استحلفكم بالله بلاش سرعة

[masryxt]

انا الفيديو دة لسة مبعوتلي من شوية

ارجوكم بلاش سرعة أنب نفسك وحاسب نفسك وقول لنفسك انا فعلا باعمل كدة والنتيجة بمنتهي السهولة ممكن تبقي كدة
هل انت مستعد لكدة
ارجوكم فلنتقي الله في انفسنا ومن حولنا

Drive Safety - YouTube

[ganash]

الحمد لله الذى عافانا
بس فى موضوع زيه بالظبط فى نفس الدقيقه بنفس المحتوى D:

http://www.nilemotors.net/Nile/325984-a.html

[masryxt]

اعتقد ان دة شئ يدل حرصنا جميعا علي ان الرسالة توصل

وياريت المنتدي كلة يشوف الفيديو للاتعاظ

ولو الادارة تمسح واحد من الموضوعين وتثبت التاني ويكون اجباري اي حد داخل النهاردة يشوفة يبقي عملنا خير وساهمنا ان الرسالة توصل لاكبر عدد

[misry]

شكرا يا باشا

وأنا عن نفسي بمشي براحتي ...

[misry]

يا نهار ابيض ... ده فيديو يعقد بجد (ما كنتش لسة شفته قبل الرد الاول)

بلااااااااااااااااش سرعة ...

[beshomilan]

ااااااااوف ايه الحوادث دى
دانا بمشى بغباء كده :(((

[magic girl]

انا مش بفهم نفسية اللي بيسوقوا بسرعة.. لما الاقى حد ماشي و بياخد غرز زي ال &%&^ بجد بادعي انه يلبس في اوتوبيس عشان يبطل هبل.. انا شخصياً مرة من 10 سنين تقريباً سواق تاكسي شاهين خبطني و انا باعدي الشارع عشان كان طالع من شارع جانبي بسرعة.. و اغم عليا طبعاً و بعد كده اتحكالي اني طرت حوالي 10 متر. و ستر ربنا وحده ان محصليش حاجة..

ارواح الناس مش لعبة, و مش حرفنة ان حد ياحد غروة ولا يشد في شارع فيه عربيات و بشر و لا يمشي في زفة يعمل حركات بالعربية.. مش حرفنة و مش شطارة يعني بجد. و للناس اللي في المنتدى و بتعمل كده, بجد بجد يعني, مش بتفرق العربية اللي سبقتها, و مش هاتفرق 10 دقايق زيادة في مشوار !!! بس اللي بيفرق الناس اللي بيجيلها هلع من الحركات دي !

[Eng.Geo]

ايه ده !! :d
انا عامل الموضوع في نفس ذات اللحظة :d
انا طلبت من الأدارة الدمج أو لو يشيلوا أي واحد ... بس المهم الناس تشوف الفيديو

[egyptiandiver]

Thank you

[Eng.Geo]

انا مش بفهم نفسية اللي بيسوقوا بسرعة.. لما الاقى حد ماشي و بياخد غرز زي ال &%&^ بجد بادعي انه يلبس في اوتوبيس عشان يبطل هبل.. انا شخصياً مرة من 10 سنين تقريباً سواق تاكسي شاهين خبطني و انا باعدي الشارع عشان كان طالع من شارع جانبي بسرعة.. و اغم عليا طبعاً و بعد كده اتحكالي اني طرت حوالي 10 متر. و ستر ربنا وحده ان محصليش حاجة..

ارواح الناس مش لعبة, و مش حرفنة ان حد ياحد غروة ولا يشد في شارع فيه عربيات و بشر و لا يمشي في زفة يعمل حركات بالعربية.. مش حرفنة و مش شطارة يعني بجد. و للناس اللي في المنتدى و بتعمل كده, بجد بجد يعني, مش بتفرق العربية اللي سبقتها, و مش هاتفرق 10 دقايق زيادة في مشوار !!! بس اللي بيفرق الناس اللي بيجيلها هلع من الحركات دي !

