؟؟ ألله أعلم
عموما أنا جربت كل أنواع الكبالن من أول الصيني المعفن أبو 200 جنيه الجوز و الياباني أبو 525 جنيه الجوز و برضه جربت الأستيراد (500 جنيه للجوز بس كامل بالكبالن الداخلية) و صدقني كله كان زي بعضه يعني هي السنة و بعدها تسمع مزيكا حسب ألله في الملفات

[SHNORY]

مع خالص أحترامي و تقديري للجميع أنا عندي نفس المشكلة و يمكن أكبر لأن المطلع حاد جدا و كمان واخد لفة شمال حوالي نص دائرة تقريبا
النتائج من الأخر كانت أن طقم الكبالن طقطق بدري جدا و بأغيرهم تقريبا كل سنة
مع العلم أن السيارة ألنترا 2006 و دي مشهور عنها الأعتمادية و الجودة العالية بس يمكن علشان ضخمة و تقيلة فالكبالن بتبوظ من المطلع الحاد ده؟؟ ألله أعلم
عموما أنا جربت كل أنواع الكبالن من أول الصيني المعفن أبو 200 جنيه الجوز و الياباني أبو 525 جنيه الجوز و برضه جربت الأستيراد (500 جنيه للجوز بس كامل بالكبالن الداخلية) و صدقني كله كان زي بعضه يعني هي السنة و بعدها تسمع مزيكا حسب ألله في الملفات

غير المطلع اوفرلك

فيه جراج عندي جنب البيت مطلعه حاد نوعا ما
بس بسمع الناس بتفرك جامد بالعربيات علشان يطلعوا
والله العربيات بتصعب عليا

[tito29]

غير المطلع اوفرلك

فيه جراج عندي جنب البيت مطلعه حاد نوعا ما
بس بسمع الناس بتفرك جامد بالعربيات علشان يطلعوا
والله العربيات بتصعب عليا

و ألله فكرت أغير الجراج كله بس للأسف أنا شغلي في الدقي و الركن صعب موت و سرقة العربيات هنا علي ودنه
تصدق أن الجراج هنا ب275 جنيه في الشهر من 9 صباحا حتي 5 مساءا ده غير الكبالن طبعا
ربنا يقدرنا

[samo9992003]

الكبالن الكبالن الكبالن اكتر حاجه هتبوظ يعنى لو هتفضل فيه احسنلك تيجبلك شويه كبالن جمله عشان هتحتاجهم كل كام شهر

[Sehsss]

ملوش اى تأثير شرط انك متحملش على الاسطوانه و انت طالع

لكن ملوش اى تأثير على العربيه نهائى

كل التأثير هيبقى على الاسطوانه فقط

يعنى حاول و انت طالع رجليك متبقاش معلقه على الدبرياج

يعنى طلع العربيه و بعد كده رجليك على البنزين علشان تحافظ على الاسطوانه

^_^

كلام سليم جدا

[youssef_u]

ايه يا جماعه ده ؟؟ انا كنت في السعوديه قعدت ٣ سنين في ابها و ٤ سنين في الباحه و المناطق دي مناطق جبلية و فيها مطاااالع لوز اللوز و كانت العربيه صني ٢٠٠٥ و ١٣٠٠ سي سي يعني ٧ سنين و مغيرتش لا كبالن و لا تيل و اسطوانه ولا طنبوره ولا زيت فتيس حتى ( كانت مانيوال )

[zinger]

ايه يا جماعه ده ؟؟ انا كنت في السعوديه قعدت ٣ سنين في ابها و ٤ سنين في الباحه و المناطق دي مناطق جبلية و فيها مطاااالع لوز اللوز و كانت العربيه صني ٢٠٠٥ و ١٣٠٠ سي سي يعني ٧ سنين و مغيرتش لا كبالن و لا تيل و اسطوانه ولا طنبوره ولا زيت فتيس حتى ( كانت مانيوال )

.
أحببتى أصنى - دايما رافعه راسنا والله