أقولك انا نفسية اللي بيسوقوا بسرعة دول !
عارفة لما والـ adrenaline يعلي في الجسم قوي لدرجة متعة غير طبيعية تخليكي من كتر المتعة مش بتفكري أساسا ؟
جربتي لعبة في أي مدينة ملاهي وكانت لعبة خطر ؟ .... حسيتي بالفرحة ؟
في الملاهي انتي عارفة ان اللعب مأمنينها ... ولو ان في خطورة برضه
اللي بيحصل للي بيسوق بسرعة انه بيجري والأدرينالين يعلي ... تحصل مخاطر صغيرة وهو يتفاداها ... كدة حس انه برنس !
يعيد الموضوع كذا مرة ويجري كتييييييييييييييييير ويزيد ويصعب الموضوع أكتر
غرز وسط نقل ... وممكن من تحت نقل !
يجري وسط الناس والشوارع زحمة
أؤكدلك تماما ان اللي بيعمل كدة بيبقي في حالة لا وعي جزئي ومبيبقاش مقدر خطورة اللي بيعمله
وده بيختلف مع انه ممكن يبقي مقدر اللي بيعمله (تمكن) ومابيبقاش مقدر الخطورة نفسها
وأوكدلك كمان انه مستحيل وهو بيجري هيقف ويقول انا ايه اللي بعمله ده
كل اللي بيحصل ان ربنا دايما بيسترها
اللي بيبطل
واحد ربنا هداه وحس بالخطورة ... ممكن بعد احساسه بخطر بعد غرزة ... وممكن بعدها بفترة يقعد يفكر مع نفسه ... بس هو يفكر
واحد عمل حادثة وأذي بني أدم

اللي بقوله ده واقع من واحد بيجري جري موت وغرز موت
شوية ربنا يهديه وشوية يرجع يجري
ربنا يستر ومحدش يأذي حد

[AhMeD MeTwAlY]

أقولك انا نفسية اللي بيسوقوا بسرعة دول !
عارفة لما والـ adrenaline يعلي في الجسم قوي لدرجة متعة غير طبيعية تخليكي من كتر المتعة مش بتفكري أساسا ؟
جربتي لعبة في أي مدينة ملاهي وكانت لعبة خطر ؟ .... حسيتي بالفرحة ؟
في الملاهي انتي عارفة ان اللعب مأمنينها ... ولو ان في خطورة برضه
اللي بيحصل للي بيسوق بسرعة انه بيجري والأدرينالين يعلي ... تحصل مخاطر صغيرة وهو يتفاداها ... كدة حس انه برنس !
يعيد الموضوع كذا مرة ويجري كتييييييييييييييييير ويزيود ويصعب الموضوع أكتر
غرز وسط نقل ... وممكن من تحت نقل !
يجري وسط الناس والشوارع زحمة
أؤكدلك تماما ان اللي بيعمل كدة بيبقي في حالة لا وعي جزئي ومبيبقاش مقدر خطورة اللي بيعمله
وده بيختلف مع انه ممكن يبقي مقدر اللي بيعمله (تمكن) ومابيبقاش مقدر الخطورة نفسها
وأوكدلك كمان انه مستحيل وهو بيجري هيقف ويقول انا ايه اللي بعمله ده
كل اللي بيحصل ان ربنا دايما بيسترها
اللي بيبطل
واحد ربنا هداه وحس بالخطورة ... ممكن بعد احساسه بخطر بعد غرزة ... وممكن بعدها بفترة يقعد يفكر مع نفسه ... بس هو يفكر
واحد عمل حادثة وأذي بني أدم

اللي بقوله ده واقع من واحد بيجري جري موت وغرز موت
شوية ربنا يهديه وشوية يرجع يجري
ربنا يستر ومحدش

انا واحد من الناس الي بتجري في الشوارع سواء زحمه او فاضيه وغرز وممكن اغرز علي الرصيف عادي يعني مفيش مشاكل بس بكون حاسب كل حاجه بعد ستر ربنا طبعا بس كنت عارف لما هدوس فرامل هقف فين ولما ادخل الغرزه دي ايه الي هيحصل ولو مش هعدي بسلامه 100% والناس الي بعديها تكون سليمه دا لما كان معايا سكودا
منكرش ان في لحظهات عته وهبل كانت بتحصل علي الطرق السريعه بس لو العربيه الي كانت معايا مش اصيله كان زماني المرحوم يعني في مره كنت مسافر اسكندريه كنت بمشي بيني وبين اقصدام النقل مفيش حاجه بسيطه لدرجة ان انا مش شايف باقي اكصدام النقل ولما تكون عربيه لوري كنت بنزل بوش العربيه تحتها منتظر الطريق يفتح من اي اتجاه
لما جبت الشاهين وحاولت اجري واخد غرزه علي سرعه عاليه والعربيه عرضت وزحفت بجبمها وكنت هقتلب او البس في شجره من الشجر الكبير وبعدها في الميه
حرمت بقيت كبيري فركه وخمسايه في زفه انما اجري واغرز لا

[Eng.Geo]

انا واحد من الناس الي بتجري في الشوارع سواء زحمه او فاضيه وغرز وممكن اغرز علي الرصيف عادي يعني مفيش مشاكل بس بكون حاسب كل حاجه بعد ستر ربنا طبعا بس كنت عارف لما هدوس فرامل هقف فين ولما ادخل الغرزه دي ايه الي هيحصل ولو مش هعدي بسلامه 100% والناس الي بعديها تكون سليمه دا لما كان معايا سكودا
منكرش ان في لحظهات عته وهبل كانت بتحصل علي الطرق السريعه بس لو العربيه الي كانت معايا مش اصيله كان زماني المرحوم يعني في مره كنت مسافر اسكندريه كنت بمشي بيني وبين اقصدام النقل مفيش حاجه بسيطه لدرجة ان انا مش شايف باقي اكصدام النقل ولما تكون عربيه لوري كنت بنزل بوش العربيه تحتها منتظر الطريق يفتح من اي اتجاه
لما جبت الشاهين وحاولت اجري واخد غرزه علي سرعه عاليه والعربيه عرضت وزحفت بجبمها وكنت هقتلب او البس في شجره من الشجر الكبير وبعدها في الميه
حرمت بقيت كبيري فركه وخمسايه في زفه انما اجري واغرز لا

انا للأسف مش عارف أقولك ايه وانا أساسا مش بعرف أسيطر علي نفسي أوقات كتير
بس تيجي نفكر مع بعض كدة ؟
بتقول انك حاسب الغرزة 100 %
انت عارف لو وانت بتاخد الغرز كان في نقطة زيت أو شوية رمة هيحصل أيه ؟
أكيد الموضوع ده مش من ضمن ال 100 % بتوعنا ولا ايه ؟
عارف طبعا ان مفيش أحلي من الغرز القطم .... تلزق الأكصدام في الأكصدام وتنتش الغرزة وتدوس بنزين تختفي من كل اللي حواليك
من وقت مش بعيد خدت غرزة عالدائري من تحت شكمان نقل علي 180 !!!
عارف يعني ايه شايف شكمان داخل في عيني وطالع من تحت النقل بالعافية ؟
مكنتش بجري عشان نفسي أجري ولا حاجة ..... كنت مستعجل ودايس جامد لغاية ما واحد قفل عليا ومبقاش قدامي غير الغرزة ده !

انا قلت بنفكر يا أحمد .... يعني الكلام بوجهه لنفسي قبلك والله
حبيبي يابوحميد

[AhMeD MeTwAlY]

انا للأسف مش عارف أقولك ايه وانا أساسا مش بعرف أسيطر علي نفسي أوقات كتير
بس تيجي نفكر مع بعض كدة ؟
بتقول انك حاسب الغرزة 100 %
انت عارف لو وانت بتاخد الغرز كان في نقطة زيت أو شوية رمة هيحصل أيه ؟
أكيد الموضوع ده مش من ضمن ال 100 % بتوعنا ولا ايه ؟
عارف طبعا ان مفيش أحلي من الغرز القطم .... تلزق الأكصدام في الأكصدام وتنتش الغرزة وتدوس بنزين تختفي من كل اللي حواليك
من وقت مش بعيد خدت غرزة عالدائري من تحت شكمان نقل علي 180 !!!
عارف يعني ايه شايف شكمان داخل في عيني وطالع من تحت النقل بالعافية ؟
مكنتش بجري عشان نفسي أجري ولا حاجة ..... كنت مستعجل ودايس جامد لغاية ما واحد قفل عليا ومبقاش قدامي غير الغرزة ده !

انا قلت بنفكر يا أحمد .... يعني الكلام بوجهه لنفسي قبلك والله
حبيبي يابوحميد

لو هنفكر بجد انا كنت بحسب للمايه الرمل انما الزيت دا محسبتوش
عارف لو حصل نسبة خطأ من الاخرين بنسبة ضعيفه جدا تكاد لا تذكر هتعمل كوارس
تخيل انك ماشي علي طريق مفتوح 200 ك/س وربنا كرمك بواحد حب يغير الحاره بتعته ويا دوب هز الدركسيون حاجه بسيطه تخيل كدا الي ممكن يحصل
حاجه تانيه
انت بتجري تاخد غرزه ولازق في عربيه نقل والسوق رجله ريحة علي الفرامل وطبعا في للحظه دي بتكون مجهز رجلك علي دواسه البنزين
بس للاسف لما بركب عربيه محترمه مبعرفش اسيطر علي نفسي "ربنا يتوب علينا"

[Sehsss]

شكرا جزيلا على التحذير.. وعافانا الله شر الحوادث

[youssef_u]

الفيديو مؤثر جدا ،،،، بس في ناس عفاريت في تعدية الشارع في مصر ده عالدائري في ناس بحس انهم في سباق ال١٠٠ متر بيسخن و ينزل عليه ايموشن اجرررري يا مجدي و سبحان الله بيعدي سليم :d